Latest News

Slider Area

Featured post

மாவீரர் நாள் 2020-உலகத் தமிழர் இளையோர் ஒன்றியம்

மாவீரர் நாள் 2020 எமது அன்பார்ந்த தமிழ் மக்களே! இன்று மாவீரர் நாள். தமிழினத்தின் விடுதலைக்காக தங்கள் இன்னுயிரை தியாகம்செய்த மகத்தான மா...

தமிழீழம்

சினிமா

தமிழ் வளர்ப்போம்

November 29, 2020

மாவீரர் நாள் 2020-உலகத் தமிழர் இளையோர் ஒன்றியம்
by Editor - 0

மாவீரர் நாள் 2020
எமது அன்பார்ந்த தமிழ் மக்களே!
இன்று மாவீரர் நாள். தமிழினத்தின் விடுதலைக்காக தங்கள் இன்னுயிரை தியாகம்செய்த மகத்தான மாபெரும் வீரர்களின்  நினைவுநாள். உடல், உயிர், உடைமைகள் அனைத்தையும் உகந்தளித்த உத்தமர்களை பூசிக்கும் புனிதநாள்.  எமது இனத்தின் நிரந்தர விடுதலைக்காக நீண்ட நெருப்பாறுகளை  நீந்திக்கடந்து எமது மக்கள் நிம்மதியாக, சுபிட்சமாக வாழவேண்டும் என்பதற்காக செந்தணலில் வெந்துகளமாடிய  அக்கினிக்குஞ்சுகளின் நினைவு நாள். தமிழினத்தின் விடுதலைக்காக போராடி வீரச்சாவடைவதையே இலக்காகக்கொண்டு உயிரைக்கொடையாக்கி இலக்கை அழித்து தடைகளை தகர்த்தெறிந்து அக்கினியில் சங்கமித்த தடைநீக்கிகளை எம் இதயக்கோவில்களில் நிலை நிறுத்தும் வீரப்புதல்வர்களின் எழிச்சி நாள். கடாரம்வென்ற சோழப்பேரரசின் வழித்தோன்றலில் பண்டாரவன்னியன் போரிட்டவாளுக்கு புத்துயிர்கொடுத்த எம் சூரியப்புதல்வனும் வரலாற்றோடு சங்கமித்த சரித்திரத்தின் புனிதநாளே இம் மாவீரர்நாள். எம் மாவீரச்செல்வங்களுக்கு மலர்தூவி பூசிக்கும் புனிதமான எழிச்சிநாள். இன்நாளில் விடுதலைக்காக தங்கள் இன்னுயிர்களைத்தியாகம்செய்த அனைத்து மாவீரர்களையும் நினைவு கூறுவதில் நாம் பெருமிதம்கொள்கின்றோம்.
எமது அன்பார்ந்த தமிழ் மக்களே!  இயற்க்கை எனது நண்பன், வாழ்க்கை எனது தத்துவாசிரியன், வரலாறு எனது வழிகாட்டி என்று வரலாற்றுத்தடம்பதித்த தமிழின தேசியத்தலைவரின் தமிழர் வரலாற்றை இம் மாவீரர்நாள் நினைவோடு புரட்டிப்பார்கவேண்டி உள்ளது. ஏனெனில் அது ஒரு வரலாற்றுத்தொடர். அந்தவகையில் ஆசியக்கண்டத்தில் சோழப்பேரரசின் ஆட்சிக்காலமும் மாமன்னன் பண்டாரவன்னியனின் வீழ்ச்சிக்குப்பின்னர் சோழமன்னன் நிறுத்தியபுலிக்கொடிக்கு புத்துயிர்கொடுத்து, பண்டாரவன்னியன் ஏந்திய வாளெடுத்து கறைதுடைத்து தமிழின விடுதலைக்காக 37 வருட காலம் சிங்கள பேரினவாத அரசுக்கெதிராக போர்தொடுத்து மீண்டும் தமிழர் வரலாறு 2009 மே மாதம் 17 ஆம் திகதியுடன் வெள்ளாம் முள்ளிவாய்க்காலில் தமிழீழ தனியரசின் கட்டுமானங்கள், முப்படைகளையும் வழிநடத்திய தேச புதல்வன் சூரியதேவன் சரித்திரமாகிய தமிழர் வரலாற்றில் நாம் கண்ட இறுதி வரலாறு. இந்த மாபெரும் வரலாற்று நிகழ்வு தமிழர் வரலாற்றில் பல நூற்றாண்டுகளுக்குப்பின்னர் நடந்தேறிய கறுப்பு நாளாகவே தமிழர் வரலாறு பதிவு செய்திருக்கின்றது. அடுத்து தாய்த்தமிழ் அன்னை பிரசவிக்கும் அக்கினிக்குஞ்சொன்றின் வருகைக்கு யார் மீள் எழுவார்? என்றுமே நித்தமும் ஏங்குதே தமிழர்தரப்பு. இயற்கையின் நியதி புதிய வரலாறு இடைவெளியில்லாமல் நிரப்பட்டும் இம்மாவீரர் நினைவில் அவை நடக்கட்டும். புனிதமான மாவீரர் தியாகங்களை பூசிக்கும் இத்திருநாளில் மாவீரர்களின் கனவில் அவையாவும் பலிக்கட்டும்.

பேரன்பு கொண்டு நாம் நேசிக்கும் எம் தமிழ்ச்சொந்தங்களே! பத்து கோடி தமிழர்களாகிய நாம், படுத்துறங்க ஆறடி நிலம் கூட எமக்கில்லை. ஆண்ட பரம்பரை மீண்டும் எம்மை நாம் ஆள நினைப்பதில் என்ன குறை? கல் தோன்றி மண் தோன்றா காலத்தில் முன் தோன்றிய மூத்த குடி தமிழ் குடி. ஐக்கியநாடுகள் சபை அறியாதா? அமெரிக்காவிற்கு புரியாதா? ஐரோப்பிய நாடுகளுக்கு தெரியாதது ஒன்றுமில்லை. அகழ்வாராய்ச்சியின் ஆய்வுகளின் படி உலகின் மூத்த குடி தமிழினமே என்று அறிவியல் ஆய்வாளர்களின் கருத்துக்கள் சகல நாடுகளிலும் ஆவணப்படுத்தப்பட்டவை யாவரும் அறிவார். ஆனால் தமிழர்களுக்கான நிரந்தர தீர்வு வழங்குவதில் மட்டும் உலகத்தின் பார்வை மர்மமானதாகவே அமைகின்றது. அந்தவகையில் ஐந்து இலட்சம் மக்கள் தொகையைக்கொண்ட மாலைதீவிற்கும், ஐம்பத்து ஏழாயிரம் மக்களைக்கொண்ட செயின்கிற்ஷ் என்ற நாட்டுக்கும், ஏன் ஐம்பத்துமூவாயிரம் மக்கள் தொகையைக்கொண்ட நுணாஷ்க்கோ நாட்டுக்கும், இதற்கும் மேலாக நானூற்றுஐம்பத்தொரு குடியுரிமையாளர்களைக்கொண்ட கிறிஸ்தவ நாடான வத்திக்கான் நாட்டுக்கும் ஐக்கிய நாடுகள் சபையில் அந்தந்த நாடுகளுக்கான அங்கீகாரமும் அதே நாடுகளுக்குரிய கொடிகளையும்  ஐ.நா சபையில் பறக்கவிடுவதற்கு அங்கிகாரம் வழங்கப்பட்டிருக்கும் போது ஒன்பது கோடியே அறுபத்தைந்து இலட்சம் மக்கள் தொகையைக்கொண்ட தமிழினத்திற்கு உலகப்பந்தில் ஒரு சிறு நாட்டுக்குரிய அங்கீகாரமோ அல்லது தமிழ் இனத்தின் தேசியக் கொடிக்குரிய அங்கீகாரம் வழங்கப்படாதது ஏன்? சர்வதேசமே! கண்விழித்துப்பார் நீதிதேவதையே கட்டப்பட்ட உன் கண்களை அவிழ்த்துப்பார். நீதி  எங்கே மறுக்கப்பட்டதென்பதை புரட்டிப்படி . வரலாறும் அதனால் உருப்பெறும் சரித்திரமும் செத்துப்போவதற்கா? உலக நியதியும், சத்தியமும், தர்மமும் நடைமுறையும் கைக்கொள்ளப்பட்டிருக்கின்றது.

வல்லவன் வகுத்ததே சட்டம் என்றால் நீதியும் நேர்மையும் ஒழுக்கநெறியும் பிறகெதற்கு? சோழப்பேரரசின் ஆட்சியும் பண்டாரவன்னியனின் வீழ்ச்சியும் பிரபாகரனின் வளர்ச்சியும் வீழ்ச்சியும் சொல்வதென்ன? தமிழீழம் என்ற சிறு நாட்டுக்குரிய அங்கீகாரத்தை வளங்கி தமிழீழ தனியரசுக்கான அங்கீகாரமும், தேசியக் கொடிக்கான அங்கிகாரமும் ஐ.நா சபையால் தமிழர்களுக்கான நிரந்தர தீர்வை வழங்க வேண்டும் என்பதே தமிழர் தரப்பின் விருப்பம். மாறாக பிரபாகரன் அவர்களுக்கு பின் தமிழ் இனத்தின் இளையசமுதாயம் மீழ் எழுகை கொண்டு புதிய போராட்டப்பாதையை உருவாக்குவதற்கு சர்வதேச சமூகம் அத்திவாரமிடாதென  எதிர்பார்க்கின்றோம். அந்த வகையிலே ஐக்கிய நாடுகள் சபையின் அங்கீகாரத்தோடு தமிழீழத்திற்கான சர்வதேச வாக்கெடுப்புக்களை நடத்தி ஒரு சனநாயக அரசியல் தீர்வு மூலம் சர்வதேச அனுசரணையோடு தமிழருக்கான நிரந்தரத்தீர்வை பெற்றுத்தரவேண்டுமென உலகத்தமிழர்கள் சார்பில் அன்புரிமையுடன் இம் மாவீரர் நாளில் வேண்டிநிற்கின்றோம்.

தமிழீழ தனியரசு அமைய சர்வதேச சமூகத்திற்கு பிரித்தானியரசே முதலில் வேண்டுகோள் விடுக்கவேண்டுமென  இம் மாவீரர்களின் நினைவுநாளில் அன்புரிமையுடன் வேண்டிநிற்கின்றோம். ஏனெனில் இலங்கையில் போர்த்துக்கேசியர், ஒல்லாந்தர் ஆட்சியைத்தொடர்ந்து பிரித்தானிய அரசே இலங்கையை  ஆட்சி செய்தது. பிரித்தானிய ஆட்சியாளர்களின் நிர்வாக நடைமுறைகளை இலகுவாக்கும்நோக்கோடு தமிழர், சிங்களர் என்ற இரு ஆட்சியாளர்களையும் ஒன்றுசேர்த்து ஆட்சிசெய்த வரலாற்றுத்தவறை பிரித்தானிய அரசே மேற்கொண்டது. அதுமட்டுமன்றி 1948ஆம் ஆண்டில் பிரித்தானியா  இலங்கையைவிட்டு வெளியேறியபோது தாம்  ஆட்சி செய்த  நிர்வாக அலகு முறையில் எவ்வித மாற்றமும் செய்யாது  விட்டதுமன்றி  சிங்களத்தலைவர்களிடம் ஆட்சியை அப்படியே கொடுத்துவிட்டு சென்றமையானது இன்று வரை தமிழர்தரப்பு தமது உரிமைக்காக  போராடவேண்டிய நிர்பந்தத்திற்கு பிரித்தானியரசே  பொறுப்புக்கூறவேண்டிய நிலைக்குத்தள்ளப்பட்டுள்ளது. ஆகவே 1948இல் பிரித்தானியரசு மேற்கொண்டதவறுக்கு பிராயச்சித்தம் தேடவேண்டுமேயானால் தமிழர் தரப்பிற்கு ஆதரவாக சர்வதேச சமூகத்தின் முன்தோன்றி  தமிழர்களுக்கான சுயநிர்ணய உரிமையுடன் கூடிய தனியரசை நிறுவுவதற்காக  சர்வதேச நாடுகளின் அனுசரணையோடு  ஐ.நா சபையில் அங்கிகாரத்தை பெறுவதற்குரிய ஏற்பாடுகளை மேற்கொண்டு உதவுமாறு பிரித்தானிய அரசை உலகத்தமிழர்கள் சார்பில் அன்புரிமையுடன் வேண்டிநிற்கின்றோம். இப்புனித மாவீர்களை நினைவுகூறும் இன் நன்நாளில்  தமிழினத்திற்கான  நிரந்தரத்தீர்வு தொடர்பாக பிரித்தானிய அரசிடம் நீதி கோருவதை தமிழர் தரப்பு மிகவும் எதிர்பார்க்கின்றது. அத்தோடு விடுதலைப்புலிகள்  மீதான தடையை நீக்குவதற்காக அறிவித்திருந்தமையும்,யாவரும் அறிந்ததே . இன் நிலையில் இலங்கை அரசின் வேண்டு கோளுக்கிணங்க வெளியுறவக்கொள்கைக்குட்பட்ட பல நாடுகள் தமிழீழ விடுதலைப்புலிகளை தடை செய்வதாக அறிவித்திருந்தமையும் அதன் பின்னர்  2009 ம் ஆண்டு மேமாதம் 18  ம் திகதி தமிழீழ விடுதலைப்புலிகளையும் அதன் தலைவரையும் தாம் அழித்து விட்டோம் என்று  ஆதாரங்களுடன் சிறிலாங்க அரசு உத்தகயோகபூர்வமாக  அறிவித்திருந்தமை மறுப்பதற்கில்லை. இதற்குப்பின்னர் தமிழீழ விடுதலைப்புலிகள் மீதான தடையை ஜரோப்பிய நாடுகள் நீக்கத்தவறியமை சர்வதேச பொதுச்சட்ட விதிகலுக்கு மாறுபட்டதோடு வெளியுறவுக் கொள்கைக்கு முரண்பட்டதாக எம்மால் பார்க்கப்படுகிறதென்ற யதார்த்தத்தையும் வெளிப்படுத்தும் அதேநேரம்  சர்வதேச சமூகம் விடுதலைப்புலிகள்  மீதான தடையை நீக்கி தமிழ்  தரப்பு சர்வதேச ரீதியாக சனநாயக வழியில் தமிழீழத்திற்க்கான சர்வதேச வாக்கெடுப்பு நடாத்துவதற்கும் ஜ.நாவின் அங்கீகாரம் வேண்டி போராடுவதற்கும்   விடுதலைப்புலிகள் மீதான தடை தமிழ் தரப்பிற்கும் தடையாகவே உள்ளதென்பதை யும்  இம் மாவீரர் நாள் நினைவு நாளில் சுட்டிக்காட்ட விரும்புகின்றோம்.

அத்தோடு சென்றமாதம் பிரித்தானிய நீதிமன்றில் தமிழீழ விடுதலைப்புலிகளுக்கு எதிரான வழக்கொன்றில் விடுதலைப்புலிகளை தடைசெய்யமுடியாதென்றும், அதுபிரித்தானியரசின்  சட்ட நடைமுறைக்குட்படவில்லை என்று கட்டளையிட்டநீதிபதிக்கு  இச்சந்தர்ப்பத்தில் உலகத்தமிழர்கள் சார்பில் நன்றியை தெரிவிப்பதில் பெரும்மகிழ்வடைகின்றோம். அதேநேரம் பிரித்தானியாரசு தனது இறையாண்மையைப் பயன்படுத்தி தமிழீழ    விடுதலைப்புலிகள் மீதான தடையை நீக்கவேண்டுமெனவும், மிகவும்அன்புரிமையுடன் வேண்டிநிற்கின்றோம்.தமிழீழ விடுதலைப் புலிகள் மீதான சர்வதேச தடையென்பது இலங்கையரசின் வெளியுறவுக்கொள்கைக்கு உட்பட்டதாகவே அமைகின்றது. ஏனெனில் கடந்த வருடம் நெதர்லாந்துநீதிமன்றம் வெளியிட்ட தீர்ப்பின்படி  தமிழீழ விடுதலைப்புலிகள் வெளிநாடுகளில் எவ்வகையான குற்றச்செயல்களிலும் ஈடுபடவில்லையெனவும் அத்தோடு விடுதலைப்புலிகள்  மீதான தடையை நீக்குவதாக அறிவித்திருந்தமையும் யாவரும் அறிந்ததே.

ஆகவே சர்வதேச சமூகம் உலக தமிழரது சனநாயக வழியிலான போராட்டத்திற்கு மதிப்பளித்து  தமிழர்களுக்கான நிரந்தர தீர்வை பெற்றுக்கொடுப்பதற்கு முன்வரவேண்டுமென இப்புனித மாவீரர்நாளில் வேண்டுகோள்விடுக்கின்றோம். எமது பேரன்பு கொண்ட மக்களே! உலக அரசியல் வரலாற்றில் இன்று பல மாற்றங்களும்,நிகழ்வுகளும் நடைபெற்றுக்கொண்டு இருக்கின்றன. ஆனால் தமிழீழ விடுதலைப்போராட்டத்திற்கான அங்கீகாரமோ அல்லது தமிழரது தீர்க்கப்படாத பிரச்சனைகளுக்கு தீர்வோ இன்றுவரை எமக்கு கிடைக்கப்பெறவில்லை. மாறாக போர் முடிவுற்றதன் பின்னர் சிங்களப்பேரினவாத அரசபடைகளால் என்றுமில்லாதவாறு இனவாதம் தலைதூக்கியுள்ளதென்பதை இம் மாவீரர்களின் நினைவுநாள் நிகழ்வு மூலம் வெளிப்படுத்த விரும்புகின்றோம்.

அதாவது பூர்வீக காலமாக நாம்வாழ்ந்துவந்த தாயகபூமிகள்யாவும் பரவலாக சிங்கள குடியேற்றங்கள் திட்டமிட்டப்பட்டு குடியேற்றப்படுகின்றன. குறிப்பாக தமிழர்களின்  வளமிக்க கரையோரப்பகுதிகள்யாவும் சிங்கள குடியேற்றங்கள்  ஏற்கனவே குடியமர்த்தப்பட்டுள்ளன. அவ்வாறே அண்மையில் காணி பகிர்ந்தளிப்பு  புதியசட்ட நடைமுறைகளைப்பயன்படுத்தி  தெற்குச்சிங்களவர்கள் வடகிழக்கு தமிழர்தாயக பூமிக்குள் திட்டமிடப்பட்டு காணி பகிர்ந்தளிப்பு நடைமுறைச்சட்டத்தின்கீழ் குடியமர்த்தப்படுகின்றார்கள். இவ்வாறான நடைமுறைகளால் தமிழர்களின் தாயகபூமியெங்கும் சிங்கள பெளத்த பிரதேசங்களாக மாற்றப்படும் துயரத்தின் வேதனையை சர்வதேச சமூகம் கண்டுகொள்ளாமல் இருப்பதன் காரணம் என்ன? அதுமட்டுமன்றி இன்றும் தமிழர்கள் பெளத்த பிக்குகளால் சிறைப்பிடிக்கப்பட்டும், அடைக்கப்பட்டும், அடித்து துன்புறுத்தப்படுவதும் தொடர்ந்து கொண்டே இருக்கின்றது.  இச்செயற்பாடானது நீண்ட காலமாக தமிழர்கள் மீது சிங்கள அரசினால் தொடர்ச்சியாக மேற்கொள்ளப்பட்டுவருகின்ற இனவெறித்தாக்குதல்களை ஞாபகப்படுத்துவதாகவே அமைகின்றது. மேலும் வடகிழக்கு தாயக பூமிகள்யாவும் பெளத்த விகாரைகள் நிறுவப்படுவதும் தமிழரது வரலாற்று ஆவணங்கள்யாவும் அழிக்கப்பட்டும், மறைக்கப்பட்டும் வருகின்றதென்பதை இன் நாளில் வெளிப்படுத்த விரும்புகின்றோம். ஆகவே இவ்வாறான நிலைமைகள் மீண்டும் தொடருமேயானால் இதற்கான மாற்றத்தை புதிய தோற்றத்தின் மூலமாக பிரபாகரன் அவர்களின் எழுச்சிற்கும், வீழ்ச்சிக்கும் நீண்ட இடைவெளிவிடாது  இயற்கை புதிய வரலாற்றை பிறப்பிக்கும் என்று உளமாற நம்புகின்றோம். எனவே அவ்வாறானதொரு சூழல் உருவாகுவதற்கு முன்னர்  சர்வதேச சமூகம் இலங்கையில் தமிழர் பிரச்சினையில் நேரடியாக தலையிட்டு தமிழ் மக்களுக்குரிய நிரந்தரத்தீர்வு தொடர்பாக  பரிசீலிக்கவேண்டிய கட்டாயத்துக்குள் சர்வதேசம்  தள்ளப்பட்டுள்ளதென்பதை விளங்கிக்கொள்ள வேண்டுமென உலக தமிழர் சார்பில் சர்வதேச சமூகத்திடம் அன்புரிமையுடன் வேண்டிநிற்கின்றோம். 

எமது பெரும் மதிப்பிற்குரிய அமெரிக்காவின் புதிய அதிபர் ஜோ பைடன் அவர்களே! முதலில் அமெரிக்காவின் அதிபராக தாங்கள் அமெரிக்கா மக்களால் தெரிவு செய்யப்பட்டமைக்கு  உலக தமிழர்கள் சார்பில் வாழ்த்துக்களையும் நன்றியையும் தெரிவித்துக்கொள்வதில் பெரும் மகிழ்வடைகின்றோம். அத்தோடு ஒடுக்கப்படும் இனங்களின் விடுதலைக்காக ஓங்கி ஒலிக்கும் உங்களின் குரல் நீண்ட பெரும் காலமாக எமது இன விடுதலைக்காக போராடி வரும் எமக்கு நிரந்தரத்தீர்வை பெற்றுத்தருவதற்கு  தமது புதிய அரசு நடவடிக்கை எடுக்கவேண்டுமென எதிர்பார்க்கின்றோம். அத்தோடு அமெரிக்காவின் துணையதிபர் மதிப்புக்குரிய கமலாஹரிஷ் அவர்களே! உங்களை நாம் மிகுந்த ஆவலோடும் எதிர்பார்போடும் வரவேற்பதில் பெரும் மகிழ்வடைகின்றோம். ஏனெனில் எம் இனத்தின் வித்துக்களில் ஒன்று தமிழரின் பிரச்சனை தாய்வழியூடாகவும், நேரிலும் தெரிந்து கொண்ட தாங்கள் தமிழர் பிரச்சனைக்கு நிட்சயம் ஒரு தீர்வை முன்னெடுப்பீர்கள் என்ற நீண்ட எதிர்பார்ப்போடு உலகத்தமிழ் இனம் காத்திருக்கின்றது என்ற செய்தியை தெரிவிக்க விரும்புகின்றோம்.

மேலும் தமிழர்களின் இனப்பிரச்சினை விடயத்தில் நேரடியாக பங்குகொண்டவரும் இலங்கை அரசிற்கும் தமிழிழ விடுதலைப்புலிகள் அமைப்பிற்கும் தூதுவராக செயற்பட்ட நோர்வேயின்பிரதிநிதி எரிக்ஸ்சொல்கெம் அவர்களே! நீங்கள் பேச்சுவார்த்தையில் காட்டிய வேகம் விடுதலைப்போரட்டத்தின் முடிவுக்குப்பின்னர் தமிழ் மக்களை கைநழுவி விட காரணம்மென்ன? அண்மையில் உங்கள் ஐ.பி.சி வானொலி நேர்காணலில் தமிழ் தரப்பு அழைத்தால் நடுநிலை வகிக்க தயாராக இருப்பதாக கூறியிருந்தீர்கள். மரியாதைக்குரியவரே தமிழீழ மக்களுக்காக தலைமை தாங்கியவர்கள் அழிக்கப்பட்ட வரலாற்றை தாம் மறந்திருக்கமாட்டீர்கள் என்று நம்புகின்றோம்.

எனவே தமிழருக்கான தீர்வுதொடர்பில் உங்களுக்கு அதிகமாகவே தெரியுமென எதிர்பார்க்கின்றோம். சிங்களரசின்  நிலைப்பாடுகள் புரிந்தவராகவே  இருக்கின்றீர்கள். ஆனாலும் தமிழரின் போராட்டம் முடிவுக்கு வந்து 11 வருடத்தை அடைந்த நிலையிலும் தமிழர்களுக்கு இன்றுவரை எவ்வகையான தீர்வுத்திட்டமும் முன்வைக்கப்படாமையானது தமிழர்கள் மத்தியில் ஏமாற்றத்தையும், மர்மத்தையும் ஏற்படுத்தியிருக்கின்றதென்ற உண்மையை தாங்கள் புரிந்துகொள்வீர்கள் என நாம் நம்புகின்றோம் என்பதை இம் மாவீரர் நாளில் ஞாபகப்படுத்த விரும்புகின்றோம்.

தமிழர்கள் ஆகிய நாம் இந்திய  அரசிற்கோ  அல்லது இந்திய மக்களுக்கோ எவ்வித தீங்கும் இதுவரை செய்ய வில்லை. மாறாக இந்திய அரசு அமைதிப்படை என்ற போர்வையில் தமிழரின் தாயக பிரதேசங்களை ஆக்கிரமித்ததோடு தமிழர்களை அழித்து, சீரழித்தமையை நாம் மறக்கவில்லை. அதேநேரம் தமிழீழ விடுதலைப்புலிகளை இந்திய அரசு இலங்கை அரசோடு இணைந்து அழித்தொழித்தமையானது  இந்திய அரசு செய்த மிகப்பெரிய வரலாற்றுத்தவறாகவே நாம் கருதுகின்றோம். ஆனாலும் இன்றைய சூழலில் இந்திய அரசு தலையிட்டு ஒரு நிரந்தரத்தீர்வை பெற்று தருமானால் நாம் யாவற்றையும் மறந்து மத்திய அரசு ஊடாக ஈழத்தமிழர் பிரச்சனைக்கு தீர்வுகாண முன்வருவோம் என்ற செய்தியை இப்புனித மாவீரர்நாள் செய்தியாக  இந்திய மத்திய அரசிற்கு தெரியப்படுத்த விரும்புகின்றோம். அதேநேரம் இந்திய அரசு விடுதலைப்புலிகளை அழித்தமையானது இந்தியாவின்  தெற்கு கடல் பிராந்தியத்தின் பாதுகாப்பு கேள்விக்குறியாகியுள்ளது என்பதையும் இச்சந்தர்ப்பத்தில் சுட்டிக்காட்ட விரும்புகின்றோம். இலங்கைக்கும் பாகிஸ்தானுக்கும் இடையிலான நட்புறவும், சீன, இலங்கை மதச்சார்புக்கொள்கையும் ஆசிய கண்டத்தில் இந்தியாவின் பலம் கேள்விக்குறியாகியுள்ளதென்பதை இந்தியா என்றோ ஒரு நாள் புரிந்துகொள்ளும். அப்போது தமிழீழ விடுதலைப்புலிகளின் தேவையை உணர்ந்து கொள்ளுமென நம்புகின்றோம். இன்நிலையில் இந்திய மத்திய அரசு தமிழீழ விடுதலைப்புலிகள் மீதான தடையைநீக்கி தமிழர்தரப்பிற்கு நல்லெண்ண சமிக்கையை காட்டுமானால் தமிழர்தரப்பு இந்தியாவின் இறையாண்மைக்கு பங்கமேற்படாதவாறு  சனநாயகரீதியில்  இந்தியாவின் கொள்ளைக்கு மாற்றமில்லாத ஈழத்தமிழர்களுக்கு சாதகமான தீர்வுத்திட்டம் நோக்கி முன்நகர வேண்டுமென பேரன்புடன் வேண்டிநிற்கின்றோம்.

மேலும் எமது தாயக விடுதலைப்போரட்டத்தை இன்றும் முன்நிறுத்தி அடுத்த தலைமுறைக்கு பேராட்டத்தை எடுத்துச்செல்லும் நாம் தமிழர் கட்சியின் ஒருங்கிணைப்பாளர் திரு சீமான் அவர்கட்க்கும், நாம் தமிழர் கட்சிக்கும் இச்சந்தர்ப்பத்தில் எமது நன்றியையும் பாராட்டுதல்களையும் தெரிவித்துக்கொள்கின்றோம். அத்தோடு இனிவரும் காலங்களில் தமிழர்களின் விடுதலைக்கான போராட்டங்கள்யாவற்றிலும் எழுந்துவரும் இளைய தலைமுறையினரே முன்நின்று நடாத்தவேண்டுமென இம் மாவீரர்களின் புனிதநாளில் அன்புரிமையுடன் வேண்டிநிற்கின்றோம். எமது பேரன்புகொண்ட தமிழ் மக்களே !  நீண்ட பெரும் காலமாக போராட்ட வாழ்வியலோடு பின்ணிப்பிணைந்த  உங்களுடைய வாழ்க்கை முறையை நாம் அறிவோம். தமிழீழ விடுதலைக்காக நாம் சிந்திய இரத்தமும், வியர்வையும், உயிர்தியாகமும் தமிழர் வாழ்வியலோடு மறக்க முடியாத வரலாற்று நிகழ்வாகவே கலந்திருக்கின்றது. உங்களின் பிள்ளைகள், சகோதரர்கள், உற்றார் உறவினர்கள், நண்பர்களின் தியாங்கள்  என்றோ ஒரு நாள் நிறைவேறுமென நம்புகின்றோம்.
எம் தேச புதல்வர்களை பெற்றெடுத்த பேரன்புக்குரிய பெற்றோர்களே! உங்களின் புதல்வர்களின் தியாகங்கள் காலத்தால் அழியாதவை. அவர்கள் எம் இதயக்கோவில்களில் பூசிக்கப்படவேண்டியவர்கள். தமிழீழ விடுதலைக்கான அத்திவாரங்கள் என்றும் அழிக்கப்பட முடியாதவை. எனவே இவ்வருடம் அணைத்து தமிழர் தரப்பும் உங்கள் வீடுகளில் தீபம் ஏற்றி வழிபடுமாறு வேண்டிக்கொள்ளும்அதே நேரம் சத்திய இலட்சியத்தீயில் தம்மையே அழித்து சரித்திரமாகிவிட்ட மாவீரர்களின் வழியில் சென்று தமிழீழம் பெறும் வரை தொடர்ந்து போராடுவோமாக .......
நன்றி 

த.கதிரவன் 
இணைப்பாளர்
உலகத் தமிழர் இளையோர் ஒன்றியம்
தமிழீழம்.
தமிழரின் தாகம் தமிழீழத் தாயகம்.

Read More

November 27, 2020

மாவீரர் தின நிகழ்வுகள் ஆரம்பம்: இதோ நேரலைக் காட்சிகள் LIVE VIDEO
by Editor - 0

மாவீரர் தின நிகழ்வுகள் ஆரம்பம்: இதோ நேரலைக் காட்சிகள் LIVE VIDEO





Read More

எரிமலைச் சாம்பலில் கிடைத்த ரோமப் பேரரசின் ஆண்டான் - அடிமை உடல்கள்
by Editor - 0


ஏறக்குறைய 2,000 ஆண்டுகளுக்கு முன்பு பண்டைய ரோமப் பேரரசின் பாம்பேய் நகரத்தை அழித்த, எரிமலைச் சீற்றத்தில் இறந்த, இரண்டு மனிதர்களின் எச்சங்களை இத்தாலியிலுள்ள தொல்பொருள் ஆராய்ச்சியாளர்கள் கண்டுபிடித்துள்ளனர்.

அதில் ஒருவர், அநேகமாக உயர்ந்த அந்தஸ்த்தைக் கொண்டிருந்தவராக இருக்கலாம் என்றும் மற்றவர் அவரது அடிமையாக இருக்கலாம் என்றும் பாம்பேய் தொல்பொருள் பூங்காவின் அதிகாரிகள் தெரிவித்தனர்.

அவர்கள் எரிமலை வெடித்துச் சிதறியபோது தஞ்சமடைய இடம் தேடி இருக்கலாம். அப்போது, எரிமலைக் குழம்பால் அடித்துச் செல்லப்பட்டு இருக்கலாம் என பாம்பேய் தொல்பொருள் பூங்காவின் இயக்குநர் மாசிமோ ஒசன்னா கூறுகிறார்.


Read More

November 26, 2020

பிரித்தானிய பாராளுமன்ற முன்றலில் ஒளிரும் மாவீரர் நினைவு மலர்!
by Editor - 0

மாவீரர் நாளை முன்னிட்டு தமிழீழத்தின் தேசிய மலர், இன்று இரவு மத்திய லண்டனின் வெஸ்ட்மின்ஸ்டரில் உள்ள பிரித்தானிய பாராளுமன்ற வளாகத்தில் ஒளிரவிடப்பட்டுள்ளது.

கொரோனா வைரஸ் தொற்றுநோயால் ஏற்பட்ட கட்டுப்பாடுகளுக்கு மத்தியில் தமிழ் விடுதலைப் போராட்டத்தில் உயிர் தியாகம் செய்தவர்களுக்கு அஞ்சலி செலுத்தம் வகையில் இந்நடவடிக்கையினை மேற்கொள்ளப்பட்டுள்ளது.

பிரித்தானிய வாழ் தமிழ் செயற்பாட்டாளர்களால் ஒழுங்கு செய்யப்பட்ட இந்த நடவடிக்கையில், தமிழீழ பூவின் உருவத்தையும், “நாங்கள் நினைவில் கொள்கிறோம்” என்ற சொற்பதம் அடங்கிய வாசகமும் ஒளிரவிடப்பட்டுள்ளது.

சுகாதார நெருக்கடிகள் மற்றும் கட்டுப்பாடுகள் காரணமாக நவம்பர் 27 ஆம் திகதி எங்களால் பொது கூட்டங்களை நடத்த முடியாது என்பதால், எங்கள் மாவீரர்களை மற்றொரு வடிவத்தில் நினைவுகூர முடிவு செய்தோம்” என ஏற்பாட்டாளர்கள் தெரிவித்துள்ளனர்.

"தாயகத்தில் நினைவுகூரலைத் தடுக்கவும், எங்கள் மக்கள் உயிரிழந்த தியாகிகளை நினைவில் கொள்வதைத் தடுக்கவும் இலங்கை அரசு முயன்று வருகிறது"

"எங்கள் மக்கள் எதிர்கொள்ளும் இனப்படுகொலையை பிரித்தானிய பொதுமக்களுக்குக் காண்பிப்பதற்கும், பிரித்தானியாவின் கொள்கைகள் தொடர்ந்து நமது சுதந்திரப் போராட்டத்தில் தாக்கத்தை ஏற்படுத்துகின்றன என்பதை எடுத்துக்காட்டுவதற்கும் இந்த நடவடிக்கையை மேற்கொண்டதாக தமிழ் செயற்பாட்டாளர்கள் கூறியுள்ளனர்.

"இது எங்கள் மக்களுக்கும் எங்கள் சுதந்திரத்திற்காக தங்கள் உயிரைத் தியாகம் செய்தவர்களுக்கும் எங்கள் செய்தி.

நீங்கள் ஒருபோதும் மறக்கப்பட மாட்டீர்கள். தமிழர்களுக்கு நீதி, அமைதி மற்றும் நிரந்தர பாதுகாப்பு கிடைக்கும் வரை போராட்டத்தை தொடருவதாக நாங்கள் உறுதியளிக்கிறோம் ” எனவும் அவர்கள் கூறியுள்ளனர்.

Read More

தென் ஆபிரிக்காவை தனிமைப் படுத்தியது போன்று இலங்கையை மீதும் நடவடிக்கை எடுக்கவேண்டும்!
by Editor - 0

தென் ஆபிரிக்காவை தனிமைப் படுத்தியது போன்று இலங்கையை மீதும் நடவடிக்கை எடுக்கவேண்டும்!
கனடா நீதிக்கான கூட்டமைப்பு தொடக்க நிகழ்வில் பெ. மணியரசன் உரை!
(ரொரன்ரோ, கனடா)

கனடா நாட்டில் இயங்கும் இருபதுக்கும் மேற்பட்ட அமைப்புகள் கூடி கனடாத் தமிழ் அமைப்புகளின் கூட்டமைப்பு என்ற அமைப்பை ஆரம்பித்தன. இதன் தொடக்க நிகிழ்வு 23.11.2020 அன்று நடைபெற்றது. தமிழ்த்தேசிய பேரிக்க தலைவர் பெ.மணியரசன் அவர்கள் வாழ்த்துரை நிழ்த்தி தொடக்கி வைத்தார். 'நெல்சன் மண்டேலாவை சிறைப்படுத்தி கறுப்பின மக்களுக்கெதிராக இனப்படுகொலை நிகழ்த்திய தென்ஆபிரிக்கா அரசை உலகநாடுகள் தனிமைப் படுத்தின. இந்தியா கூட அந்நாட்டுடன் வீளையாட்டு போட்டி நிகழ்த்த தடைவிதித்தது. அதுபோன்று தமிழிப் படுகொலை புரிந்த சிறீலங்கா அரசை உலக நாடுகள் தூதரக தொடர்புகளைத் துண்டித்து தனிமைப் படுத்தவேண்டும். தமிழினப் படுகொலைக்கு நீதி வேண்டும்.' என தனது தொடக்க வுரையில் திரு.பெ.மணியரசன் அவர்கள் கேட்டுக் கொண்டார்.
இணையம் ஊடக நடைபெற்ற மேற்படி நிகழ்வில் கனடா, தமிழ்நாடு, அமெரிக்கா என உலகின் பல்வேறு நாடுகளிலும் இருந்து தமிழர்கள் பங்குபற்றி இருந்தனர். நிகழ்வின் இறுதியில் பல கனடியத் தமிழர் அமைப்புகளின் பிரதிநிதிகள் கருத்துரை வழங்கினர். 
இந்த அமைப்பின் தொடக்க முயற்சியாக கனடா நாட்டுக்கு சிறீலங்கா அரசால் தூதுவராக தெரிவு செய்யப்பட்டுள்ள முன்னாள் விமானப்படை அதிகாரியான சுமங்கள டயஸ் என்பவரை தடுத்து நிறுத்தும் முயற்சி இடம்பெறும் என தமிழ் அமைப்புக்களை ஒன்றிணைகும் பணியை செய்த தமிழ்த்தாய் மன்றத்தின் ஆளுநர் குழு உறுப்பினர் திரு.முகுந்தமுரளி அவர்கள் தெரிவித்தார். மேற்படி விமானப்படை அதிகாரி தமிழினப் படுகொலையில் ஈடுபட்டதற்கான ஆதாரத் திரட்டு கனடிய அரசுக்கு எடுத்து இயம்பப்படும் எனவும் அவர் தெரிவித்தார்.
Read More

November 21, 2020

தமிழீழ விடுதலைப்புலிகள்மீதான தடையை நீக்கக்கோரி உறுப்பினர்களுக்குபிரித்தானியபாராளுமன்றஅழுத்தம்
by Editor - 0

விடுதலைப்புலிகளுக்கு விதிக்கப்பட்டுள்ள தடையை நீக்குமாறு பிரித்தானிய அரசுக்கு அழுத்தம் கொடுக்ககோரி பிரித்தானியாவின் பாராளுமன்ற உறுப்பினர்களுக்கு கோரிக்கைகள் விடுக்கப்பட்டு வருகின்றன.


விடுதலைப்புலிகள் மீதான பிரித்தானிய அரசின் தடை தவறு என பிரித்தானியாவின் விசேட தீர்ப்பாயம் அண்மையில் தெரிவித்துள்ள நிலையில் குறித்த தடையை அரசு நீக்க வேண்டும் என்றும்  அதற்கான அழுத்தங்களை உள்நாட்டு அலுவல்கள்  அமைச்சிற்கும் அரசுக்கும் வழங்குமாறு கோரி பிரித்தானியா வாழ் புலம்பெயர் செயற்பாட்டாளர்கள் பாராளுமன்ற உறுப்பினர்களிடம் கோரிக்கைவிடுத்து வருகின்றனர்

இந்நிலையில் நேற்று   (20/11/2020) பிரித்தானியாவின் பாராளுமன்ற உறுப்பினர் Wes Streeting MP (Ilford North)
உடன் Zoom ஊடகம் மூலம் கலந்துரையாடலை மேற்கொள்ளப்பட்டது  இதன் போது விடுதலைப்புலிகள் மீதான தடையை நீக்க அரசுக்கு அழுத்தம் கொடுகக்குமாறு அவரிடம் கோரிக்கைவிடுத்தனர்.

பாராளுமன்ற உறுப்பினருடனான சந்திப்பு மிகவும் பயன் உள்ளதாக அமைந்தது உள்ளதாகவும்  எமக்கு இலங்கை அரசாங்கத்தால் இழைக்கப்பட்டு வரும் அநீதிகள் சம்மந்தமாக தான் நன்கு அறிவேன் என்றும் தடை எடுப்பது பற்றி செவ்வாக்கிழமை உள்துறை அமைச்சரருடன் கலந்துரையாடி சாதகமான பதிலை மிக விரைவாக தருவதாகவும் இது சம்மந்தமாக பாரளுமன்றத்தில் அமர்வு ஒன்று இடம்பெறும் போது நீதியின் பால் அனுசரனை வழங்கி எமது கோரிக்கையை இயன்றளவு நிறைவேற்றுவதாக உறுதி  வழங்கி உள்ளார்
Read More

November 17, 2020

சீன வர்த்தக கூட்டில் அமெரிக்க நண்பர்கள் !
by Editor - 0

சீன வர்த்தக கூட்டில் அமெரிக்க நண்பர்கள் !

-இதயச்சந்திரன்
 
உலகின் மிகப்பெரிய வர்த்தக ஒப்பந்தம் ஒன்று உருவாகியுள்ளது.
சந்தைகளைப் பங்கிடலும், அதன் மூலம் வர்த்தகத்தை விரிவுபடுத்தலுமே இவ்வகையான ஒப்பந்தங்களின் நோக்கம்.
அதிலும் ஒரு பிராந்திய அளவில், நேற்றுவரை ஒன்றுக்கொன்று சந்தேகக்கண் கொண்டு பார்த்த, அணிமாறி நின்ற பல நாடுகள் ஒன்று சேர்ந்துள்ளன.
 
நாணயப்போர், வர்த்தகப்போர், தொழில்நுட்பப்போர் என்று விரிந்து சென்ற அமெரிக்க -சீன நவீன ஏகாதிபத்தியப்போர், இனி வேறு வடிவில் நகரப்போவதை இந்த கூட்டு வர்த்தக ஒப்பந்தம் புலப்படுத்துகிறது.
 
10 ஆசியான் நாடுகளுடன் , சீனா, ஜப்பான், தென் கொரியா, அவுஸ்திரேலியா, நியூசீலாந்து போன்ற கூட்டமைப்பிலில்லாத 5 நாடுகளும் இணைந்து, கடந்த நவம்பர் 15 ஆம் திகதியன்று, 'முழுமையான பிராந்திய பொருளாதார பங்காளிக் கட்டமைப்பு' (Regional Comprehensive Economic Partnership -RCEP ) ஒப்பந்தத்தில் கைச்சாத்திட்டன.
கடந்த 8 வருடங்களாக இதற்கான முயற்சி மேற்கொள்ளப்பட்டது.
இருப்பினும் இடையில் வந்த TPP வர்த்தக ஒப்பந்தத்தில் கைச்சாத்திட டொனால்ட் டிரம்ப் மறுத்ததால். 2017 இல் TPP  முழுமையாகக் கைவிடப்பட்டு , மீண்டும் ஆர்செப்பிட்கான (RCEP ) பேச்சுவார்த்தைகள் தொடர்ந்தன.
 
கொரோனாவால் ஏற்பட்ட பொருளாதாரத் சீர்குலைவினால், வேறுவழியின்றி இக்கூட்டு  ஒப்பந்தம் சாத்தியமானது என்கிற பார்வையுமுண்டு.
சீனாவைப் பொறுத்தவரை, அதன் உற்பத்தித்துறையில் ஓரளவு தேக்கநிலை காணப்பட்டாலும், உற்பத்தியாகும் பண்டங்களிற்கான வாங்குதிறன் கொண்ட சந்தைகள் தேவைப்படுகிறது.
 
ஏனைய 14 நாடுகளுக்கும் இதேவிதமான பிரச்சினை, அளவு வேறுபாட்டுக் காணப்படுகிறது.
 
கடந்த ஒரு மாத காலமாக அவுஸ்திரேலியாவிற்கும் சீனாவிற்கும் இடையில் நிகழ்ந்த இராஜதந்திர- பொருண்மியப்போர் தீவிரமடைந்திருந்தது. கொரோனா பரவல் குறித்து, சீனாவை சர்வதேச விசாரணைக்கு உட்படுத்த வேண்டும் என்கிற கோரிக்கையை தொடர்ச்சியாக முன்வைத்தது அவுஸ்திரேலியா அரசு.
இதனால் சினம் கொண்ட சீனா, அவுஸ்திரேலியா மீது பொருளாதாரத் தடையை விதித்தது.
சீன துறைமுகத்தை வந்தடைந்த அவுஸ்திரேலியா சரக்குக் கப்பலை தடுத்தது.
 
ஆனாலும் ஒரு மாதத்தில் எல்லாமே தலைகீழாக மாறிவிட்டது. இதுவரை  சீனாவுடன் எந்த வர்த்தக ஒப்பந்தத்திலும் ஈடுபடாத ஜப்பான் தேசம், அமெரிக்க நட்பு வளையத்திலிருந்து வெளியே வருகிறது.
இரண்டாம் உலக மகா யுத்த காலத்திலிருந்து ஜப்பானுடன் முறுகல் நிலையில் இருக்கும் தென் கொரியா, இந்த கூட்டு வர்த்தக தளத்தில் இணைவது வியப்பாகவிருக்கிறது.
 
ஏற்கனவே ஆசியான் கூட்டமைப்புடன் தனித்தனியே சுதந்திர வர்த்தக ஒப்பந்தங்களை செய்த, சீன (ACFTA ), ஜப்பான் (AIFTA ), அவுஸ்திரேலியா - நியூஸிலந்து (AANZFTA ) மற்றும் தென் கொரியா போன்ற நாடுகளுக்கு ஏன் இந்த விரிவான- பலமான சுங்கத்தீர்வை குறைந்த வர்த்தக உடன்பாடு தேவைப்படுகிறது?.
 
TPP (TRANS -PACIFIC ) ஒப்பந்தமானது அமெரிக்காவால் கைவிடப்பட்டதும், அந்நாட்டு  அதிபரின் சுதந்திர வர்த்தகத்திற்கெதிரான இறுக்கமான நிலைப்பாட்டினால், அதன் நட்புநாடுகளான ஜப்பான், அவுஸ்திரேலிய மற்றும் தென் கொரியாவின்  சர்வதேச வர்த்தக மூலோபாயத்தில்  மாற்றம் ஏற்படுகிறது. இவர்களுக்கு பலமான வர்த்தக கூட்டு தேவைப்படுகிறது.
 
இருப்பினும் சீனா எதிர்கொள்ளும் பிரச்சினை வேறு.
அமெரிக்காவுடனான வர்த்தகப் பேச்சுவார்த்தை முடிவற்று நீண்டு செல்கிறது. அங்கெலா மேர்கல் இணங்கி வந்தாலும் ஜெர்மனியின் அதிகாரபீடமும், ஐரோப்பிய ஒன்றியத்தின் பலம் வாய்ந்த நாடுகளும் சீனாவுடன் வர்த்தக ஒப்பந்தம் செய்ய பின்னடிக்கின்றன.
5G விவகாரத்தில் அமெரிக்கா கொடுத்த நெருக்கடியால், HUAWEI  நிறுவன ஒப்பந்தங்களை புறந்தள்ளுகிறது  பிரித்தானியாவும், ஐரோப்பிய ஒன்றிய நாடுகளும்.
 
'ஆசியாவில் சீனாவின் விரிவாக்கம் அபாயகரமானது ' என்கிற தந்திரோபாயக் கோசத்தோடு தொடங்கப்பட்ட   'குவாட்' (QUAD), அமெரிக்காவின் படைத்துறை வர்த்தகத்திற்கே சேவை செய்தது. அதுவும், சீனாவின் இருப்பிற்கு அச்சுறுத்தலான விடயமாகப் பார்க்கப்பட்டது.
 
அதேவேளை RCEP இன்  ஆரம்பகால உரையாடல் உறுப்பினரான இந்தியா, இந்த வர்த்தக ஒப்பந்தத்தில் ஏன் இணைந்து கொள்ளவில்லை என்கிற கேள்வி, மேற்குலக மற்றும் இந்திய ஊடகங்களில் பலமாக எழுப்பப்படுகிறது.
 
சீனாவின் விலைமலிவான பொருட்கள் இந்தியச் சந்தையில் குவிந்தால் , உள்ளூர் உற்பத்தி பாதிக்கப்படும் என்பதே இந்தியத்தரப்பு வாதம். RCEP இன் 15 நாடுகளிலிருந்து, 2004 இல் ஏற்பட்ட ஏற்றுமதி-இறக்குமதி பற்றாக்குறை ( Trade Deficit ) 7 பில்லியன் அமெரிக்க டொலராகவும் , 2018 இல் அப்பற்றாக்குறை 105 பில்லியனாக உயர்ந்துள்ளதாக இந்தியத் தூதுவர் ஒருவர் கவலையுடன் கூறுகின்றார்.
 
விவசாயத்துறை பெரிதும் பாதிக்கப்படும் என்கிற கவலை வேறு இந்தியாவிற்கு இருக்கிறது.
8 வழிசாலையில், மலைகளும், விவசாய நிலங்களும்  சூறையாடப்படுகிறது.
கார்பொரேட் கம்பெனிகளின் இலாபத்திற்காக, மீத்தேன்-ஏதேன் எரிவாயு திட்டத்தினூடாக பல்லாயிரக்கணக்கான விவசாய நிலங்கள் தமிழகத்தில் பாழ்பட்டுப்போவது குறித்து கவலைப்படாத இந்திய நடுவண் அரசு, தேசிய நலன் குறித்து அக்கறைப்படுவது வேடிக்கையாயிருக்கிறது.
 
இந்திய தனது மனதை மாற்றிக் கொண்டால் எப்போதும்  இக்கூட்டில் இணைந்து கொள்ளலாம் என்கிற அழைப்பும் நிலுவையில் உள்ளது.
ஜோ பைடன் அதிபராக பதவியேற்கும்வரை காத்திருக்குமா? இல்லையேல் அதானி, அம்பானி, அகர்வால்களின் பச்சை சமிக்ஜை வரும்வரை பார்த்திருக்குமா? என்பது தெரியவில்லை.
 
வர்த்தகம், சந்தை என்பதைத் தவிர,  வேறெந்த நீண்ட மூலோபாயத்திட்டங்களை இந்த ஒப்பந்தமூடாக  சீனா சாதிக்க முனைகிறது என்பதை பார்க்க வேண்டும்.
அதன் வங்கிச்  சேவைகளின் பெரும்பாலான பகுதிகளில்  எண்மிய நாணயம் (Digital Currency ) பயன்பாட்டில் வந்துள்ளது. இது எண்மியப் பொருளாதாரத்தை நோக்கிய முதல்கட்ட நகர்வாகும்.
 
குறிப்பாக RCEP இன்  15 நாடுகளுக்கிடையிலான வர்த்தகமும், அதற்குரித்தான பணப்பரிவர்தனையும் (Financial Clearance ) அந்தந்த நாடுகளின் எண்மிய நாணயத்தினூடாக நடைபெறக்கூடிய சாத்தியமுண்டு.
உலக வர்த்தக பொது நாணயமான அமெரிக்க டொலரினை பிரதியீடு செய்யும் வகையில் நிதியியல் கட்டமைப்பு மாறலாம்.
சீனாவின் நோக்கமும் அதுதான்.
இதுவரை அமெரிக்க டாலரில் வர்த்தகத்தை தவிர்ப்பதற்காக மேற்கொள்ளப்பட்ட Currency Swap என்கிற நாணயப் பிரதியீடு முறைமை, எண்மிய யுகத்தில் நுழையும் வர்த்தகத்தில் வேறு வடிவம் பெறும் .
 
இந்த வர்த்தக கூட்டில் 18 மாதங்களின் பின்னர் எவரும் சேரலாம். அதற்கு முன்பாக ஆசியானிலுள்ள 6 நாடுகளும், ஏனைய 5 இல் 3 நாடுகள்  இந்த ஒப்பந்தத்திற்கு ஒப்புதல் (ratify )அளிக்க வேண்டும் .
 
அப்போது ரஸ்யாவும் இணையலாம். சாங்கை ஓத்துழைப்பு கூட்டுத்தாபன (SCO ) நாடுகளும் சேரலாம்.
 
பாதுகாப்பு குறித்த சீனாவின் கடும்போக்கானது,  சிலவேளைகளில் ஜப்பான், தென் கொரியாவுடன் பிரச்சினைகளை உருவாக்கலாம். அதற்கான சாத்தியப்பாடுகள் அதிகம் உண்டு.
- நன்றி தினக்குரல்
 
இந்தோ-பசுபிக் என்பது மறுபடியும் ஆசிய- பசுபிக்காக மாறும் போல் தெரிகிறது.
Read More

November 13, 2020

முடிவில் எந்த மாற்றமும் இல்லை! உறுதியாக வெளியிடப்பட்டுள்ள அறிவிப்பு
by Editor - 0


கொரோனா வைரஸ் தொற்றால் இறக்கும் நபர்களின் உடல்களை தகனம் செய்ய வேண்டும் என்று நிபுணர்கள் குழு எடுத்த முடிவில் எந்த மாற்றமும் இல்லை என கொரோனாவால் இறக்கும் நபர்களை தகனம் செய்ய வேண்டும் என்று முடிவு செய்த நிபுணர்கள் குழுவின் உறுப்பினர் பேராசிரியர் மெத்திகா விதானகே தெரிவித்துள்ளார்.

இந்த நிபுணர்கள் குழுவில் சுகாதார அமைச்சின் அதிகாரிகள், சட்ட வைத்திய நிபுணர்கள், பல்வேறு விசேட மருத்துவ நிபுணர்கள் மற்றும் பல்கலைக்கழகங்களின் பேராசிரியர்கள் அங்கம் வகிக்கின்றனர்.

உலக பரிசோதனை ஆய்வுகளுக்கு அமைய கொரோனாவின் புதிய நிலைமை தொடர்பாக இரண்டு மாதங்களுக்கு பின்னர் மீளாய்வு செய்யப்படும்.
கொரோனா வைரஸ்

கொரோனாவால் இறக்கும் நபர்கள் இறந்து 27 நாட்கள் கடந்த பின்னரும் நுரையீரல்களில் வைரஸ் உயிருடன் இருக்கும் என பிரித்தானிய ஆய்வாளர்கள் மேற்கொண்ட ஆய்வில் தெரிவித்துள்ளனர் எனவும் பேராசிரியர் சுட்டிக்காட்டியுள்ளார்.

இந்த நிலையில், சில முஸ்லிம்களின் மரணங்கள் தொடர்பாகவே இந்த பிரச்சினை பெரிதுப்படுத்தப்படுவதாகவும் சைவர்கள், கத்தோலிக்கர்கள் மற்றும் கிறிஸ்தவர்கள் இப்படியான கோரிக்கை முன்வைத்தால் என்ன செய்வது என அவதானிகள் கேள்வி எழுப்பியுள்ளனர்.
Read More

November 10, 2020

எதிர்ப்புக்களை அடுத்து கைவிடப்பட்டது காணி சுவீகரிப்பு
by Editor - 0

யாழ்ப்பாணம் வேலனை பிரதேச செயலர் பிரிவிற்குட்பட்ட மண்டைதீவு பகுதியில் பொது மக்களின் காணிகளை கடற்படையினருக்கு சுவீகரிக்கும்


முயற்சி அரசியல் வாதிகளினதும் பொது மக்களினதும் எதிர்ப்புகளையடுத்து தடுத்து நிறுத்தப்பட்டுள்ளது.

இன்று செவ்வாக்கிழமை மண்டைதீவு ஜே 7 கிராம சேவகர் பிரிவிற்குட்பட்ட பகுதியில் அதாவது மண்டைதீவுச் சந்தியில் கடற்படை முகாம் அமைந்துள்ள பொது மக்களுக்கு சொந்தமான காணியை கடற்படையினருக்கு சுவீகரிக்கும் நோக்கில் நில அளவைத் திணைக்களத்தினால் அளவீடு செய்யப்பட உள்ளதாக அறிவிக்கப்பட்டிருந்தது.

இதனையடுத்து காணி உரிமையாளர் மற்றும் அப்பகுதி மக்கள் மற்றும் தமிழ்த் தேசியக் கூட்டமைப்பு மற்றும  தமிழ்த் தேசிய மக்கள் முண்ணணியின் அரசியல் பிரமுகர்கள் என பலரும் ஒன்று திரண்டு காணி அளவீடு செய்யும் இடத்திற்கு முன்பாக எதிர்ப்பு வெளிப்படுத்தி கவனயீர்ப்பு போராட்டத்தை முன்னெடுத்திருந்த நிலையில் காணி அளவீடு செய்யும் நடவடிக்கை நிறுத்தப்பட்டது.

கடற்படையினருக்கு காணி சுவீகரிக்கும் எதிர்ப்பு போராட்டத்தில் தமிழ்த் தேசிய மக்கள் முண்ணணியின் பொது செயலாளரும் பாராளுமன்ற உறுப்பினருமான செல்வராசா கஜேந்திரன், தமிழ்த் தேசியக் கூட்டமைப்பின் முன்னாள் வட மாகாண சபை உறுப்பினரான விந்தன் கனகரத்தினம் உட்பட வேலணை பிரதேச சபையின் உறுப்பினர்கள்  கருணாகரன் நாவலன் சிறி பத்மறாஜா  செ. பார்த்திபன் என பலரும் கலந்து கொண்டிருந்தமை குறிப்பிடத்தக்கது.


Read More

November 08, 2020

70 மில்லியன் தாண்டிய வாக்குகள்! ஜோ பிடென் வெற்றி!
by Editor - 0

அசோசியேட்டட் பிரஸின் தகவலின்படி அமெரிக்காவின் அதிபர் தேர்தலில் ஜோ பிடென் வெற்றி பெற்றதாக அறிவித்துள்ளது. 

அசோசியேட்டட் பிரஸ் மேலும் தெரிவிக்கையில் பென்சில்வேனியாவில் முன்னிலை அடைந்ததின் பின்னர் பிடென் வெள்ளிக்கிழமை 284 தேர்தல் வாக்குகளை எட்டியுள்ளார். 

மேலும் வரலாற்றில் 70 மில்லியன் வாக்குகளைத் தாண்டிய முதல் ஜனாதிபதி வேட்பாளர் பிடென் ஆவார்.

Read More

November 05, 2020

எனக்கும், என் அப்பாவின் கட்சிக்கும் எந்தத் தொடர்பும் கிடையாது - விஜய் அதிரடி அறிவிப்பு
by Editor - 0

என் தந்தை அரசியல் கட்சி ஆரம்பித்துள்ளதை ஊடகங்கள் மூலம் அறிந்தேன், அரசியல் கட்சி விவகாரத்தில் எனக்கும் என் தந்தைக்கு எந்தவிதமான தொடர்பும் இல்லை என்று நடிகர் விஜய் திட்டவட்டமாக மறுத்துள்ளார். நடிகர் விஜய் விஜய் மக்கள் இயக்கத்தை அரசியல் இயக்கமாக மாற்றி உள்ளதாகவும் அகில இந்திய தளபதி விஜய் மக்கள் இயக்கம் என்ற பெயரில் கட்சி ஆரம்பக்க உள்ளதாகவும் சமூக வலைதளங்களில் தகவல்கள் பரவின, அத்துடன் அகில இந்திய தளபதி விஜய் மக்கள் இயக்கம் என்ற பெயரில் கட்சியின் பெயரை, அகில இந்திய தலைமை தேர்தல் ஆணையத்தில் நடிகர் விஜய் பதிவு செய்துள்ளதாகவும் தகவல்கள் பரவியது 


இதை விஜய்யின் பிஆர்ஓ ரியாஸ் அகமது இந்த செய்தி பொய் என்று திட்டவட்டமாக மறுத்தார். நடிகர் விஜய் அரசியல் கட்சி ஆரம்பிக்கவில்லை என்றார். அதேநேரம் விஜய் அரசியல் கட்சி ஆரம்பிக்கவில்லை என்றாலும் விஜய்யின் பெயரில் அரசியல் கட்சி இயக்கத்திற்கு விண்ணபிக்கப்பட்டிருப்பது உண்மை என்றே டெல்லி தரப்பு ஊடகவியலாளர்கள் சொன்னார்கள்.

இது தொடர்பாக விளக்கம் அளித்த விஜய்யின் தந்தை எஸ் ஏ சந்திரசேகர் அளித்த விளக்கத்தில், அகில இந்திய தளபதி மக்கள் இயக்கம் என்ற பெயரில் அரசியல் கட்சிக்கு நான் தான் தேர்தல் ஆணையத்தில் விண்ணப்பித்துள்ளேன். இது என்னுடைய முயற்சி. இது விஜயின் அரசியல் கட்சி அல்ல" என்று கூறினார்.

இதனிடையே அரசியல் கட்சி விவகாரத்தில் எனக்கும் என் தந்தைக்கு எந்தவிதமான தொடர்பும் இல்லை என்று நடிகர் விஜய் திட்டவட்டமாக மறுத்துள்ளார். இது தொடர்பாக நடிகர் விஜய் வெளியிட்டுள்ள அறிக்கையில், " இன்று என் தந்தை எஸ்.ஏ.சந்திரசேகா் அவா்கள் ஓா் அரசியல் கட்சியை ஆரம்பித்துள்ளார் என்பதை ஊடகங்களின் வாயிலாக அறிந்தேன். அவா் தொடங்கியுள்ள கட்சிக்கும் எனக்கும் நேரடியாகவோ மறைமுகமாகவோ எவ்வித தொடா்பும் இல்லை என திட்டவட்டமாக எனது ரசிகா்களுக்கும் பொதுமக்களுக்கும் தெரிவித்துக்கொள்கிறேன்.

இதன் மூலம் அவா் அரசியல் தொடா்பாக எதிர்காலத்தில் மேற்கொள்ளும் எந்த நடவடிக்கைகளும் என்னை கட்டுப்படுத்தாது என்பதை தெரியப்படுத்திக்கொள்கிறேன். மேலும் எனது ரசிகா்கள், எனது தந்தை கட்சி ஆரம்பித்துள்ளார் என்பதற்காக தங்களை அக்கட்சியில் இணைத்துக்கொள்ளவோ கட்சி பணியாற்றவோ வேண்டாம் என கேட்டுக்கொள்கிறேன். அக்கட்சிக்கும் நமக்கும் நமது இயக்கத்திற்கும் எவ்வித தொடா்பும் கிடையாது என்பதை தெரிவித்துக் கொள்கிறேன்.

மேலும் என் பெயரையோ புகைப்படத்தையோ எனது அகில இந்திய தளபதி விஜய் மக்கள் இயக்கத்தின் பெயரையோ தொடா்புபடுத்தி ஏதேனும் விவகாரங்களில் ஈடுபட்டால் அவா்கள் மீது தகுந்தநடவடிக்கை எடுக்கப்படும் என்பதையும் தெரிவித்துக் கொள்கிறேன்." இவ்வாறு கூறியுள்ளார்.




Read More

October 31, 2020

20ஆவது மரணம் பதிவானது
by Editor - 0


இலங்கையில் கொரோனா தொற்றாளர் 20ஆவது நபர், கொழும்பு தேசிய வைத்தியசாலையில் இன்று மரணமானார்.இதனை கொழும்பு சுகாதார பிரிவு அறிவித்துள்ளது.   

இவர்,கொழும்பு-12, ​இல்  வசிக்கும் 54 வயது பெண் ஆவார். 

 நீரிழிவு நோயாளியான இந்த பெண் , வைத்தியசாலையில் தங்கியிருந்து சிகிச்சை பெற்று வருபவர் என தெரிவிக்கப்படுகின்றது.
Read More

October 28, 2020

சசிகலா விடுதலை குறித்து 2 நாளில் அறியலாம்
by Editor - 0


சொத்து குவிப்பு வழக்கில் சிறையிலுள்ள சசிகலாவின் விடுதலை தொடர்பான விவாதங்கள், தமிழக அரசியல் களத்தில் பெரிதாக கிளம்பியுள்ளன.

2021ஆம் ஆண்டு ஜனவரி மாதம் 27ஆம் திகதி சசிகலா விடுதலையாவார் என்று தகவல்அறியும் உரிமைச் சட்டத்தின் கீழ் கேட்கப்பட்ட கேள்வி கேட்கப்பட்டுள்ளது.

அதற்கு, பெங்களூரு பரப்பன அக்ரஹாரா சிறைத்துறை பதிலளித்துள்ள நிலையில், 

தன்னைப் பற்றி தகவல்களை மூன்றாம் நபரிடம் வெளியிட வேண்டாம் என்று சசிகலா கர்நாடக அரசுக்கு வேண்டுகோள் விடுத்துள்ளார்.

இதனிடையே, அபராதத் தொகையை செலுத்துவதற்காக சசிகலா தரப்பு மனுத்தாக்கல் செய்துள்ளது.

ஆனாலும், அதற்கு முன்னதாகவே அவரை வெளியே கொண்டு வரும் நடவடிக்கைகளிலும் டிடிவி தினகரன் உள்ளிட்ட சசிகலா தரப்பினர் இறங்கியுள்ளார்.

கர்நாடக சிறை விதிகளின்படி, செப்டம்பர் இறுதியில் சசிகலா வெளியே வந்தாக வேண்டும் என்று அவரது ஆதரவாளர்கள் தெரிவித்து வருகின்றனர்.

அதேசமயம், சசிகலாவை முன்கூட்டியே விடுதலை செய்வது தொடர்பாக சிறைத்துறையே முடிவெடுக்க முடியும் என்றும் கூறப்படுகிறது.

இதற்காக சிறை நிர்வாகத்திடம் சசிகலா தரப்பில் கோரிக்கை கடிதம் எழுதப்பட்டு அது நிலுவையில் உள்ளதாகவும் தெரிகிறது.
Read More

மைக்பொம்பியோவின் இலங்கை விஜயம் - சீற்றத்தில் சீனா
by Editor - 0


இலங்கையுடனான இராஜதந்திர அணுகுமுறையில் அமெரிக்கா ஒரே நேரத்தில் இரண்டு எதிரெதிர் பாத்திரங்களை வகிப்பதாக கொழும்பில் உள்ள சீனத் தூதரகம் குற்றம் சாட்டியுள்ளது.

இன்றையதினம் கொழும்பில் உள்ள வெளியுறவு அமைச்சில் நடைபெற்ற செய்தியாளர் சந்திப்பில் அமெரிக்க இராஜதந்திர செயலாளர் மைக்பொம்பியோ, சீனா ஒரு வேட்டையாடும் நாடு என்றும், நிலத்திலும் கடலிலும் இறையாண்மையை மீறுவதாகவும் கூறியிருந்தார்.

இவரது கருத்துக்கு பதிலளிக்கும் வகையில் சீனத் தூதரகம் தனது உத்தியோகபூர்வ டுவிட்டர் தளத்தில் எதிர் கருத்துக்களை முன்வைத்துள்ளது.

குறித்த பதிவில் இலங்கை நட்பையும் ஒத்துழைப்பையும் ஊக்குவிப்பதில் நாம் மும்முரமாக இருக்கிறோம். ஆனால் அமெரிக்காவால் எப்போதுமே ஒரே நேரத்தில் இரண்டு வேடங்களில் நடிக்க முடியும் என்று பதிவிட்டுள்ளது.
Read More

October 25, 2020

பிரதமர் அலுவலக பணியாளர்கள் எவருக்கும் தொற்று இல்லை
by Editor - 0


பிரதமர் அலுவலகம், அலரி மாளிகை, விஜேராமையில் உள்ள பிரதமரின் உத்தியோகப்பூர்வ வாசஸ்தலம் ஆகியவற்றில்  பாதுகாப்பு கடமைகளில் ஈடுபடும் எந்தவொரு நபருக்கும் கொரோனா தொற்று ஏற்படவில்லை என, பிரதமர் அலுவலகம் வெ ளியிட்டுள்ள அறிக்கையில் தெரிவிக்கப்பட்டுள்ளது.


அத்துடன், பாதுகாப்பு பிரிவின் அதிகாரி,  அதிகாரியொருக்கு கொரோனா தொற்று ஏற்பட்டுள்ளதாக  வெளிவரும் செய்திகளில் எவ்வித உண்மையும் இல்லை எனத் தெரிவித்துள்ள பிரதமர் அலுவலகம், இவ்வாறு ​தொற்றுக்குள்ளானவர், பிரதமர் பாதுகாப்பு பிரிவுடன் இணைந்த வெளிப்புற பிரிவொன்றின் அதிகாரி என்றும் பிரதமர் அலுவலகம் தெரிவித்துள்ளது.


அத்துடன் குறித்த தொற்றாளர் இந்த மாதம் 17ஆம் திகதிஇ தொடக்கம் கடமைக்கு சமூகமளிக்கவில்லை என்றும் தெரிவிக்கப்படுகின்றது.

 
Read More

October 23, 2020

ரிஷாட், ஹக்கீமை நீக்க ஐ.ம.ச மந்திராலோசனை
by Editor - 0


முன்னாள் அமைச்சர்களான  ரிஷாட் பதியூதீன் மற்றும் ரவூப் ஹக்கீம் ஆகியோரை ஐக்கிய மக்கள் சக்தியிலிருந்து இடைநிறுத்த சஜித் பிரேமதாஸ அறிவுறுத்தியுள்ளதாக கட்சி தகவல்கள் தெரிவிக்கின்றன.
ரவூப்

ஐக்கிய மக்கள் சக்தியின் தலைவரும் எதிர்க்கட்சித் தலைவருமான சஜித் பிரேமதாஸ தலைமையில், இன்று பிற்பகல் 2 மணியளவில் முக்கிய கூட்டமொன்று நடைபெறவுள்ளது.

ரவூப் ஹக்கீம் மற்றும் ரிஷாட் பதியூதீன் ஆகிய கட்சிகளைச் சேர்ந்த உறுப்பினர்கள், அரசாங்கத்தால் கொண்டுவரப்பட்ட அரசியலமைப்பின் 20ஆவது திருத்த சட்டமூலத்துக்கு ஆதரவாக வாக்களித்தனர்.


Read More

October 22, 2020

20ஆவது திருத்தச் சட்டம் நாடாளுமன்றத்தில் அறுதிப் பெரும்பான்மையுடன் நிறைவேற்றப்பட்டுள்ளது
by Editor - 0


ஸ்ரீலங்கா அரசாங்கம் கூறு வந்தது போலவே 20ஆவது திருத்தச் சட்டம் நாடாளுமன்றத்தில் அறுதிப் பெரும்பான்மையுடன் நிறைவேற்றப்பட்டுள்ளது.

அரசியலமைப்பின் 20ஆவது திருத்தத்தின் இரண்டாவது வாசிப்பு நாடாளுமன்றத்தில் நிறைவேற்றப்பட்டது. இந்நிலையில் நடத்தப்பட்ட வாக்கெடுப்பில் 156ற்கும் மேற்பட்ட உறுப்பினர்கள் ஆதரவாக வாக்களித்துள்ளனர்.

எதிராக 65 உறுப்பினர்கள் வாக்களித்தனர். பல எதிர்க்கட்சி உறுப்பினர்கள் 20ஆவது திருத்தத்தை ஆதரித்து வாக்களித்துள்ளனர்.

கடந்த ஜனாதிபதி, பொதுத் தேர்தலின் போது ஸ்ரீலங்காவில் ஆட்சிய மாற்றம் மட்டுமல்லாது அரசியலமைப்பிலும் மாற்றம் கொண்டுவரப்பட வேண்டும் என்று பிரசாரங்களை மேற்கொண்டு அறுதிப் பெரும்பான்மை பலத்தை பெற்றது ஸ்ரீலங்கா பொதுஜன பெரமுன கட்சி.

பங்காளிக் கட்சிகளின் ஆசனங்களோடு பெரும்பான்மையாக ஆட்சியமைத்த ராஜபக்ச தரப்பினர், 20ஆவது திருத்தச் சட்டத்தை சர்வஜன வாக்கெடுப்பின்றி நிறைவேற்றுவோம் என்றும் சூளுரைத்திருந்தனர்.

இந்நிலையில், நேற்றைய தினமும் இன்றைய தினமும் 20ஆவது திருத்தச் சட்டம் மீதான விவாதங்கள் இடம்பெற்ற நிலையில் சற்று முன்னர் அதன் மீதான வாக்கெடுப்பு நடத்தப்பட்டது.

இதன்போது பெரும்பான்மை வாக்குகளால் 20ஆவது திருத்தச் சட்டம் நிறைவேற்றப்பட்டது.

முன்னதாக ஆளும் தரப்பிலிருந்த பங்காளிக் கட்சிகள் 20ஆவது திருத்தச் சட்டத்தில் உள்ள இரட்டைக் குடியுரிமை தொடர்பில் அதிருப்தி வெளியிட்டிருந்தனர். எனினும் நேற்றைய தினம் ஜனாதிபதி கோட்டாபய ராஜபக்சவுடனான சந்திப்பின் பின்னர் 20வதுக்கு ஆதரவாக வாக்களிப்பது என்று முடிவெடுத்ததாக இன்று அறிவித்திருந்தனர் என்பது குறிப்பிடத்தக்கது.

எவ்வாறாயினும், 20ஆவது திருத்தச் சட்டமானது தனி நபர் ஒருவரிடம் அதிகாரம் குவிவதாகவும், சர்வாதிகாரப் போக்குக்கு இது வழிவகுக்கும் என்றும், ஜனநாயகத்திற்கும், மனிதவுரிமைகளுக்கும் அடிக்கப்பட்ட சாவுமணி இது என்று எதிர் கட்சிகள் நாடாளுமன்றத்தில் விமர்சித்திருந்தமை குறிப்பிடத்தக்கது.

இதற்கிடையில், இரட்டைக் குடியுரிமை தொடர்பில் பௌத்த சங்கத்தினரும் தமது கடுமையான எதிர்ப்பினை வெளியிட்டிருந்தார்கள் என்பது சுட்டிக்காட்டத்தக்கது.

இதேவேளை, இரட்டைக் குடியுரிமை தொடர்பில் மாற்றங்களை கொண்டுவருவதற்கு ஜனாதிபதி கோட்டாபய ராஜபக்ச உடன்படவில்லை என்பது கவனிக்கத்தக்கது.
Read More

October 21, 2020

பிரித்தானியாவில் தமிழீழ விடுதலைப் புலிகளின் மீதான தடை நீங்கியது!!
by Editor - 0

பிரித்தானியாவில்  தமிழீழ விடுதலைப் புலிகளின் மீதான தடை நீங்கியது!நாடு கடந்த அரசின் TGTE பெரும் முயற்சியால் இந்த தடை தற்போது நீக்கப்பட்டுள்ளது என்பது குறிப்பிடத்தக்க விடையம்


தமிழீழ விடுதலைப் புலிகள் மீதான பிரித்தானியாவின் தடைக்கு எதிராக நாடுகடந்த தமிழீழ அசராங்கத்தினால் தொடுக்கப்பட்ட வழக்கின் தீர்ப்பு இன்று  புதன்கிழமை 10:30 அளவில் வெளிவந்தது 

மேலதிக தகவல் விரைவில் 
2001 ஆம் ஆண்டு முதல் தமிழீழ விடுதலைப் புலிகள் மீது விதிக்கப்பட்ட பிரிட்டனின் தடை உத்தரவுக்கு எதிராக நாடுகடந்த தமிழீழ அரசினால் வழக்கு தாக்கல் செய்யப்பட்டிருந்தது 

பிரித்தானிய உள்துறை அலுவலகத்துக்கு கோரிக்கை அடங்கிய மனுவை சமர்ப்பித்த போது பிரித்தானியா உள்துறை செயலாளர் அதை ஏற்கவில்லை .

அதனால் லண்டனில் இருக்கும் மேட்ரிக்ஸ் சேம்பர்ஸின் பேராசிரியர் கோனார் ஜியார்டி மற்றும் லண்டன் ஸ்கூல் ஆஃப் எகனாமிக்ஸ் (எல்எஸ்இ) வழியாக தடைக்கு சட்டரீதியான சவாலுக்கு  உட்படுத்தும் நோக்கில் வழக்கு தாக்கல் செய்திருந்தது 

இது  சிறப்பாக அமைக்கப்பட்ட ஒரு சுயாதீன தீர்ப்பாயத்தின் முன் விசாரிக்கப்படும். மேல்முறையீட்டு ஆணையம் (POAC).

இதை நாடுகடந்த அரசாங்கத்தினை சட்ட ரீதியாக அமைக்கும் நோக்கம் கொண்டது அல்ல மாறாக மக்கள் பயமில்லாமல் கூட்டங்களில் கலந்து கொள்ளவேண்டும் என்கிற நோக்கத்துக்காகவே என்று வாதிட்டார்கள் 
மேலும் 

"கடந்த 10 ஆண்டுகளில் எல்.ரீ.ரீ.ஈ யால் எந்த வன்முறை நடவடிக்கைகளும் மேற்கொள்ளப்படவில்லை. எல்.ரீ.ரீ.யை தடைசெய்வது என்பது நடைமுறையில் அனைத்து தமிழர்களின் அரசியல் நடவடிக்கைகளையும் தகர்த்துவிடுகிறது என்றும் வாதங்கள் முன்வைக்கப்பட்டன .

ஆனால் உள்துறை அமைச்சு தடை நீக்கத்துக்கு எதிராக மறுத்துள்ள கடிதத்தில் ஒரே ஒரு சம்பவத்தை மட்டுமே குறிப்பிட்டிருந்தது . அது 2018 இல் இடம்பெற்ற ஒரு குண்டு வெடிப்பு சம்பவமாகும் . அது புலிகள் செய்தார்கள் என்பதற்கான எந்த ஆதாரமும் இல்லை என்றும் வாதிட்டார்கள் .

எல்.ரீ.ரீ.ஈ மீதான தடையை நீக்க உள்துறை அலுவலகத்தை வழிநடத்தும் அதிகாரம் POAC க்கு உள்ளது என்றும் வாதிட்டு இருந்தார்கள் . 

விடுதலை புலிகள் அமைப்பு மார்ச் 2001 இல் பிரிட்டனில் தடைசெய்யப்பட்டது, அது "இலங்கையின் வடக்கு மற்றும் கிழக்கில் ஒரு தனி தமிழ் அரசுக்காக போராடும் பயங்கரவாத குழு" என்று வகைப்படுத்தப்பட்டது. ஒரு குழுவின் தடை அதை ஒரு செய்கிறது. 

இங்கிலாந்துஅரசாங்கம் பல ஆதாரங்களை இரகசியமாகக் பெற்றே இதை செய்திருக்கிறது என்றும் வாதிட்டார்கள் 

இந்த வழக்கு சென்றவருடம் நடந்தது .

அந்தவகையில் இன்று நடந்த வழக்கின் போது உள்துறை அமைச்சு தனது எதிர்ப்பை வாபஸ் வாங்கியது . அதனால் விடுதலை புலிகள் மீதான தடை விலகியது .

Read More

விடுதலைப்புலிகள் மீதான தடைக்கு எதிரான வழக்கின் தீர்ப்பு இன்று புதன்கிழமை
by Editor - 0

விடுதலைப்புலிகள் மீதான தடைக்கு எதிரான வழக்கின் தீர்ப்பு இன்று  புதன்கிழமை

தமிழீழ விடுதலைப் புலிகள் மீதான பிரித்தானியாவின் தடைக்கு எதிராக நாடுகடந்த தமிழீழ அசராங்கத்தினால் தொடுக்கப்பட்ட வழக்கின் தீர்ப்பு இன்று  புதன்கிழமை வெளிவருகின்றது என நாடுகடந்த தமிழீழ அராசாங்கத்தின் பிரதமர் பணிமனை தெரிவித்துள்ளது.

பிரித்தானிய நேரம் காலை 10:30 வழங்கப்பட இருக்கின்ற இர்தீர்ப்பு தொடர்பில், பிரித்தானியா நேரம் மாலை 4:15 மணிக்கு நாடுகடந்த தமிழீழ அரசாங்கம் ஊடக சந்திப்பொன்றினை நடத்த இருக்கின்றது. 

இந்த வழக்கானது திறந்த சாட்சியங்களின் அடிப்படையிலும், இரகசிய சாட்சியங்களின் அடிப்படையிலும் நடைபெற்றது. திறந்த சாட்சியங்களின் விசாரணையின் போது இங்கிலாந்து மகாராணியாரின் QC மாண்பைப்பெற்ற Maya Lester QC,  உட்பட  Malcolm Birdling of Brick Court Chambers with Jamie Potter and Caroline Robinson of Bindmans LLP ஆகியோர் நாடுகடந்த தமிழீழ அரசாங்க்தின் சட்டவாளர்களாக வாதிட்டிருந்தனர்.

இரகசிய விசாரணை போது  இங்கிலாந்து மகாராணியாரின் QC மாண்பைப்பெற்ற   Angus McCulloch Q.C and Rachel Tony. ஆகியோர் நாடுகடந்த தமிழீழ அரசாங்கத்தின் சட்டவாளராக வாதிட்டிருந்தார்.

எவ்விதமான பயங்கரவாத செயற்பாடுகளிலும் தமிழீழ விடுதலைப்புலிகள்  ஈடுபடவில்லை எனச்சுட்டிக்காட்டி தடையினை நீக்குமாறு  பிரித்தானியாவின் உள்துறை அமைச்சிடம் 2018ம் ஆண்டில் நாடுகடந்த தமிழீழ அரசாங்கம் கோரியிருந்தது. 

இதனை பிரித்தானிய உள்துறை அமைச்சு நிராகரித்திருந்த நிலையில்,  தடையை நீக்கும் செயற்பாடாக Proscribed Organisations Appeal Commission (‘POAC’) ஆணையத்திடம் நாடுகடந்த தமிழீழ அரசாங்கம் சட்டநடவடிக்கையினை முன்னெடுத்திருந்தது.

விடுதலைப் புலிகள் மீதான தடை என்பது தமிழர்களின் பேச்சு சுதந்திரத்துக்கும், கருத்து சுதந்திரத்துக்கும் இடையூறாக இருக்கின்றதென வாதிட்ட நாடுகடந்த தமிழீழ அரசாங்கம், தமிழர்களின் சுயநிர்ணய உரிமையை சுதந்திர அரசின் வடிவத்தில் பிரயோகிப்பதற்கு தடையாக உள்ளதோடு, சுதந்திர தமிழீழத்தினை இலக்காக கொண்ட நாடுகடந்த தமிழீழ அரசாங்கத்தின் ஜனநாயகரீதியாக செயற்பாடுகளுக்கும்  பெருந்தடையாக இது இருக்கின்றதென நாடுகடந்த தமிழீழ அரசாங்கம் வாதிட்டிருந்தது.

பிரித்தானியாவின் நியாயமற்ற விதத்திலான தமிழீழ விடுதலைப் புலிகள் மீதான பயங்கரவாத முத்திரையினை, சிறிலங்கா அரசு தனது தமிழினஅழிப்பை, பயங்கரவாதத்துக்கு எதிரான போர் என்ற போர்வைக்குள் மறைத்துக் கொள்ளும் உபாயமாக கைக்கொள்கின்றது என பிரதமர் வி.உருத்திரகுமாரன் அவர்கள் சுட்டிக்காட்டியுள்ளார்.

Transnational Government of Tamil Eelam (TGTE) appealed against UK's ban of the Liberation Tigers of Tamil Eelam (LTTE).

LONDON, UNITED KINGDOM, October 20, 2020 /EINPresswire.com/ --

The decision of the Transnational Government of Tamil Eelam’s (TGTE) appeal against the proscription of the Liberation Tigers of Tamil Eelam (LTTE) will be handed down tomorrow (Wednesday) October 21, 2020 at 10:30 am (UK Time).

In December 2018, the TGTE wrote to the then Home Secretary Sajid Javid MP asking him to deproscribe the LTTE on the basis that it was not concerned in terrorism and that it’s continuing proscription was impeding the freedom of speech and assembly of Tamil people (including the TGTE) who advocates for the realization of the Tamil self determination in the form of an independent state. In March 2019, the Home Secretary refused the application.

The TGTE filed an appeal against the decision of the Secretary of State’s For The Home Department to the Proscribed Organizations Appeal Commission on December 13, 2018. It was made by UK based members of the Transnational Government of Tamil Eelam. The Secretary of State For The Home Department submitted open evidence and secret evidence. The Commission heard arguments based on open evidence on July 30th, 2020. The Commission heard arguments based on secret evidence on July 31st, 2020.

In the open proceedings the TGTE was represented by Maya Lester QC and Malcolm Birdling of Brick Court Chambers and Jamie Potter and Caroline Robinson of Bindmans LLP. During the secret proceedings, TGTE’s interests were represented by “Special Advocates” Angus McCulloch Q.C and Rachel Tony. The UK Government was represented by Sir James Eadie QC, Ben Watson and Emily Wilsdon. The appeal was heard by Mrs. Justice Laing and two lay panel members, Richard Whittam Q.C and Philip Nelson Q.C.


ABOUT THE TRANSNATIONAL GOVERNMENT OF TAMIL EELAM (TGTE):

The Transnational Government of Tamil Eelam (TGTE) is a democratically elected Government of over a million strong Tamils (from the island of Sri Lanka) living in several countries around the world.

TGTE was formed after the mass killing of Tamils by the Sri Lankan Government in 2009.

TGTE thrice held internationally supervised elections among Tamils around the world to elect 132 Members of Parliament. It has two chambers of Parliament: The House of Representatives and the Senate and also a Cabinet.

TGTE is leading a campaign to realize the political aspirations of Tamils through peaceful, democratic, and diplomatic means and its Constitution mandates that it should realize its political objectives only through peaceful means. It’s based on the principles of nationhood, homeland and self-determination.

TGTE seeks that the international community hold the perpetrators of war crimes, crimes against humanity, and genocide against the Tamil people to account. TGTE calls for a referendum to decide the political future of Tamils.

The Prime Minister of TGTE is Mr. Visuvanathan Rudrakumaran, a New York based lawyer.


BACKGROUND

Tamils in the island of Sri Lanka faced repeated mass killings in 1958, 1977, and 1983 and the mass killings in 2009 prompted UN Secretary General Ban Ki-moon to appoint a Panel of Experts to report on the scale of the killings.

According to UN internal review report on Sri Lanka, over 70 thousand Tamils were killed in six months in early 2009 and Tamil women were sexually assaulted and raped by the Sri Lankan Security forces. A report by the International Truth and Justice Project (ITJP) published details of Sri Lankan Military run "Rape Camps", where Tamil women are being held as sex slaves. There are over 90,000 Tamil war widows and thousands of Tamils disappeared due the conflict.

According to this UN report, the killings and other abuses that took place amount to war crimes and crimes against humanity. Independent experts believe that there are elements of these abuses that constitute an act of genocide.

Members of the Sri Lankan security forces are almost exclusively from the Sinhalese community and the victims are all from the Tamil community. A Buddhist Monk shot and killed a Sri Lankan Prime Minister 1959 for having talks with Tamils.

Tamils overwhelmingly voted in a Parliamentary election in 1977 to establish an independent and sovereign country called Tamil Eelam. This Parliamentary election was conducted by the Sri Lankan Government.

Twitter: @TGTE_PMO

Facebook: https://www.facebook.com/tgteofficial/live/

Email: pmo@tgte.org

Web: www.tgte-us.org and www.tgte.org


Transnational Government of Tamil Eelam
TGTE
r.thave@tgte.org
Visit us on social media:
Facebook
Twitter



Read More