Latest News

Slider Area

Featured post

வேடதாரி எனும் அரங்கச் சஞ்சிகை வெளிவந்துள்ளது

புத்தாக்க அரங்க இயக்கத்தினரின் வெளியீடாக எஸ்.ரி.குமரன் எஸ்.ரி.அருள்குமரன் ஆகியோரை பிரதம ஆசிரியர்களாகக் கொண்டு வேடதாரி எனும் அரங்கச் சஞ்சிகை ...

தமிழீழம்

சினிமா

தமிழ் வளர்ப்போம்

February 27, 2021

வேடதாரி எனும் அரங்கச் சஞ்சிகை வெளிவந்துள்ளது
by Editor - 0

புத்தாக்க அரங்க இயக்கத்தினரின் வெளியீடாக எஸ்.ரி.குமரன் எஸ்.ரி.அருள்குமரன் ஆகியோரை பிரதம ஆசிரியர்களாகக் கொண்டு வேடதாரி எனும் அரங்கச் சஞ்சிகை வெளிவந்துள்ளது. ,சஞ்சிகையின் முதல் பிரதியினை ஈழத்தமிழ் அரங்கின் பிதாமகர் அரங்க தாய் என சிறப்பிக்கப்படுகின்ற குழந்தை ம.சண்முகலிங்கத்திடம் கையளிக்கப்பட்டது.

Read More

பிரித்தானியாவில் சாகும்வரை உண்ணாவிரதத்தை ஆரம்பித்துள்ள ‘தமிழ்பெண்’
by Editor - 0

பிரித்தானியாவில் சாகும் வரை உணவுத் தவிர்ப்புப் போராட்டத்தை ஆரம்பித்துள்ள அம்பிகை உலகத் தமிழர்களிடம் வேண்டுகோள் விடுத்துள்ளார்.


அவர் வெளியிட்டுள்ள வேண்டுகோள் வருமாறு,

உலகத் தமிழர்கள் அனைவருக்கும் வணக்கம்

நான் திருமதி அம்பிகை செல்வகுமார் தற்போது பிரித்தானியாவில் லண்டனில் வசித்து வருகின்றேன்.

ஈழத்தமிழர்களுக்கு விடுதலை, நீதி கிடைக்க வேண்டும் என்பதற்காக எமது குடும்பம் நீண்டகாலமாகவே சனநாயக களத்திலே எம்மால் முடிந்த பணிகளை நெஞ்சுக்கு நீதியாக குரல் கொடுத்து வந்திருக்கிறது.
அந்தவகையில் தற்போது ஜெனிவாவில் ஜ.நா மனித உரிமைப் பேரவையில் மீண்டும் ஸ்ரீலங்காவுக்கு கால அவகாசத்தை வழங்கி ஸ்ரீலங்காவின் நீதியற்ற உள்ளூர் பொறிமுறைக்குள் தமிழ் மக்களின் நீதியை முழுமையாக நீர்த்து போகச் செய்யும்.

அதேவேளை தற்போது தாயகத்தில் தமிழ் மக்கள் மீதான இன அழிப்பை ஸ்ரீலங்கா பேரினவாத அரசு தொடர்வதற்கும் அங்கீகாரம் வழங்கும் வகையில் மனித உரிமைகள் பேரவையில் நான் வாழும் பிரித்தானியா நாட்டின் தலைமையில் ஸ்ரீலங்கா குறித்து இணைத்தலைமை நாடுகள் இணைந்து தீர்மானத்தை முன்வைக்கவுள்ள செய்தி உலகம் எங்கும் பரந்து வாழும் தமிழ் மக்களுக்கும், மனித நேயத்தை நேசிக்கும் அனைவருக்கும், எல்லாவற்றிற்கும் மேலாக தாயகத்தில் வீதிகளில் இறங்கி நீதிக்காக போராடிவரும் எமது தாய்மார்கள், குழந்தைகள், மற்றும் குடிசார் அமைப்புகள், தமிழ் அரசியல் கட்சிகள் உள்ளிட்ட எமது உறவுகள் அனைவருக்கும் மிகுந்த மனவேதனையும் ஏமாற்றத்தையும் தந்துள்ளது.

எனவே எமது தாய் நிலத்தில் நீதிக்காக ஏங்கித் தவிக்கும் எமது மக்களுக்கு நீதி கிடைக்க வேண்டும் என்ற மனிதநேயத்தோடு நான், சாகும் வரையிலான இந்த உணவு தவிர்ப்பு போராட்டத்தை நாளை 27 மாசி மாதம் 2021 ஆண்டு மதியம் 12 மணிக்கு தொடங்கவுள்ளேன்.

எனது இந்த சாகும் வரையிலான உண்ணாவிரதப் பயணத்திற்கு தாயகத்திலும், தமிழகத்திலும், புலம் பெயர்ந்த தேசங்களிலும் வாழும் நான் உயிருக்கு நிகராக நேசிக்கும் தமிழ் சொந்தங்கள் அனைவரும் உங்கள் குடும்பத்தில் ஒருத்தியாக என்னை ஏற்று நீங்கள் அனைவரும் அனைத்துலக சமுகத்தை நோக்கி தீவிரமாக குரல் கொடுத்து இந்தப் போராட்டத்திற்கு முழுமையாக வலுச்சேர்ப்பீர்கள் என்ற நம்பிக்கை எனக்கு உண்டு.

நிச்சயம் எமது மக்களுக்கு நீதி கிடைக்கும் வரை நாம் அனைவரும் ஒன்று பட்டு குரல் கொடுப்போம் என்ற வேண்டுகையை உரிமையோடு உங்கள் குடும்பத்தில் ஒரு மகளாக, சகோதரியாக அனைவரிடத்திலும் சிரம் தாழ்த்தி வேண்டிக்கொண்டு எனது பயணத்தை தொடங்குகின்றேன்.

நான் பெரிது நீ பெரிது என்றில்லாது நாடு பெரிது எம் இனவிடுதலை பெரிது என்பதை மனதில் நிறுத்தி நம் நாட்டிற்கான, மக்களுக்கான விடுதலை நோக்கி எம் மனச்சாட்சிக்கும் பொதுநீதிக்கும் கட்டுப்பட்டு சனநாயக வழியில் தொடர்ந்து பயணிப்போம்.

தமிழரின் தாகம் தமிழீழத் தாயகம் - என்றுள்ளது.

அத்துடன் #Hunger4truth_justice எனும் ஹேஸ்டாக்கை பயன்படுத்தி நீதிக்கான போராட்டத்தில் இணையுமாறு கோரிக்கை விடுக்கப்பட்டுள்ளது.
Read More

February 07, 2021

மாபெரும் எழுச்சி பேரணிபொலிகண்டியில் நிறைவு பெற்றது
by Editor - 0


எமது நீதிக்கான போராட்டத்தினை உலகம் ஏற்கும் திசை நோக்கி, மிகத் தீவிரமாக போராட்ட அரசியலாக  தமிழ் மக்களாகிய நாம் அணிதிரண்டு நகர்த்த வேண்டும். 

இந்த திடசங்கற்பத்துடன் போராட்டங்களுக்கு அனைவரும் ஒற்றுமையாக வீரியத்துடன்  ஒருங்கிணைந்த செயல் வடிவம் கொடுக்க வேண்டும் என பொத்துவில் தொடக்கம் பொலிகண்டி வரையான மக்கள் எழுச்சிப் பேரணி அன்புரிமையுடன் கேட்டுக்கொள்கிறது என வடக்கு - கிழக்கு சிவில் சமூக அமைப்புகள் வெளியிட்டுள்ள இறுதிப்பிரகடனத்தில் தெரிவிக்கப்பட்டது.

வடக்கு - கிழக்கில் கட்டமைக்கப்பட்டு முன்னெடுக்கப்படும் இன அழிப்புக்கு எதிராகவும் சிறுபான்மை மக்களின் வாழ்வுரியையும் வலியுறுத்தி பொத்துவில் தொடங்கி பொலிகண்டி வரையான மக்கள் எழுச்சிப் பேரணி பல தடைகளை தாண்டி பல்லாயிரக்கணக்கான மக்களின் பங்களிப்புடன் இன்று  பொலிகண்டி செம்மீன் படிப்பகத்தில் வெற்றிபெற்றது .

அவ்விடத்தில் நினைவுச்சுடர் ஏற்றப்பட்டு, நினைவுக் கல் பதிக்கப்பட்ட இறுதிப்பிரகடனம் வாசிக்கப்பட்டது.

பிரகடனத்தின் முழுமையாக கீழே  இணைக்கப்பட்டுள்ளது.






Read More

February 05, 2021

பேரறிவாளன் உள்பட 7 தமிழரை விடுதலை செய்யும் தமிழக அமைச்சரவை பரிந்துரையை நிராகரித்தார் ஆளுநர்
by Editor - 0

பேரறிவாளன் உள்பட 7 தமிழரை விடுதலை செய்யும் தமிழக அமைச்சரவை பரிந்துரையை நிராகரித்தார் ஆளுநர்



பேரறிவாளன் உள்பட 7 தமிழரை விடுவிக்க வேண்டும் என தமிழக அமைச்சரவையின் பரிந்துரையை ஆளுநர் பன்வாரிலால் புரோஹித் நிராகரித்துள்ளார். ராஜீவ் காந்தி படுகொலை வழக்கில் 30 ஆண்டுகளுக்கும் மேலாக சிறையில் உள்ள 7 பேரை விடுதலை செய்வது தொடர்பாக அரசியலமைப்பு சட்டம் 161 இன்படி தமிழக அமைச்சரவை கடந்த 2 ஆண்டுகளுக்கு முன்னர் தீர்மானம் நிறைவேற்றியது. இந்த தீர்மானம் மீது ஆளுநர் எந்தவித முடிவையும் எடுக்காமல் இருந்தார். இதனிடையே பேரறிவாளன் தனது தண்டனையை நிறுத்தி வைத்து விடுவிக்கக் கோரி உச்சநீதிமன்றத்தில் மனு தாக்கல் செய்தார். இந்த மனுவை நீதிபதி நாகேஸ்வர ராவ் தலைமையிலான அமர்வு விசாரித்து வருகிறது.

இந்த வழக்கு விசாரணையின்போது, பேரறிவாளனை விடுதலை செய்யும் அதிகாரம் ஜனாதிபதிக்கு மட்டுமே உள்ளது என மத்திய அரசு முதலில் வாதிட்டது. பின்னர், மத்திய அரசு தனது நிலைப்பாட்டை மாற்றியது, தமிழக ஆளுநர் 3 அல்லது 4 நாட்களில் முடிவு எடுப்பார் என மத்திய அரசுத் தரப்பில் தெரிவிக்கப்பட்டது.

இதையடுத்து பேரறிவாளன் விடுதலை தொடர்பான பரிந்துரை மீது ஆளுநர் ஒரு வாரத்திற்குள் முடிவு எடுக்க வேண்டும் என நீதிபதிகள் அவகாசம் வழங்கி, விசாரணையை ஒத்திவைத்தனர். ஆனால், உச்ச நீதிமன்றம் ஆணையட்டு 12 நாட்களாகியும் தமிழக அரசின் பரிந்துரை குறித்து ஆளுநர் எந்த முடிவும் எடுக்கவில்லை.

இந்த நிலையில் பேரறிவாளன் உள்பட 7 பேரை விடுதலை செய்வது தொடர்பாக தமிழக அரசின் பரிந்துரையை ஆளுநர் பன்வாரிலால் புரோஹித் நிராகரித்துள்ளார். மேலும் இந்த விடுதலை தொடர்பான முடிவை எடுக்க குடியரசுத் தலைவருக்கே அதிகாரம் இருப்பதாக ஆளுநர் தெரிவித்துள்ளார்.

7 பேர் விடுதலை தொடர்பான பரிந்துரையை சட்டத்திற்கு உள்பட்டு மத்திய அரசு பரிசீலிக்கும் என்றும் ஆளுநர் தனது அறிக்கையில் தெரிவித்துள்ளார். 7 பேர் விடுதலையில் ஆளுநர் நல்ல முடிவை எடுப்பார் என இன்று சட்டசபையில் முதல்வர் எடப்பாடி பழனிச்சாமி தெரிவித்திருந்த நிலையில் தமிழக அரசின் பரிந்துரையை ஆளுநர் நிராகரித்துள்ளார்.


Read More

February 04, 2021

உரிமைப் போராட்டத்தில் இணைந்து கொள்ளும் மலையக மக்கள் முன்னணி – வீ.இராதாகிருஷ்ணன் எம்.பி.
by Editor - 0

பொத்துவில் தொடங்கி பொலிகண்டி வரையான உரிமைப் போராட்டத்துக்கு மலையக மக்கள் முன்னணியும் முழு ஆதரவை வழங்குவதாக,
முன்னணியின் தலைவரும், தமிழ் முற்போக்கு கூட்டணியின் பிரதித் தலைவருமான வீ.இராதாகிருஷ்ணன் எம்.பி. தெரிவித்தார்.

அட்டனில் இன்று (04.01.2020) நடைபெற்ற ஊடகவியலாளர் சந்திப்பில் கலந்துகொண்டு, சம்பள உயர்வுக்கான உரிமைப்போராட்டம் மற்றும் பொத்துவில் முதல் பொலிகண்டி வரையில் நடைபெறும் யாத்திரை ஆகியன தொடர்பில் கருத்து வெளியிடுகையிலேயே அவர் இவ்வாறு கூறினார்.
இவை குறித்து அவர் மேலும் கூறியவை வருமாறு,

“ மலையக பெருந்தோட்டத் தொழிலாளர்களுக்கு ஆயிரம் ரூபா சம்பளத்தை வழங்குமாறு வலியுறுத்தி,

நாளை (05) மலையகம் தழுவிய ரீதியில் நடைபெறும் அடையாள வேலை நிறுத்தப் போராட்டத்துக்கு மலையக தொழிலாளர் முன்னணி ஏற்கனவே தமது ஆதரவை வெளியிட்டுள்ளது.
தொழிலாளர்கள் மத்தியில் பிளவு ஏற்படாமல் உழைக்கும் மக்களின் பலத்தை ஓரணியில் திரண்டு காட்ட வேண்டும் என்பதற்காகவே நாம் இந்த முடிவை எடுத்தோம்.

ஆயிரம் ரூபா சம்பளம் மட்டுமல்ல கூட்டு ஒப்பந்தத்தின் மூலம் கிடைக்க வேண்டிய தொழில் உரிமைகள் மற்றும் சலுகைகளும் முழுமையாக கிடைக்கவேண்டும். அதனை உறுதிப்படுத்திக் கொள்வதற்காகவும் எமது அழுத்தம் தொடரும்.

சம்பள உரிமைக்கான போராட்டத்தை நடத்துவதற்கு மலையக தொழிலாளர் முன்னணி திட்டமிட்டிருந்த வேளையிலேயே, ஏனைய தரப்பும் அழைப்பு விடுத்துள்ளது.

அந்தவகையில் ஊழியர்களுக்காக இணைந்துபோராடி, தொழில் உரிமைகளை வென்றெடுப்பதற்கு முழு ஆதரவையும் நாம் வழங்குவோம்.

அதேவேளை, வடக்கு, கிழக்கில் பொத்துவில் தொடங்கி பொலிகண்டி வரையான உரிமைப் போராட்டத்துக்கும் மலையக மக்கள் முன்னணி முழு ஆதரவை வழங்குகின்றது.

இது தொடர்பில் மாவை சேனாதிராஜாவுடன் கலந்துரையாடினோம். அவர்களும் எமது சம்பள உயர்வு போராட்டத்துக்கு ஆதரவை வழங்கியுள்ளனர்.

வடக்கு, கிழக்கில் இன்று காணிகள் அபகிரிக்கப்படுகின்றன. தொல்லியல் ஆய்வு என்ற போர்வையில் ஆக்கிரமிப்புகள் நடைபெறுகின்றன.

இவை நிறுத்தப்படவேண்டும். அதற்காக தமிழ்க்கட்சிகள் முன்னெடுக்கும் நடவடிக்கைக்கும் ஒத்துழைப்பு வழங்கப்படும்.” – என்றார்.
Read More

பிரித்தானியாவில் ஸ்ரீலங்கா தூதரகம் முன் தமிழர்கள் ஆர்ப்பாட்டம்
by Editor - 0

பிரித்தானியாவில் உள்ள ஸ்ரீலங்கா தூதுவராலயத்திற்கு முன்பாக, சென்ற சில தமிழர்கள் சற்று முன்னர் கறுப்பு பலூன்களை பறக்கவிட்டு தமது எதிர்ப்பை வெளிக்காட்டியுள்ளார்கள். குறித்த பலூன்களில் இலங்கையில் இன அழிப்பு நடந்தது என்ற வாசகங்கள் எழுதப்பட்டு  பறக்கவிடப்பட்டது . 
ஸ்ரீலங்காவின்  சுதந்திர தினமான இன்று(4) தமிழர்களின் கரி நாள் என்பதனை உலகிற்கு பகிரங்கமாக சொல்லியுள்ளார்கள் பிரித்தானியாவில் வாழும்  தமிழர்கள்
Read More

சசிகலா காரில் அதிமுக கொடி; நடவடிக்கை கோரி டிஜிபி.,யிடம் அமைச்சர்கள் புகார்
by Editor - 0

ஊழல் குற்றச்சாட்டில் 4 ஆண்டுகள் சிறைதண்டனை பெற்று விடுதலையான சசிகலா, காரில் அதிமுக கொடி பயன்படுத்தியதற்கு எதிர்ப்பு தெரிவித்து, அதிமுக சார்பில் அமைச்சர்கள் டிஜிபி.,யிடம் புகாரளித்தனர்.
vivasaayi.com


ஊழல் குற்றச்சாட்டில் 4 ஆண்டுகள் சிறை தண்டனை பெற்ற சசிகலா, கடந்த ஜன.,27ல் விடுதலையானார். அதற்கு முன்னதாக அவர் கொரோனா தொற்றால் பாதிக்கப்பட்டதால், பெங்களூருவில் உள்ள அரசு மருத்துவமனையில் அவருக்கு சிகிச்சையளிக்கப்பட்டது. பின்னர், கடந்த 31ம் தேதி மருத்துவமனையில் இருந்து டிஸ்சார்ஜ் ஆன சசிகலா, மருத்துவமனையில் இருந்து அதிமுக கொடியுடன் கூடிய காரில் புறப்பட்டார். இதற்கு அதிமுக தரப்பில் கடுமையான எதிர்ப்பு கிளம்பியது.

வரும் 8ம் தேதி பெங்களூருவில் இருந்து சசிகலா தமிழகம் வரவுள்ளார். இந்நிலையில், அதிமுக கொடியை சசிகலா பயன்படுத்தியதற்கு எதிராக அதிமுக அமைச்சர்கள் மற்றும் நிர்வாகிகள் டிஜிபி அலுவலகத்தில் புகாரளித்தனர். அமைச்சர்கள் ஜெயக்குமார், சி.வி.சண்முகம், தங்கமணி, வேலுமணி மற்றும் மூத்த நிர்வாகிகள் மதுசூதனன், கே.பி.முனுசாமி, நத்தம் விஸ்வநாதன் உள்ளிட்டோர் புகாரளித்தனர். அதில், அதிமுக கொடியை சசிகலா இனி பயன்படுத்தாமல் நடவடிக்கை எடுக்க வேண்டும் என புகாரில் கோரப்பட்டுள்ளதாக தகவல் வெளியாகியுள்ளது.
Read More

ஈழச்சொந்தங்களின் தொடர்போராட்டம் வெற்றிபெறட்டும்! – சீமான் வாழ்த்து
by Editor - 0

ஈழத்தில் சிங்களப் பேரினவாத அரசால் திட்டமிட்டு நிகழ்த்தப்பட்ட இன அழிப்புப்போரில் காணாமல் ஆக்கப்பட்ட உறவுகளைக் கேட்டு கிளிநொச்சி கந்தசாமி கோயில் முற்றத்தில் நடைபெற்று வரும் பட்டினிப்போராட்டமும், பொத்துவிலிலிருந்து தொடங்கியிருக்கும் நடைப்பயணமும் நம்பிக்கையைத் தருகிறது. சிங்களப்பேரினவாத ஆட்சியாளர்களின் கோர அடக்குமுறைகளுக்கு மத்தியிலும் நெஞ்சுரத்தோடு போராட்டத்தை முன்னெடுத்திருக்கும் ஈழச்சொந்தங்களைப் பெரிதும் போற்றுகிறேன்.
இவ்வாறு நாம் தமிழர் கட்சி தலைமை ஒருங்கிணைப்பாளர் செந்தமிழன் சீமான் தெரிவித்துள்ளார்.இது தொடர்பில் அவர் மேலும் தெரிவித்துள்ளதாவது,
கடந்த அறுபது ஆண்டுகளுக்கும் மேலாகத் தாயக விடுதலைக்காகவும், தங்களது மண்ணுரிமைக்காகவும் போராடிய தமிழ் மக்கள் மீது, இனவெறியும், இனத்துவேசமும் கொண்டு, பல்வேறு அடக்குமுறைகளை ஏவி, அரச பயங்கரவாதத்தின் மூலமும், உள்நாட்டுப்போர் மூலமும் 2 இலட்சம் தமிழர்களைத் துள்ளத்துடிக்கப் படுகொலை செய்தது இலங்கை இனவெறி அரசு.
இனப்படுகொலை நிகழ்ந்து பத்தாண்டுகளாகியும் அதுகுறித்து எவ்வித பன்னாட்டு விசாரணையும் நடத்தப்படாத நிலையில் அதற்கான நீதியைக் கேட்டு நிற்கிறோம். அனைத்துலக நாடுகளும் கைவிட்ட கையறு நிலையிலும் சர்வதேச சமுகத்திடம் மன்றாடி வருகிறோம்.

அதேபோல, சிங்களப் பேரினவாத அரசால் விசாரணை என்ற பெயரில் திட்டமிட்டுக் கடத்தப்பட்டுக் காணாமல் ஆக்கப்பட்டவர்களைக் கண்டுபிடித்துத் தரக்கோரி அவர்களது உறவினர்கள் கடந்த பத்தாண்டுகளாகப் பல்வேறு தொடர் போராட்டங்களை முன்னெடுத்து வருகின்றனர். ஆனால், முறையான பதில்கூட அளிக்கப்படாமல் அவர்கள் தொடர்ந்து சிங்கள இனவாத அரசால் அலைக்கழிக்கப்பட்டு வருகின்றனர்.
தமிழர்களின் போராட்டங்களுக்குச் செவிசாய்க்காத பேரினவாத அரசு இனவழிப்பு நடவடிக்கைகளை இன்னும் தீவிரப்படுத்தியுள்ளதை அண்மைக்காலமாக ஈழத்தில் நடைபெறும் நிகழ்வுகள் நமக்கு உணர்த்துகின்றன.

வடக்கு, கிழக்கு மாகாணங்களை முழுக்க இராணுவமயமாக்குவது, தமிழர் காணிகளை ஆக்கிரமிப்பது, புதிய சிங்களக் குடியேற்றங்களை உருவாக்கி, பூர்வக்குடிகளான தமிழர்களின் இருப்பைக் குறைப்பது, இருநூறுக்கும் மேற்பட்ட தமிழர் வழிபாட்டுத் தலங்களைச் சிதைத்தழிக்க முயல்வது, புத்த விகாரைகளைப் புதிதாக நிறுவுவது, தமிழ் மக்களின் இன, மொழி, பண்பாடு ஆகியவற்றுக்கான வரலாற்று அடையாளங்களை முற்றிலுமாக அழிப்பது என மறைமுகமாகவும், நேரடியாகவும் இனவழிப்பில் தொடர்ந்து ஈடுபட்டு வருகிறது.

மேலும், இசுலாமிய மக்களின் பாரம்பரிய சமயச் சடங்கான இறந்தவர்களைப் புதைக்கும் செயற்பாடுகளுக்குத் தடைவிதித்து, உடல்களை எரியூட்டி வருவதுடன், அதற்கு எதிராகப் போராடும் இசுலாமியர்களை அடக்கி ஒடுக்குவது, விசாரணை ஏதுமின்றி அரசியல் கைதிகளாகச் சிறைகளிலுள்ள தமிழர்களுக்குப் பொது மன்னிப்பு வழங்க மறுத்து சிங்களக் கைதிகளை மட்டும் விடுவிப்பது, மனித உரிமை மீறல்களை வெளிக்கொண்டு வரும் ஊடகவியலாளர்கள் மற்றும் சமுகச் செயற்பாட்டாளர்களை அச்சுறுத்தி அவர்களின் பேச்சுரிமை, எழுத்துரிமையைப் பறிப்பதெனப் பல்வேறு தொடர் இனவெறித் தாக்குதல்களை ஒவ்வொரு நாளும் நடத்திக் கொண்டிருக்கிறது இலங்கை அரசு.

எத்தகைய அடக்குமுறைகளை ஏவினாலும், இனவழிப்பு நடவடிக்கைகளை மேற்கொண்டாலும், தமிழர்களின் உரிமைப்போராட்டம் தமக்கான நீதியைப் பெறும்வரை ஒருநாளும் ஓயப்போவதில்லை என்பதை உணர்த்தும்விதமாக நடைபெற்றுக் கொண்டிருக்கும் தற்போதைய போராட்டங்கள் சிங்கள ஆட்சியாளர்களைக் கலக்கத்திற்குள் ஆழ்த்தியிருக்கிறது. அதனை நிறுவுகின்ற வகையில், வலிந்து காணாமல் ஆக்கப்பட்ட தமிழர்கள் நிலை என்ன ஆனது? அவர்கள் உயிரோடு இருக்கிறார்களா? அல்லது கொல்லப்பட்டார்களா ? அவர்களுக்கு நிகழ்ந்த கொடுமைகள் என்ன ? என்பது குறித்த உண்மை நிலையை அறியச் சுதந்திரமான பன்னாட்டு விசாரணை நடைபெற வேண்டியும், இன்னும் சிறையில் வாடும் தமிழர்களை உடனடியாக விடுதலை செய்ய வேண்டியும், இனவழிப்பு தொடர் நடவடிக்கைகளைப் பன்னாட்டுச் சமுகத்தின் கவனத்திற்கு கொண்டுசென்று நீதியை பெறும் நோக்கிலும், கிளிநொச்சி கந்தசாமி கோயில் முன்றலில் சுழற்சி முறையிலான பட்டினிப்போராட்டமும், தமிழ் மக்களுக்கு எதிரான அடக்குமுறைகளைக் கண்டித்துப் பொத்துவிலில் இருந்து பொலிகண்டி வரை நடைபயணமும் தொடங்கப்பெற்றுள்ளதை அறிந்தேன்.

இலங்கை சுதந்திர நாளினை, கறுப்பு நாளாகக் கடைப்பிடித்து, வடக்கு, கிழக்கு மாகாணங்களில் காணாமல் ஆக்கப்பட்ட தமிழர்களைக் கண்டுபிடித்துத் தரக்கோரி அவர்களது உறவுகளால் தொடங்கப்பட்டுள்ள நீதிக்கான இப்போராட்டத்தை முழுமையாக ஆதரிக்கிறேன். போராட்டம் வெற்றியை நிலைநாட்டவும், கோரிக்கைகள் நிறைவேற்றம் செய்யப்படவும் எமது உளப்பூர்வமான வாழ்த்துகளைத் தெரிவித்துக்கொள்கிறேன்.

புரட்சி எப்போதும் வெல்லும்!

நாளைய வரலாறு அதனைச் சொல்லும்



Read More

February 03, 2021

இன்று வெற்றிகரமாக முடிவடைந்த போராட்டம் மீண்டும் நாளை ஆரம்பமாகும் - போராட்டக்காரர்கள் அறிவிப்பு
by Editor - 0

பொத்துவில்லில் இருந்து பொலிகண்டி வரையிலான போராட்டம் இன்று காலை கொட்டும் மழைக்கு மத்தியில் ஆரம்பமாகியது.


இதில் சிவில் அமைப்புக்கள், பொது அமைப்புக்களின் பிரதிநிதிகள். மதத் தலைவர்கள், வடக்கு கிழக்கைச் சேர்ந்த பல தமிழ் அரசியல் கட்சிகளையும் பிரதிநிதித்துவப் படுத்திய மக்கள் பிரதிநிதிகள், சமூக செயற்பாட்டாளர்கள் என பலர் கலந்து கொண்டிருந்தனர்.

முன்னதாக மட்டக்களப்பு மற்றும் அம்பாறை மாவட்டங்களைச் சேர்ந்த பொலிஸ் நிலையங்கள் ஊடாக இந்த போராட்டத்தில் கலந்து கொள்ளும் மக்கள் மிரதிநிதிகளுக்கும், பொது அமைப்புக்களின் பிரதிநிதிகளுக்கும் நீதிமன்றத் தடை உத்தரவு பொலிசார் மூலம் வழங்கப்பட்டிருந்தன.

இவ்வாறு பொலிஸ் உத்தரவையும் தாண்டி புதன்கிழமை இப்போராட்டம் மிகவும் வெற்றிகரமாக மட்டக்களப்பு தாழங்குடாவில் புதன்கிழமை மாலை நிறவு பெற்றதாக போராட்டக்காரர்கள் தெரிவித்தனர்.

வியாழக்கிழமை காலை அவ்விடத்திலிருந்து மீண்டும் பொலிகண்டி நோக்கி புறப்படவுள்ளது.


இந்நிலையில தமிழ் மக்களின் இப்போராட்டத்தில் முஸ்லிம் அரசியல் பிரமுகர்களும், முஸ்லிம் மக்களும் கலந்து கொண்டு வலுச்சேத்திருந்தனர்.

போத்துவில் இருந்து மட்டக்களப்பு வரையில் பிரதான நெடுஞ்சாலையூடாக வந்த இப்பேரணியையடுத்து வீதியில் பொலிஸார், இராணுவதினர், மற்றும் விசேட அதிரடிப்படையினரும், புலனாய்வுத் துறையினரும், தமது கடமையினை முடுக்குவிடப்பட்டிருந்ததையும் அவமதானிக்க முடிந்தது.

அரசியல் கைத்திகளின் விடுதலை, காணிவிடுவிப்பு, அத்துமீறிய குயேற்றம், நிரந்தர அரசியல் தீர்வு, காணி ஆக்கிரமிப்பு, பண்ணையாளர்களைக் கடத்துதல், உள்ளிட்ட பல விடையங்களுக்கு நிரந்தரத் தீர்வு வேண்டியே தாம் அகிம்சை ரீதியில் பொத்துவில் இருந்து பொலிகண்டி வரைக்குமான போராட்டம் இடம்பெறுவதாக இதில் கலந்து கொண்ட போராட்டக்காரர்கள் தெரிவித்தனர்.

Read More

படை எடுத்த தமிழர்கள் விழிபிதுங்கிய இராணுவம்
by Editor - 0

பொத்துவில் தொடக்கம் பொலிகண்டி வரை போராட்டத்தில் ஈடுபடும் போராட்டக்காரர்கள் காட்டாற்று வெள்ளமாக முன்னேறி வருவதால், தடைகளை ஏற்படுத்த முனையும் பொலிசாரும், இராணுவத்தினரும் திண்டாட்டத்தில் இருப்பதாக தெரியவருகின்றது.



போராட்டக்காரர்களை வழிமறிக்க இராணுவத்தினரும், பொலிசாரும் பல தயார்படுத்தல்களை மேற்கொண்ட சமயங்களில், அந்த பாதைகளை தவிர்த்து வேறு மார்க்கங்களையும் பயன்படுத்தி போராட்டக்காரர்கள் முன்னேறி வருகின்றனர்.



இன்று காலை 9.40 அளவில் பொத்துவில் நகரில் போராட்டம் ஆரம்பித்தது. போராட்டக்காரர்களிடமிருந்த பதாதைகளை பறிக்க பொலிசார் முயன்றபோது, அவர்களை தள்ளிவிட்டு பேரணி முன்னகர்ந்தது. பொலிசார் வீதித்தடைகளை அமைத்த போது, அதையும் உடைத்தெறிந்து ஆர்ப்பாட்டக்காரர்கள் முன்னேறியுள்ளனர்.



சுமார் ஒன்றரை கிலோமீற்றர் நகர்ந்த போது குண்டுமடுவில், பொலிசார் தடை செய்தனர். அங்கிருந்து வாகன பேரணியாக போராட்டக்காரர்கள் முன்னேறினர்.



பின்னர், தாண்டியடி, திருக்கோவில், தம்பட்டை, ஆலையடி வேம்பு பகுதிகளில் வாகன பேரணியை பொலிசார் தடுத்தனர். சுகாதார விதிமுறைகளை கடைப்பிடித்தே தாம் முன்னேறுவதாக விளக்கமளித்து போராட்டம் தொடர்கிறது.



இடையில், கோமாரியில் சுமார் அரை கிலோமீற்றர் தூரம் நடைபவனியாக பேரணி சென்றது.

Read More

February 02, 2021

தமிழின துரோகி என்றால் யாரென்று தெரியாத அங்கயன் குழுவிற்கு சுகாஸ் விளக்கம்.
by Editor - 0


தமிழின துரோகி என்றால் யாரென்று தெரியாத அங்கயன் குழுவிற்கு சுகாஸ் விளக்கம்.



Read More

இங்கிலாந்து மக்களுக்கு விடுக்கப்பட்டுள்ள மற்றுமொரு எச்சரிக்கை
by Editor - 0

கொரோனா தொற்றால் இங்கிலாந்து அதிகளவில் பாதிப்பை சந்தித்து வருகிறது. தற்போது பனிப்புயல் ஒன்று அந்நாட்டுக்கு ஆபத்தை ஏற்படுத்த உள்ளதாக வானிலை ஆய்வு மையம் எச்சரிக்கை விடுத்துள்ளது பீதியை கிளப்பியுள்ளது.
மழையும் பனியுமாக நாட்டில் பெரும் இடையூறை ஏற்படுத்தப்போவதாக தெரிவிக்கப்பட்டுள்ளது. ஸ்கொட்லாந்தில் -15 டிகிரி மற்றும் இங்கிலாந்தில் -6 டிகிரி செல்ஷியஸாக வெப்பநிலை இறங்க இருப்பதாகவும் வானிலை ஆராய்ச்சி மையம் தெரிவித்துள்ளது.

இங்கிலாந்தின் மத்திய மற்றும் வடக்கு பகுதிகளுக்கு பனி எச்சரிக்கை விடுக்கப்பட்டுள்ளது. தாழ்வான பகுதிகளில் 5 cm அளவுக்கும், உயரமான பகுதிகளில் 40 cm அளவுக்கும் பனிப்பொழிவு இருக்கும் என வானிலை ஆராய்ச்சி மையம் எச்சரித்துள்ளது

கிராமப் பகுதிகள் துண்டிக்கப்படலாம் என்றும், வாகன சாரதிகள் மோசமான சூழல் மற்றும் தாமதங்களை சந்திக்க நேரிடலாம் என்றும், மின்சாரம் துண்டிக்கப்படலாம் என்றும் வானிலை ஆராய்ச்சியாளர்கள் எச்சரித்துள்ளார்கள்.

இங்கிலாந்தைப் பொறுத்தவரை, மோசமான வானிலை காரணமாக பெரு வெள்ளம் ஏற்படலாம் என்றும், 200 இடங்களுக்கு ஏற்கனவே பெரு வெள்ள அபாய எச்சரிக்கை விடுக்கப்பட்டுள்ளதாகவும் வானிலை ஆராய்ச்சி மையம் தெரிவித்துள்ளது
Read More

February 01, 2021

தனிச்சிங்களத்தில் மட்டுமே ஸ்ரீலங்கா தேசிய கீதம் இசைக்கப்படும்
by Editor - 0

சுதந்திரதின நிகழ்வில் தனிச்சிங்களத்தில் மட்டுமே தேசிய கீதம் இசைக்கப்படும் என அறிவித்துள்ளது கோட்டாபய அரசு.
அரசாங்க தகவல் திணைக்களத்தின் கேட்போர் கூடத்தில் இடம்பெற்ற செய்தியாளர் உடனான சந்திப்பில் பாதுகாப்பு அமைச்சிக் செயலாளர் கமல்குணரட்ன இன்று இதனை தெரிவித்தார்.

அவர் மேலும் தெரிவிக்கையில்,

தேசிய கீதம் இசைக்கப்படுவது ஜனாதிபதி சுதந்திர தின வைபத்தில் கலந்துக்கொள்ளும் வேலையில் தேசிய கொடியை ஏற்றும் பொழுது தேசிய கீதம் இசைக்கப்படும். சிங்கள மொழியில் மாத்திரம் தேசிய கீதம் இடம்பெறும்.

கடந்த காலம் முதல் தேசிய கொடி தொடர்பில் உள்ள குறைபாடுகள் குறித்து பேசப்பட்டு வந்தது. இந்நிலையில், அந்த குறைபாடுகள் இம்முறை நீக்கப்பட்டுள்ளதா? என்று ஊடகவியலாளர் ஒருவர் இன்று நடைபெற்ற செய்தியாளர் மாநாட்டில் எழுப்பிய கேள்விக்கு செயலாளர் பதிலளிக்கையில், தற்பொழுது நாம் தேசிய கொடி ஒன்றை பயன்படுத்துகின்றோம். சமுகத்தில் பல்வேறு தரப்பினர் இதில் உள்ள குறைபாடுகள் குறித்து சுட்டிக்காட்டினர்.

தேசிய கொடியில் சிங்கத்தின் உருவத்தில் உள்ள குறைபாடுகள் திருத்தி வடிவமைக்க வேண்டும் என சுட்டிக்காட்டியுள்ளனர். இவர்கள் அனைவரினதும் ஆலோசனைகளை நாம் பெற்றுக்கொண்டுள்ளோம். இதுதொடர்பில் உள்நாட்டு அலுவல்கள் அமைச்சுடன் இணைந்து நடவடிக்கை மேற்கொண்டுள்ளோம்.

இதுதொடர்பில், பாரிய வேலைத்திட்டம் மேற்கொள்ளப்பட்டுள்ளது. இதில் இறுதி நடவடிக்கையாக இந்த விடயத்தை பாராளுமன்றத்தில் சமர்ப்பித்து அதை நிறைவேற்றிக் கொள்ள வேண்டும். இதனால் இம்முறை தேசிய சுதந்திர தின வைபவத்தை நடத்தும் பொழுது இதிலும் பார்;க்க மேலதிகமாக ஏதும் செய்வதற்கு இல்லை. இதனால் நாம் முன்னர் பயன்படுத்திய தேசிய கொடியை நாம் பயன்படுத்துவோம்.

தேசிய கொடியில் எந்த மாற்றமும் இல்லை. சிங்கத்தின் உருவத்தில் உள்ள குறைபாடுகள் குறிப்பிடப்பட்டுள்ளன. இவற்றை நிவர்த்தி செய்துகொள்ள வேண்டும். இதனை வடிவமைப்பாளர்களுடனும், அரசாங்க அதிகாரிகளுடனும் இணைந்து பேச்சு வார்த்தை நடத்தி இதற்கு தேவையான நடவடிக்கைகள் மேற்கொள்ளப்பட்டு வருகின்றது என்றார்.

73 ஆவது சுதந்திர தினத்தை கொண்டாடும் வாரத்தில் வீடுகளிலும், வாகனங்களிலும், வர்த்தக நிலையங்களிலும் தேசிய கொடியை ஏற்றுமாறு இதன்போது பாதுகாப்பு அமைச்சின் செயலாளர் கேட்டுக்கொண்டார்.

சுதந்திர தினத்தன்று நடைபெறும் அணிவகுப்புக்களில் கலந்துக்கொள்ளும் அனைத்து படையினரும் பி.சீ.ஆர், அன்டிஜன் பரிசோதனைக்கு உட்படுத்தப்படுவார்கள் என்றும் கூறினார்.

இராணுவத்தில் 3153 பேரும், கடற்படையில் 823 பேரும், விமானப்படையில் 740 பேரும், பொலிஸ் மற்றும் விசேட அதிரடிப்படையில் 510 பேரும், சிவில் பாதுகாப்பு படையில் 407 பேரும் இந்த அணி வகுப்பில் கலந்துக்கொள்ளவுள்ளனர். சுதந்திர தினத்தின் பெருமையை பாதுகாப்பதற்காக இந்த படையினர் தேவைப்படுகின்றனர். இவர்கள் அனைவரும் பி.சீ.ஆர், அன்டிஜன் பரிசோதனைக்கு உட்படுத்தப்படுவார்கள்.

சுகாதார அமைச்சின் ஆலோசனை மற்றும் வழிகாட்டளுக்கு அமைவாகவே இந்த சுதந்திர தின வைபவம் மேற்கொள்ளப்படுகின்றது என்றும் அவர் தெரிவித்தார்.

Read More

January 31, 2021

இது என் தேசம் என் நாடு! யாரும் விலகவில்லை நான்தான் வெளியேற்றினேன்: சீறிய சீமான்!
by Editor - 0


நாம் தமிழர் கட்சியின் களப்போராளிகளுடனான கலந்தாய்வு கூட்டம் வேலூர் மாநகராட்சி அருகே உள்ள தனியார் மண்டபத்தில் அக்கட்சி தலைமை ஒருங்கிணைப்பாளர் சீமான் தலைமையில் நடைபெற்றது. கூட்டத்தில் வேலூர், ராணிப்பேட்டை, திருப்பத்தூர் ஆகிய மாவட்டத்தை சேர்ந்த 13 சட்டமன்ற தொகுதிகளின் வேட்பாளர்களையும் அறிமுகம் சீமான் செய்து வைத்தார்.


தொடர்ந்து செய்தியாளர்களிடம் பேசிய சீமான், “இவ்வளவு நாளாக வேல்- ஐ கையில் எடுக்காத ஸ்டாலின் தற்போது எடுக்க காரணம் என்ன? மக்களுக்கு மிகப்பெரிய பிரச்னையே அதிமுக, திமுக ஆகிய இரு கட்சிகள் தான். இத்தனை ஆண்டுகளாக மக்கள் பிரச்சனையை தீர்க்க முடியாதவர்கள் 100 நாட்களிலா தீர்க்கப்போகிறார்கள். பா.ஜ.க ஆட்சியின் சாதனை, திட்டங்களை பற்றி பேச ஒன்றும் இல்லை. அவர்கள் கொண்டு வந்த திட்டங்கள் எல்லாமே கொடும் திட்டங்கள். வட இந்தியாவில் ராமர், கேரளாவில் ஐயப்பன், தமிழகத்தில் முருகன். நாங்கள் வேல்-ஐ கையில் எடுத்தது பண்பாட்டு மீட்சி, ஆனால் பா.ஜ.க, திமுக ஸ்டாலின் வேலை கையில் எடுத்தது தேர்தலுக்காக மக்களை இழுக்கவே. தமிழ் இறை அனைவருக்கும் சொந்தம். இத்தனை ஆண்டுகளாக ஸ்டாலின் ஏன் வேல்-ஐ கையில் எடுக்கவில்லை. பா.ஜ.கவும் கட்சி தொடங்கி இத்தனை ஆண்டுகளாக வேல்-ஐ கையில் எடுக்கவில்லை. தற்போது எடுப்பது தேர்தலுக்காக என்பது வெளிப்படையாக தெரிகிறது.


வேளாண் குடிமக்களின் கடனை ரத்து செய்யப்பட வேண்டும் என மத்திய பட்ஜெட்டில் எதிர்பார்க்கிறோம். நாம் தமிழர் கட்சி இந்திய கட்சிகள் மற்றும் திராவிட கட்களுடன் கூட்டணி வைக்காது. தனித்து தான் போட்டியிடும். 7 பேர் விடுதலை என்பது 25 ஆண்டுகால போராட்டத்திற்கு பிறகு தற்போது ஆளுனர் கையெழுத்தில் இருக்கிறது. தற்போது விடுதலை செய்ய வேண்டும். போராடி எப்படியும் விடுதலையை சாத்தியப்படுத்துவோம். தேர்தல் லாபத்திற்காக செய்தாலும் 7 பேரை தயவு செய்து விடுதலை செய்யுங்கள். இந்த முறை வெற்று அறிவிப்பாக இல்லாமல் ஆக்கப்பூர்வமான செயலாக்கத்திற்கு கொண்டு வர வேண்டும். 7 பேரை விடுதலை செய்ய வேண்டும். நாம் தமிழர் கட்சியில் இருந்து யாரும் வெளியேறவில்லை, நான் தான் வெளியேற்றினேன். அதன் பிறகு அவர்கள் விரும்பிய கட்சியில் சேர்ந்துகொண்டார்கள். நான் யாருக்கும் விளக்கம் அளிக்க வேண்டியது இல்லை. வேண்டும் என்றால் தான் விளக்கம் அளிக்க வேண்டும், வேண்டாம் என்றால் விளக்கி தான் வைக்க வேண்டும். மொத்த சீட்டையும் வெல்ல வேண்டும் என்று தான் உழைத்துக்கொண்டிருக்கிறோம்.

இது என் தேசம் என் நாடு இங்கு வாழுகிற குடிமக்களுக்கான அரசியல் தமிழ் தேசிய அரசியல். இட ஒதுக்கீட்டு கொள்கையில் ராமதாசோடு துணை நிற்பேன். இடஒதுக்கீட்டில் அவர் எப்போதுமே உறுதியாக இருப்பார் அந்த இடத்தில் அவருக்கு ஆதரவாக நான் நிற்பேன்” எனக் கூறினார்.
Read More

January 30, 2021

கொரோனா உயிரிழப்பு சடுதியாக அதிகரிப்பு
by Editor - 0

கொரோனா உயிரிழப்பு சடுதியாக அதிகரிப்பு


இலங்கையில் கொவிட் தொற்றினால் உயிரிழந்தோரின் எண்ணிக்கை இன்றையதினம் மேலும் அதிகரித்துள்ளதாக அரசாங்க தகவல் திணைக்களம் தெரிவித்துள்ளது.

இன்றையதினம் இலங்கையில் 8 கொவிட் உயிரிழப்புக்கள் பதிவாகியுள்ளதாக திணைக்களம் வெளியிட்டுள்ள அறிக்கையில் தெரிவிக்கப்பட்டுள்ளது.

இதன்படி, இலங்கையில் கொவிட் தொற்றினால் உயிரிழந்தோரின் எண்ணிக்கை 313ஆக அதிகரித்துள்ளது.

இலங்கையில் கொவிட் தொற்றினால் 63,293 பேர் பாதிக்கப்பட்டுள்ளதுடன், அவர்களில் 56,277 பேர் குணமடைந்துள்ளனர்.

இந்த நிலையில், 6703 பேர் மாத்திரமே, வைத்தியசாலைகளில் தொடர்ந்தும் சிகிச்சை பெற்று வருவதாக சுகாதார அமைச்சின் தொற்று நோய் ஆய்வு பிரிவு தெரிவித்துள்ளது.
Read More

January 28, 2021

கோட்டாபய அரசை புகழ்ந்து தள்ளிய அமெரிக்கா
by Editor - 0


கொழும்பு துறைமுகத்தின் கிழக்கு கொள்கலன் முனையத்தை அபிவிருத்தி செய்யும் நடவடி்கைக்கு இந்திய நிறுவனமொன்றை ஈடுபடுத்துவதற்கான கோட்டாபய அரசாங்கத்தின் முடிவை அமெரிக்கா பாராட்டியுள்ளது.

கொழும்பு ஆங்கில ஊடகமொன்றின் தகவலின்படி, இலங்கைக்கான அமெரிக்க தூதுவர் அலினா பி. டெப்லிட்ஸ், இந்த விடயத்தில் ஒரு இந்திய நிறுவனத்தின் தலையீடு இலங்கையின் கடல்சார் எதிர்காலத்திற்கு அவசியம் என்று கூறினார்.

இந்தியா இலங்கையின் துறைமுக வசதிகள் அல்லது கப்பல் பரிமாற்ற நடவடிக்கைகளின் பயனாளியாக இருப்பதால் இந்த நடவடிக்கை பொருத்தமானது என்று அவர் தெரிவித்தார்.

அபிவிருத்திச் செயற்பாட்டில் தனியார் துறையின் ஈடுபாட்டின் முக்கியத்துவத்தை எடுத்துரைத்த டெப்லிட்ஸ், இலங்கை தனது பொருளாதார வளர்ச்சிக்கான ஏற்பாட்டில் எதிர்காலத்தில்மிகவும் சிறந்த பலனை அடைவதை காண முடியும் என மேலும் தெரிவித்தார்.
Read More

January 26, 2021

நாளை காலை 10.30 மணிக்கு விடுதலையாகிறார் சசிகலா!
by Editor - 0


சொத்துகுவிப்பு வழக்கில், சசிகலா, இளவரசி மற்றும் சுதாகரன் ஆகிய நான்கு பேருக்கு பெங்களூரு சிறப்பு நீதிமன்றம் 4 வருடம் சிறை தண்டனை விதித்தது கடந்த 2017 ஆம் ஆண்டு தீர்ப்பளித்தது. இதையடுத்து மூவரும் பெங்களூரு பரப்பன அக்ரஹார சிறையில் அடைக்கப்பட்டனர்.

சொத்துக்குவிப்பு வழக்கில் 4 ஆண்டுகள் சிறை தண்டனை பெற்ற சசிகலா தற்போது அவரின் தண்டனை காலத்தை நாளை நிறைவு செய்ய உள்ளார். தற்போது கரோனா காரணமாக மருத்துவமனையில் அனுமதிக்கப்பட்டுள்ளார். இந்நிலையில் நாளை காலை 10.30 மணிக்கு அவர் விடுதலை செய்யப்படுவார் என்று சிறை நிர்வாகம் அறிவித்துள்ளது. இதற்காக அவரிடம் 9 மணி அளவில் கையெழுத்து பெறப்பட்டு சிறை நடைமுறைகள் முடிந்த பிறகு சுமார் 10.30 மணிக்கு அவர் விடுதலை ஆவார் என்று அறிவிக்கப்பட்டுள்ளது.


Read More

January 24, 2021

லண்டனில் தற்போது(காலை) ஆரம்பித்துள்ள கடும் பனிப் பொழிவு 10 CM வரை செல்லும்
by Editor - 0

vivasaayi

இன்று காலை லண்டனில் பல ககுதிகளில் கடும் பனிப்பொழிவு ஆரம்பமாகியுள்ளது. இது இன்று மாலை வரை நீடிக்கும் என்றும், சுமார் 10CM அளவுக்கு பனிப்பொழிவு காணப்படும் என்றும் வாநிலை அவதான மையம் தெரிவித்துள்ளது. அத்தோடு வாகன ஓட்டுனர்களுக்கும் எச்சரிக்கை விடுக்கப்பட்டுள்ளது. தமிழர்களே ஜாக்கிரதை.
Read More

January 21, 2021

மூளையை ஊடுருவும் கொரோனா! பிரித்தானியாவில் ஒரேநாளில் 1,820 பலிகள் - புலம்பெயர் தமிழர்களுக்கு ஆபத்து
by Editor - 0

பிரித்தானியாவில் நேற்றைய தினம் அதிகளவான கொரோனா மரணங்கள் பதிவு செய்யப்பட்டுள்ளன.

பிரித்தானியாவில் புலம்பெயர்ந்துள்ள தமிழ் மக்கள் கொரோனாவின் இரண்டாம் அலையால் பெரிதும் பாதிக்கப்பட்டுள்ளனர்.

இந்த மாதத்தின் ஆரம்பத்திலிருந்தே மிக வீரியமாக கொரோனா பரவி வருகின்றது.
IBC TAMIL
Read More

January 17, 2021

ஐநாவில் இலங்கைக்கு எதிராக சர்வதேச சுயாதீன விசாரணை பொறிமுறையை அமைக்கும் பிரேரணையை இங்கிலாந்து கொண்டுவர வேண்டும்-Rt. Hon. Sir. Ed Davey!
by Editor - 0

ஐநாவில் இலங்கைக்கு எதிராக சர்வதேச சுயாதீன விசாரணை பொறிமுறையை அமைக்கும் பிரேரணையை இங்கிலாந்து கொண்டுவர வேண்டும்; Rt. Hon. Sir. Ed Davey!

 - நூற்றுக்கு மேற்பட்ட பிரித்தானிய அமைப்புக்களின் ஒன்றிணைந்த கோரிக்கைக்கு பிரித்தானிய மிதவாத கட்சியின் தலைவர் முழுமையான ஆதரவு - 
இலங்கையில் இடம்பெற்ற கடுமையான சர்வதேச குற்றங்கள் குறித்து  விசாரிக்கவும் வழக்கு தொடரவும்  தேவையான சர்வதேச சுயாதீன விசாரணை பொறிமுறையை  (International Independent Investigation Mechanism) உருவாக்க, நடைபெறவுள்ள 46 ஆவது ஐ.நா. மனித உரிமைகள் பேரவையில் ஒரு தீர்மானத்தை இங்கிலாந்து கொண்டுவர வேண்டுமென்ற பிரித்தானிய தமிழ் அமைப்புக்களின் ஒருமித்த கோரிக்கைக்கு தனது முழுமையான ஆரதவை வெளிப்படுத்தியுள்ள இங்கிலாந்தின் மிதவாத கட்சியின் (Liberal Democrats) தலைவரும், பாராளுமன்ற உறுப்பினருமான உயர்திரு. சேர். எட் டேவி (Rt. Hon. Sir Ed Davey) அவர்கள், பிரித்தானிய பிரதமர் பொறிஸ் ஜோன்சனிடம் அவர்களிடம் இதற்கு ஆதரவாக தனது கோரிக்கையும்
 விடுத்துள்ளார். 

தமிழர்களின் தைத்திருநாளான நேற்று அவர் பிரித்தானிய பிரதமருக்கு அனுப்பி வைத்துள்ள கடிதத்தில் மேலும் தெரிவிக்கப்பட்டுள்ளதாவது,
இலங்கையில் யுத்தம் முடிவடைந்து ஏறக்குறைய 12 ஆண்டுகள் ஆகின்றன. ஆனால் போரின் போது நிகழ்ந்தாகக் கூறப்படும் போர்க்குற்றங்களை விசாரிப்பதற்கான சர்வதேச முயற்சிகளை இலங்கை அரசாங்கம் தொடர்ந்தும் எதிர்த்து வருகின்றது. தவிர, கடந்த 2020 ஆம் ஆண்டு பெப்ரவரியில் இலங்கை, ஐ.நா. மனித உரிமைகள் கவுன்சிலுக்கான தனது உறுதிப்பாட்டிலிருந்தும் விலகியது. இதன் மூலம் குற்றங்களுக்கு  யாரும் பொறுப்பேற்கமாட்டார்கள் என்பது தெளிவாகியுள்ளது. 
மேலும், குறித்த விடயம் தொடர்பில் உடனடியாக நடவடிக்கை எடுக்குமாறு பல தமிழ் குழுக்கள் இங்கிலாந்துக்கு அழைப்பு விடுத்துள்ளமை தாங்கள் அறிவீர்கள் என நினைக்கின்றேன். தவிர, இங்கிலாந்து தமிழ் சமூகத்தை சேர்ந்த குழுக்கள் கூட்டணியாக ஒருமித்து வெளியுறவு செயலருக்கு இம்மாதம் கடிதம் ஒன்றையும் எழுதியுள்ளனர். அதில்  சர்வதேச விசாரணையை நடத்துவதற்கான பொறிமுறையொன்றினை இலங்கைக்கு எதிராக உருவாக்கமாறு கோரியுள்ளனர். அதேவேளை தமிழர்களுக்கான பிரித்தானிய அனைத்து கட்சி பாராளுமன்ற குழுவும் இது தொடர்பில் கடந்த நவம்பரில் வெளியுறவுச் செயலருக்கு கடிதம் எழுதியிருந்தது.  எனினும் அதற்கான பதில் எதுவும் இதுவரை கிடைக்கப்பெறவில்லை. 
சர்வதேச சுயாதீன விசாரணைக்கான பொறிமுறையை உருவாக்குவதே இலங்கைக்கு எதிராக அர்த்தமுள்ள சரியான நடவடிக்கையாகும். இதற்காக இனப்படுகொலையினால் பாதிப்படைந்துள்ள தமிழர்களிடமிருந்து ஆதாரங்களை சேகரிப்பதுடன் 2015 செப்டம்பரில் பெறப்பட்ட ழுஐளுடு அறிக்கையில் உள்ள தகவல்களையும் ஆதாரங்களையும் பயன்படுத்தலாம். 
எனவே இலங்கையில் பொறுப்புகூறலுக்கான ஒரு சர்வதேச பொறிமுறையை வலியுறுத்துவதற்கான நடவடிக்கைகளை முன்னெடுப்பதில் இம்முறை முக்கிய பங்கை இங்கிலாந்து கொண்டுள்ளதால் மேற்படி பொறிமுறையை அமுல்படுத்தும்படி தங்களை கோருகிறேன் என அதில் அவர் தெரிவித்துள்ளார்.
Read More

இந்தியாவின் முகத்தில் அறைந்ததுபோல் தமது சாவின் மூலம் பதிலளித்த தளபதி கிட்டு.
by Editor - 0

சரணடையும்படி எச்சரித்த இந்தியாவின் முகத்தில் அறைந்ததுபோல் தமது சாவின் மூலம் பதிலளித்த தளபதி கிட்டு.
07-01-1993 அன்று இந்தோனேசியாவின் மலாக்காவிலுள்ள பியூபர் கலா தீவில் தளபதி கிட்டுவும் மற்றும் 9 போராளிகளும் ஹொண்டூராஸ் நாட்டிலுள்ள சான் லோரன்யோ என்னும் துறை முகத்தில் பதிவு செய்யப்பட்ட எம்.வி. அகத் என்னும் கப்பலில் ஏறினார்கள்.

தளபதி கிட்டுவுடன் தாயகம் நோக்கி புறப்பட்டு வந்துகொண்டிருந்த எம் வி அகத் எனும் புலிகளின் அந்தக்கப்பலை இந்திய கடற்படை 14/01/1993 இரவிலிருந்து பின்தொடரத்தொடங்கியது.

தொடர்பு சாதனத்தில் தம்மை பின்தொடரும்படியும் அல்லது கப்பலை தாக்குவோம் எனவும் மிரட்டியது இந்தியக்கடற்படை.
தாம் குறிவைக்கப்படுவிட்டோம் என்பதை விளங்கிக்கொண்ட புலிகள் நிலைமையினை தலைவருக்கு தெரியப்படுத்தினர்.
புலிகளின் தலைமையோ இந்தியாவை தமது கப்பலைவிட்டு அகலுமாறு கேட்டுக்கொண்டது.
ஆனால் இந்தியா தாம் சோதனை செய்துவிட்டு கப்பலை விட்டுவிடுவதாக கூறியிருந்தது.

மூத்த தளபதிகளான லெப் கேணல் புலேந்திரன் லெப் கேணல் குமரப்பா உட்பட கடற்புறாவில் பயணித்த புலிகளின் கைதுகளின் போதும் இந்தியா தம்மை ஏமாற்றி அவர்களை அழித்ததன் அனுபவபாடத்தை ஏற்கனவே பெற்றிருந்த புலிகளின் தலைமை அதற்கு சம்மதிக்காது மறுப்புத் தெரிவித்தது.

ஐ.என்.எஸ். 38 விவேகா என்னும் இந்திய கடற்படைக் கப்பல்தான் தங்களை வழி மறித்துள்ளதென்பதை புலிகள் புரிந்து கொண்டனர். இதையடுத்து எவ்வித எதிர்ப்பு நடவடிக்கைகளிலும் இறங்க வேண்டாமென தளபதி கிட்டு தனது போராளிகளுக்கு உத்தரவிட்டார். இதன் பின் இந்திய கடற்படைக் கப்பலின் கப்டனுடன் தொடர்பு சாதனத்தில் பேசுவதற்கு விரும்புவதாக கிட்டு அவர்கள் அறிவித்தார்.

இதையடுத்து இடம்பெற்ற உரையாடலின் போது எங்களுடைய கப்பலை ஏன் தடுத்து வைத்துள்ளீர்களென தளபதி கிட்டு விசாரித்தபோது அது பற்றி எனக்குத் தெரியாது. உங்களுடைய கப்பலை கரைக்கு கொண்டு வரும்படி உத்தரவு பிறப்பிக்கப்பட்டுள்ளது. நீங்கள் இதற்கு உடன்படத் தவறினால் உங்கள் கப்பல் தாக்கப்படுமென இந்தியக் கடற்படைக் கப்பலின் கப்டன் தெரிவித்தார்.

ஏற்கனவே இந்தியாவிற்கும் விடுதலைப் புலிகளுக்குமிடையிலான உறவு சீராக இல்லாததால் இந்திய கடற்படைக் கப்பலை தாக்கினால் அது வேண்டாத விளைவுகளை ஏற்படுத்துமென்பதை உணர்ந்து கொண்ட தளபதி கிட்டு, எமது உயிரை இழந்தாலும் பரவாயில்லை இந்திய கப்பலைத் தாக்கக் கூடாதென போராளிகளுக்கு கடும் உத்தரவிட்டார். இதையடுத்து இந்திய கப்பலைத் தொடர்ந்து செல்லுமாறு தனது கப்பலின் கப்டனுக்கு உத்தரவிட்டார்.

இந்நிலையில் மற்றொரு இந்திய கடற்படை கப்பலான ஐ.என்.எஸ். பாப்பா 44 கிருபாணி என்னும் கப்பல் ஒரு புறமும் ஐ.என்.எஸ் 38 விவேகா கப்பல் மறுபுறமுமாக எம் வி அகத் கப்பலை இந்தியக்கரை நோக்கி நகர்த்திச்சென்றன.

பேச்சுக்கள் தொடர இந்தியா கப்பலை விட்டுவிடும் எனும் நம்பிக்கையோடு 
புலிகளின் கப்பல் இந்தியக்கரை நோக்கிச் சென்றுகொண்டிருந்தது.
ஆனால் புலிகள் அதிரடி நடவடிக்கைகள் ஏதேனும் நடைபெற்றாலும் என சந்தேகங்கொண்டு 
கப்பலைச் சூழ்ந்துகொண்ட இந்தியக்கடற்படை கப்பலை நிறுத்துமாறும் போராளிகளை சரணடையும்படியும் அறிவித்தது.

16/01/1993 அதிகாலை நிலைமையின் விபரீதத்தை முற்கூட்டியே அறிந்த தளபதி கிட்டு நேரடியாகவே இந்திய அதிகாரிகளுடன் தொடர்புசாதனத்தில் பேச்சுவார்த்தையில் ஈடுபடுகிறார்.

விடுதலைப் புலிகளின் தலைவர் பிரபாகரனைச் சந்தித்து சமாதான திட்டமொன்றைப் பற்றி விவாதிக்கவே தான் யாழ்ப்பாணம் நோக்கி சென்று கொண்டிருப்பதாக தளபதி கிட்டு விளங்கப்படுத்தினார். ஆனால், இந்தியக் கடற்படைக் கப்பல் கப்டனோ அவர்களை சென்னையை நோக்கி வருமாறு வற்புறுத்தினார். சென்னைக்கு ஏன் தாம் வரவேண்டுமென தளபதி கிட்டு வினவியபோது தனக்கு எதுவும் தெரியாதெனவும் சென்னை வந்தவுடன் உயர் அதிகாரிகள் உங்களைச் சந்தித்து விபரம் தெரிவிப்பார்களெனவும் இந்திய கடற்படைக் கப்பல் கப்டன் கூறினார்.

இப் பேச்சு வார்த்தைகள் நடந்து கொண்டிருக்கும் போதே கப்பலும் சென்னையை நோக்கி நகர்ந்து கொண்டிருந்தது. சென்னைக்கு அருகேயுள்ள எண்ணூரிலிருந்து கிழக்கே 16 ஆவது மைலுக்கு எம் வி அகத் கப்பல் வந்த போது, அதை நிறுத்திவிடும்படி தளபதி கிட்டு கப்பல் கப்டனுக்கு உத்தரவிட்டார். இதற்கு மேல் பயணம் செய்து இந்திய எல்லைக்குள் நுழைவதற்கு தளபதி கிட்டு மறுத்து விட்டார்.

இதேநேரம் இன்னொரு இந்திய கடற்படைக் கப்பலான ஐ.என்.எஸ்.சாவித்திரியும் தளபதி கிட்டுவின் கப்பலை முற்றுகையிட்டிருந்த இரு கப்பல்களுடன் இணைந்து கொண்டது.

இந்நிலையில் உடனடியாக சரணடையும் படி தளபதி கிட்டுவுக்கு மீண்டும் உத்தரவிடப்பட்டது. அதற்கு மறுத்து விட்டு தளபதி கிட்டு, தன்னுடன் பேச்சு வார்த்தை நடத்த விரும்பினால் இந்திய உளவுத் துறை தலைவர்களையோ அல்லது சென்னையிலுள்ள அரசியல் தலைவர்களையோ அழைத்து வரும்படி கேட்டுக் கொண்டார். ஆனால் இதை ஏற்பதற்கு இந்திய கடற்படை தளபதி மறுத்து விட்டார்.

16 ஆம் திகதி காலை 6 மணிவரை அவகாசம் வழங்கப்படுவதாகவும் அதற்குள் தளபதி கிட்டுவும் ஏனையவர்களும் சரணடைய வேண்டுமெனவும் இல்லையெனில் கப்பல் தாக்கப்பட்டு சிறை பிடிக்கப்படுவீர்களெனவும் தளபதி கிட்டுவுக்கு எச்சரிக்கை விடப்பட்டது.

சரியாக காலை 6 மணிக்கு இரு ஹெலிகொப்டர்களும் மூன்று போர் விமானங்களும் தளபதி கிட்டுவின் கப்பலை சுற்றி வட்டமிட்டன. சிறிது நேரத்தில் தளபதி கிட்டுவின் கப்பலை இந்திய கடற்படைக் கப்பல்கள் மிகவும் நெருங்கி வந்தன.

நிலைமையின் விபரீதத்தை உணர்ந்து கொண்ட தளபதி கிட்டு கப்பலின் கப்டன் ஜெயச்சந்திரனையும் மாலுமிகளையும் கடலில் குதித்து தப்பிச் செல்லுமாறு உத்தரவிட்டார். இதற்கு அவர்கள் மறுக்கவே சிலரை தளபதி கிட்டு தானே கடலுக்குள் தள்ளிவிட்டார். தனக்காக உயிர் விட தயாரான கப்பலின் கப்டனையும் மாலுமிகளையும் அநியாயமாக பலி கொடுக்க விரும்பாததாலேயே தளபதி கிட்டு அவர்களை தப்புமாறு உத்தரவிட்டார்.

சரியாக காலை 6.30 மணியளவில் தளபதி கிட்டு பயணித்த எம்.வி.அகத் கப்பல் வெடித்து தீப்பிடித்துக் கொண்டது. இந்தியாவின் கைகளில் சிக்க விரும்பாத தளபதி கிட்டுவும் ஏனைய 9 போராளிகளும் வங்கக் கடலிலேயே தம்மைத் தாமே வெடிக்க வைத்து கப்பலுடன் சங்கமமாகினர்.
Read More

January 10, 2021

நினைவுத் தூபி இடிப்புச் சம்பவத்திற்கு அங்கஜன் எம்.பி கண்டனம். angayan
by Editor - 0

அனுமதிகளையும் தாண்டி மக்களின் உணர்வுகளுக்கு மதிப்பளித்திருக்க வேண்டும்; நினைவுத் தூபி இடிப்புச் சம்பவத்திற்கு அங்கஜன் எம்.பி கண்டனம்.
அனுமதிகளையும் தாண்டி மக்களின் உணர்வுகளுக்கு மதிப்பளித்திருக்க வேண்டுமென யாழ் மாவட்ட பாராளுமன்ற உறுப்பினர் அங்கஜன் இராமநாதன் தெரிவித்துள்ளார். யாழ்ப்பாண பல்கலைக்கழக வளாகத்தில் அமைக்கப்பட்டிருந்த முள்ளிவாய்க்கால் நினைவுத் தூபி உடைப்புச் சம்பவம் தொடர்பாக ஊடகங்களுக்கு வழங்கியுள்ள கண்டன அறிக்கையிலேயே அவர் இவ்வாறு குறிப்பிட்டுள்ளார். 

"நான் மக்களின் பிரதிநிதியே தவிர அரசின் பிரதிநிதி அல்ல; மக்களுக்கு ஓர் பிரச்சனை என்றால் எனது பதவியைக் கூட ராஜினாமா செய்வேன் என கடந்த ஐந்து வருடங்களுக்கு முன்னர் யாழ் பல்கலையில் இடம்பெற்ற நிகழ்வொன்றில் கலந்துகொண்டிருந்த போது குறிப்பிட்டிருந்தேன்.அந்தவகையில் தமிழ் மக்களின் அடையாளச் சின்னம் ஒன்று தகர்க்கப்பட்டிருக்கும் இவ்விடயத்தில் என்னால் கரிசனை காட்டாமல் இருந்து விட முடியாது. ஓர் நினைவுத் தூபியை அழிப்பதென்பது ஒட்டுமொத்த சமூகத்திற்கும் அது பேரிழப்பாக அமையும். யாழ் பல்கலைக்கழக வளாகத்தில் அமைந்திருந்த முள்ளி வாய்க்கால் நினைவுத் தூபி அழிப்புச் சம்பவமும் தமிழ் மக்கள் மனங்களில் ஓர் வடுவாக மாறியுள்ளது.

அனுமதி என்ற விடயத்தில் அன்று விடப்பட்ட தவறு இன்று ஓர் அடையாளச் சின்னம் அழிக்கப்படக் காரணமாக அமைந்துவிட்டது. 

இந்த நினைவுச் சின்னம் இன மத பேதங்களுக்கு அப்பால் இறுதி யுத்தத்தில் உயிர்நீத்த அனைவருக்கும் பொதுவான ஒன்று. 

நினைவுத் தூபியை இடிக்க வேண்டும் என அழுத்தம் பிரயோகிக்கப்பட்டமை தொடர்பில் எமக்கு எந்தவொரு தகவலும் கல்விச் சமூகத்தால் தெரிவிக்கப்படவில்லை. அடையாளச் சின்னம் அழிக்கப்பட்ட பின்னரே இவ் விடயம் தொடர்பில் எம்மால் அறிய முடிந்தது.இது தொடர்பில் முன்பாகவே எமக்கு தெரியப்படுத்தியிருந்தால் இன்று அந்த தமிழ் மக்களின் அடையாளச் சின்னம் அழிவின்றி இருந்திருக்கும்.

எதிர்காலத்தில் இவ்வாறான தவறுகளுக்கு களம் அமைத்துக் கொடுத்து இளைய சமுதாயம் திசை மாறிச் செல்வதனையும், இனங்களுக்கிடையே முரண்பாடுகள் வளர்க்கப்படுவதனையும் அடியோடு தடுத்து நிறுத்த வேண்டும். 

பேச்சுவார்த்தை மூலம் சுமூகமாக தீர்க்கப்பட வேண்டிய விடயம் ஒன்று இன்று வன்முறை வரை வளர்ந்து நிற்பது வருத்தமளிக்கின்றது.

அங்கஜன் இராமநாதன் 
பாராளுமன்ற உறுப்பினர் 
யாழ் மாவட்டம்.
Read More

தமிழ் மக்களின் உணர்வுகளை நசுக்குவதற்கு ஒப்பானது- CV விக்னேஸ்வரன்
by Editor - 0

“தமிழ் மக்களின் உணர்வுகளின் வெளிப்பாடாக – அவர்களுடைய அன்புக்குரிய உறவுகளை நினைவு கூருவதற்காக யாழ். பல்கலைக்கழகத்தில் அமைக்கப்பட்டதுதான் முள்ளிவாய்க்கால் நினைவுச் சின்னம். இராணுவப் பாதுகாப்புடன் இதனை நிர்மூலமாக்குவது தமிழ் மக்களின் உணர்வுகளை நசுக்குவதற்கு ஒப்பானது” எனத் தெரிவித்திருக்கும் தமிழ் மக்கள் தேசியக் கூட்டணியின் தலைவரும்,யாழ். மாவட்ட பாராளுமன்ற உறுப்பினருமான சி.வி.விக்னேஸ்வரன், “பல்கலைக்கழகப் பகுதியில் இராணுவத்தைக் குவிக்க வேண்டிய அவசியம் எதுவும் இல்லை. உடனடியாக இராணுவம் அங்கிருந்து வெளியேற்றப்பட வேண்டும்” எனவும் வலியுறுத்தியிருக்கின்றார்.
யாழ். பல்கலைக்கழகத்தில் தற்போது உருவாகியிருக்கும் நிலைமைகள் தொடர்பாக கருத்து வெளியிட்டபோதே இவ்வாறு விக்னேஸ்வரன் தெரிவித்தார்.

அவர் இது குறித்துமேலும் தெரிவித்தவை வருமாறு,

“இப்போது இடிக்கப்பட்ட முள்ளிவாய்க்கால் நினைவுத் தூபி யாழ் பல்கலைக்கழகத்தில் பணியாற்றி முள்ளிவாய்க்காலில் கொல்லப்பட்ட மாணவர்கள், விரிவுரையாளர்கள், ஊழியர்கள், பல்கலைக்கழக சமூகத்தினர் மற்றும் அவர்களின் உறவுகளுக்காக அமைக்கப்பட்டது.

மாணவர்கள், விரிவுரையாளர்கள், பல்கலைக்கழக சமூகத்தினர் என அனைத்துத் தரப்பினரும் இணைந்தே இதனை அமைத்தார்கள். இதனை நிர்மூலமாக்க வேண்டும் என்ற அரசின் உயர் தரப்பினரின் அழுத்தங்களையடுத்து பல்கலைக்கழக நிர்வாகம், இராணுவப் பாதுகாப்புடன் இதனை அகற்றியிருக்கின்றது.

கடந்த காலங்களில் தமிழ் மக்களுக்கு இழைக்கப்பட்ட அநீதிகள், அவர்கள் மீதான படுகொலைகள் போன்றவற்றின் நினைவுகளை முழுமையாக அகற்றிவிட வேண்டும் என்பது தற்போதைய அரசாங்கத்தின் நிகழ்ச்சிநிரலில் முக்கிய இடத்தைப் பெற்றிருக்கின்றது. அதன் ஒரு அங்கமாகத்தான் முள்ளிவாய்க்கால் நினைவுத்தூபி நிர்மூலமாக்கப்பட்டுள்ளது. அரசாங்கம் முன்னெடுக்கும் மிகவும் ஆபத்தான வேலைத் திட்டங்களில்  இதுவும் ஒன்று. இது போன்ற பல திட்டங்கள் இந்த அரசிடம் இருப்பதாகத் தெரிகின்றது.

பல்கலைக்கழக மாணவர்கள், விரிவுரையாளர்கள் தமது உணர்வுகளின் வெளிப்பாடாக, தமது அன்புக்குரிய உறவுகளை நினைவுகூர்வதற்காக அமைத்த நினைவுத் தூபியைஒரே இரவில் அராஜகமாகத் தகர்த்தெறிவது என்பது தமிழ் மக்களின் உணர்வுகளைச் சீண்டி நசுக்குவதற்கு ஒப்பானது. இவ்வாறான செயற்பாடுகளின் மூலம் ஒருபோதும் நல்லெண்ணத்தை ஏற்படுத்தி விட முடியாது. இது இராணுவ ஒடுக்குமுறையின் கோரத்தின் வெளிப்பாடாகத்தான் இருக்கின்றது. அத்துடன் எம்மவரின் பயத்தின் உச்சகட்டமாகவும் காணப்படுகின்றது.

பல்கலைக்கழகம் அமைந்துள்ள பகுதியில் இராணுவம்,அதிரப்படையினரைக் குவித்து துப்பாக்கிமுனையில் மாணவர்களையும், பொதுமக்களையும் அச்சுறுத்திப் பணிய வைப்பதானது இராணுவ அடக்குமுறையின் அசிங்க முகத்தையே வெளிப்படுத்துகின்றது. இந்தப் பகுதியில் இராணுவத்தைக் குவிக்க வேண்டிய அவசியம் எதுவும் இல்லை. உடனடியாக இராணுவம் அங்கிருந்து திரும்பப் பெறப்பட வேண்டும். இப்பொழுது இங்கு நடப்பது வெகுவிரைவில் சிங்களப் பகுதிகளிலும் ஏதோ ஒருவிதத்தில் நடைபெறப் போகின்றதுஎன்பதை எமது சிங்கள சகோதர சகோதரிகள் உணர்வார்களாக!

அதேவேளை, இந்த நினைவுத் தூபி இடிப்பு விடயத்தில் பல்கலைக்கழக நிர்வாகம் நடந்து கொண்ட முறைமை குறித்து விமர்சனங்கள் முன்வைக்கப்படுகின்றன. ஒரு இழிவான செயலை செய்துவிட்டு அதனை மேலிடத்து உத்தரவு என்று காரணம் கூற முடியாது.

ஒரு தவறான காரியத்தை செய்யுமாறு மேலிடத்து உத்தரவு வருமானால், அதனை செய்வதில் உள்ள பிழை அல்லது அதனால் ஏற்படக்கூடிய விளைவுகள் ஆகியவற்றை மேலிடத்துக்கு எடுத்துக்கூறி புரியவைப்பது சம்பந்தப்பட்டவர்களின் கடமை. இது இந்தவிடயத்தில் எந்தளவுக்கு நடைபெற்றிருக்கிறது என்பது எனக்கு தெரியாது.  எது எப்படி இருந்தாலும், இதுவரை காலமும் இந்த நினைவுத் தூபியை அகற்றுவதற்கு பல்கலைக்கழகத்தின் முன்னைய இரண்டு நிர்வாகங்களும் நடவடிக்கை எடுக்கவில்லை என்பது கருத்தில் கொள்ளப்பட வேண்டும்.

Read More