iPhone X அதாவது iPhone 10 இல் என்ன இருக்கு by admin 08:16:00 - 0

எல்லாவற்றிலும் 'அப்டேட்டட்' ஆக இருக்க விரும்பும் இந்தக் கால மனநிலைக்கு உணவாகவோ அல்லது அந்த மனநிலையை உணவாக்கவோ வரும் வித விதமான எலெக்ட்ரானிக் காட்ஜெட்ஸ்களின் பட்டியலில் மேலே இருப்பது ஆப்பிள். ஆப்பிளின் அடுத்த மாடல் தொலைபேசி வருவதென்பது  'டெக்கி'கள் என்று செல்லமாக அழைக்கப்படும் தொழில்நுட்ப ஆர்வலர்கள், 'செல்போன்' விரும்பிகள், பிசினஸ் பிரமுகர்கள், மாணவர்கள் என பல தளங்களிலும் ஆர்வத்தைக் கிளப்பும் நிகழ்வு. நேற்று (செப்டம்பர் 12), ஆப்பிள் தனது புதிய வெளியீடுகளை அறிமுகப்படுத்தியது. ஐ-வாட்ச், ஐ-டிவி, ஐ-போன் 8 ஆகியவற்றுடன் அறிமுகப்படுத்தப்பட்ட ஐ-போன் எக்ஸ் (i-phone X) தான் நேற்றைய மேடையின் நாயகனாகத்  திகழ்ந்தது. 'என்ன என்ன ஐட்டங்களோ ஐ-போன் எக்ஸ்ஸினிலே' என்று காத்திருப்பவர்களுக்கு...     

 - 2007இல் முதல் ஐ-போன் அறிமுகப்படுத்தப்பட்டது. தற்பொழுது, பத்து ஆண்டுகள் ஆனதை முன்னிட்டு, எண் பத்தைக் குறிக்கும் ரோமன் லெட்டரான X (எக்ஸ்), பெயராக வைக்கப்பட்டு  'ஐ-போன் X'  அறிமுகப்படுத்தப்பட்டுள்ளது

- வரும் அக்டோபர் 27இல் இருந்து முன்பதிவு தொடங்கும். நவம்பர் 3இல் உங்கள் கைகளில் தவழ வாய்ப்புள்ளது 

- இதன் விலை இந்தியாவில்   ஏறத்தாழ 89000 ரூபாய் என நிர்ணயிக்கப்பட்டுள்ளது.  இது, 64ஜிபிக்கான விலை மட்டுமே. 256ஜிபியின் விலை இன்னும் கொஞ்சம்  மட்டுமே அதிகம்

-   OLED தொழில்நுட்பத்தில், சூப்பர் ரெட்டினா டிஸ்ப்ளேயுடன்  விளிம்பிலிருந்து விளிம்பு வரை கைபேசியின் மேல்பகுதி முழுவதும் 5.8 இன்ச்  டிஸ்ப்ளே இருக்கும்படி வடிவமைக்கப்பட்டுள்ளது 

-   ஏற்கனவே, ஆண்ட்ராய்டு பயன்படுத்துபவர்கள் ஆப்பிளில் திகைக்கும் விஷயம் அதன் 'ஹோம்' பட்டன் என்று சொல்லப்படும் நடுவில் உள்ள பட்டன். எல்லாவற்றிற்கும் ஒரே பட்டனா என்று நம்மை வியக்க வைக்கும். இப்பொழுது   'ஐ-போன் X'இல் அந்த பட்டனும் கிடையாதாம்.  மேலே 'ஸ்வைப்' செய்தால் பின்னே செல்லுமாம்

- அடுத்தது ஆப்பிளின் பாதுகாப்புத் தொழில்நுட்பம். 'ஃபேஸ் ஐடி' முறையில் பயன்படுத்துபவரின் முகத்தை அடையாளம் கண்டு உள்ளே அனுமதிக்கிறது ஆப்பிள். அடிக்கடி 'கெட்-அப்' மாற்றுபவர்களும் கூட கவலைப்படத்  தேவையில்லையாம். ஆப்பிள் பயன்படுத்தியிருக்கும் தொழில்நுட்பம் அவ்வளவு ஆழமானதாம். மில்லியனுக்கு ஒன்று என்ற அளவில் தான் தவறுகள் நடக்க வாய்ப்புள்ளது என்று ஆப்பிள் உறுதியளிக்கிறது. ஆனால், அறிமுக நிகழ்ச்சியிலேயே க்ரெய்க் பயன்படுத்திய   'ஐ-போன் X'  அவரது முகத்தை சோதனை செய்து அனுமதிக்க மறுத்து சொதப்பியது. பின்னர் இன்னொரு     'ஐ-போன் X'இல்    'ஃபேஸ் ஐடி'யை நிகழ்த்திக் காட்டினார்

- இன்று நமது சாட்டிங்கிலும், 'ஃபேஸ்புக்' பதிவுகளிலும் முக்கிய இடத்தைப் பிடித்துவிட்டன 'எமோஜி'க்கள். நம் உணர்வுகளை வார்த்தைகளால் வெளிப்படுத்துவதை விட எமோஜிக்களால் வெளிப்படுத்துவதே அதிகமாகியிருக்கிறது. ஆப்பிள், அதிலும் ஒருபடி மேலே போய், அனிமோஜிக்களை அறிமுகப்படுத்தியுள்ளது. நம் முகத்தில் என்ன வெளிப்படுத்துகிறோமோ அதைக் கைப்பற்றி அதே 'எக்ஸ்பிரசனை' அனிமேட் செய்து அனுப்புகிறது    'ஐ-போன் X'

வயர்லெஸ் சார்ஜிங்' வசதியும் உள்ளது. 'சார்ஜிங் மேட்' (mat)  என்ற ஒரு மின்விரிப்பில் கைபேசியை வைத்துவிட்டால் போதும், சார்ஜ் ஆகிவிடுமாம். இதே முறையில் ஐ-வாட்ச்களையும் கூட  சார்ஜ் செய்யலாமாம்

- ஐஓஎஸ் 11 இல் வேலை செய்யும் இந்த     'ஐ-போன் X'

- கேமராவில் 'ஆக்மெண்டெட் ரியாலிட்டி' தொழில்நுட்பத்தில்,  வீடியோ பதிவு செய்யும்பொழுதே அதில் ஸ்பெஷல் எபக்ட்ஸ் எல்லாம் செய்யலாம். இதுவரை உள்ள 'ஸ்மார்ட்' போன்களிலேயே அதிக தெளிவுடையதாம்      'ஐ-போன் X'இன் கேமரா

பேசுவதற்காக கண்டுபிடிக்கப்பட்ட தொலைபேசி இன்று மாறி மாறி வேறு வடிவமெடுத்துள்ளது. தொழில்நுட்பத்தின் உச்சங்களை அனுபவிக்க ஆசையும் அதை வாங்க காசும் உள்ளவர்கள்    'ஐ-போன் X'க்கு முன்பதிவு செய்யலாம். ஆசை மட்டுமுள்ளவர்கள், எப்படியும் சில மாதங்களில் இந்த வசதிகள் எல்லாவற்றையும் 'காப்பி'யடித்து  நமக்கேற்ற விலையில் கொண்டு வரப்போகும் கொரியன், சைனா நண்பர்களுக்காகக் காத்திருக்கலாம்.  

Read More

உலகளாவிய இணையதாக்குதலில் பல அரசு அமைப்புகள் முடங்கின by admin 21:39:00 - 0

 

உலகளாவிய மோசமானதொரு இணைய தாக்குதல் ஒன்று நடத்தப்பட்டிருக்கிறது. பிரிட்டன், ஸ்பெய்ன், ரஷ்யா, அமெரிக்கா மற்றும் சீனா உள்ளிட்ட நாடுகளின் முன்னணி நிறுவனங்களின் இணைய சேவைகள் மீது இந்த தாக்குதல் நடந்திருப்பதாக செய்திகள் வெளியாகிவருகின்றன.

இவையெல்லாம் தனித்தனி தாக்குதல்களா அல்லது ஒன்றோடொன்று தொடர்புடையவையா என்பது தெளிவாகவில்லை.

பிரிட்டனின் தேசிய மருத்துவ சேவையின் இணைய கட்டமைப்பின் மீது மிகப்பெரிய தாக்குதல் நடந்திருக்கிறது. 

பிரிட்டனின் முன்னணி மருத்துவமனைகளின் இணையகட்டமைப்பின் மீது நடந்துள்ள இந்த தாக்குதலில் நோயாளிகளுக்கான சேவைகள் பாதிக்கப்பட்டுள்ளன.

ஆங்கிலத்தில் ransomware attack என்று அழைக்கப்படும் பிணைத்தொகை கேட்கும் மென்பொருளை பயன்படுத்தி இந்த தாக்குதல் நடத்தப்பட்டிருக்கிறது. 

இணைய சேவைகளை மீண்டும் செயற்பட செய்யவேண்டுமானால் பணம் தரவேண்டும் என்று இந்த மென்பொருள் கேட்கும்.

பிரிட்டனின் சில மருத்துவ மையங்கள் மற்றும் மருத்துவமனைகளின் இணைய கட்டமைப்பு முழுமையாக செயலிழந்துபோனதால் பல இடங்களில் நோயாளிகள் அவசரகால சிகிச்சை பிரிவுகளுக்கு அனுப்பப்பட்டனர்.

ஸ்பெய்ன் நாட்டில் பெருமளவிலான அந்நாட்டு நிறுவனங்களின் இணைய கட்டமைப்பும் இதேபோல் பாதிக்கப்பட்டிருப்பதாக அந்நாட்டு அரசாங்கம் தெரிவித்துள்ளது.

Read More

ஆமையின் ஓட்டுக்குள் கண்காணிப்பு ' Camera ' by admin 13:30:00 - 0

இன்னும் சில ஆண்­டு­களில் இப்­படி நடக்­கலாம். நாட்டின் எல்­லையில் அந்த இரவு நேரத்தில் இரா­ணுவ வீரர்கள் காவல் காத்துக் கொண்­டி­ருப்­பார்கள். அப்­போது, அவர்கள் நின்று கொண்­டி­ருக்கும் அந்த புல்­வெ­ளி­களின் ஊடே ஒரு ஆமை மெது­வாக நகர்ந்து வரும். ஆமை தானே போகி­றது என அவர்கள் அதைப் பெரி­தாக கண்டு கொள்­ளாமல் இருப்­பார்கள். அது உயி­ருள்ள ஆமையா என்று வேண்­டு­மானால் அவர்கள் சந்­தேகம் கொண்டு ஆராய்ந்துப் பார்க்­கலாம். அது உயி­ருள்ள ஆமை என்­றதும் அதைக் கீழே விட்­டு­வி­டு­வார்கள். அவர்­க­ளுக்குத் தெரி­யாது, அந்த ஆமையின் மூளை முழுக்க முழுக்க ஒரு மனி­தனின் கட்­டுப்­பாட்டில் இருக்­கி­றது என்­பது. தம் எல்­லை­யி­லி­ருக்கும் இராணுவ முகாம்­களை வேவு பார்க்க அது வந்­தி­ருக்­கி­றது என்­பது. சம­யத்தில், மனித வெடி­குண்டு போல், அது ஆமை வெடி­குண்­டா­கவும் மாறலாம். ஏனெனில், அதைக் கட்­டுப்­ப­டுத்­து­வது ஒரு மனித மூளை.

இது என் கற்­ப­னையோ, சினிமாக் கதையோ அல்ல. இது இன்­றைய அறி­வியல் கண்­டு­பி­டிப்பு. இயந்­தி­ரங்­களை உரு­வாக்கி, அதைக் கட்­டுப்­ப­டுத்­து­வதில் பெரிய அறி­வியல் ஆச்­சரி­யங்கள் இனி கிடை­யாது. உயி­ருள்ள உயி­ரி­னங்­களின் மூளையை ஊடு­ருவி அதைத் தன் கட்­டுப்­பாட்­டிற்கு கொண்டு வரும் ஆராய்ச்­சியில் பல நாட்டு ஆராய்ச்­சி­யா­ளர்­களும் ஈடு­பட்டு வரு­கி­றார்கள். இது­வரை பூச்­சி­களை வைத்து இது போன்ற ஆராய்ச்­சி­களை மேற்­கொண்டு வந்­தனர். தற்­போது, ஆமையைக் கொண்டு இந்த ஆராய்ச்­சியை வெற்­றி­க­ர­மாக செய்து முடித்­தி­ருக்­கி­றார்கள் தென் கொரிய விஞ்­ஞா­னிகள்.

மனி­தர்­களின் தலையில் "ஹெட் மவுண்டட் டிஸ்­பிளே " (Head Mounted Display) ஒன்று மாட்­டப்­படும். இதில் BCI எனப்­படும் " Brain Computer Interface" மற்றும் CBI " Computer Brain Interface" ஆகி­யவை இணைக்­கப்­படும். இவை மனித மூளையை கணி­னிக்கும், கணி­னியின் உத்­த­ர­வு­களை மூளைக்கும் கடத்தும் கரு­வி­யாக செயற்படும். அதே போன்று ஆமையின் முதுகில் ஒரு கெமரா, வைஃபை ட்ரான்ஸ்­சீவர், கம்ப்­யூட்டர் கொன்ட்ரோல் மாட்யூல் மற்றும் ஒரு பேட்­டரி ஆகி­யவைப் பொருத்­தப்­பட்­டி­ருக்கும். மேலும், கூடு­த­லாக ஒரு அரை - உருளை (Semi-Cylinder) வடி­வி­லான உணர் கரு­வியும் (Sensor) அதன் முதுகில் பொருத்­தப்­பட்­டி­ருக்கும்.

ஆமையின் முது­கி­லி­ருக்கும் கெம­ரா­வி­லி­ருந்து அதன் சுற்­றத்தை HMD பொருத்­திய மனி­தரால் உணர முடியும். இதைக் கண்டு அந்த மனிதர் ஒரு ஆமை­யாக மாறிட முடியும். அதா­வது, " நெய்­நிகர் யதார்த்தம்" (Virtual Reality) போன்ற முறையில், அவன் இருக்கும் இடத்­தி­லி­ருந்தே ஆமை இருக்கும் இடத்­திற்குப் போனது போன்ற உணர்வு ஏற்­படும். அவ­னிடம் இருக்கும் BCI மற்றும் CBI அந்த மனி­தனின் எண்­ணங்­களை EEG சிக்­னல்­க­ளாக மாற்றி ஆமைக்கு சென்­ற­டையச் செய்யும். அதன் முது­கி­லி­ருக்கும் உணர் கருவி (Sensor), மனிதன் செலுத்த நினைக்கும் திசை­களை அவை­க­ளுக்கு உணர்த்தும். அதன்­படி, அந்த ஆமையும் நகர்ந்து செயற்­படும்.

உலகில் எத்­த­னையோ உயி­ரி­னங்கள் இருக்க ஆமையை ஏன் இதற்கு தேர்ந்­தெ­டுத்­தார்கள் என்ற கேள்­வியும் எழு­கி­றது. ஆமைக்கு இயற்­கை­யி­லேயே இருக்கும் அறி­வாற்றல், தடை­களை கண்­டு­ணர்ந்து நகரும் இயல்பு, ஒளி­களின் அலைக் கீற்றை வேறு­ப­டுத்த முடி­கிற திறன் ஆகி­ய­வையே இந்த ஆராய்ச்­சிக்கு இதை தேர்ந்­தெ­டுக்க கார­ணங்­க­ளாக ஆராய்ச்­சி­யா­ளர்கள் சொல்­கி­றார்கள்.

இன்னும் சில ஆண்­டு­களில் இப்­ப­டியும் நடக்­கலாம். மனிதன் அடைய முடி­யாத ஆழ்­க­டலில் எத்­த­னையோ ஆச்­ச­ரி­யங்கள் புதைந்துக் கிடக்­கின்­றன. ஒரு ஆமையாய் மாறி மனிதன் ஆழ்­க­டலில் பய­ணித்து பல கேள்­வி­க­ளுக்­கான விடை­களைக் கண்­ட­றி­யலாம். மாய­மான MH 370 மலே­சிய விமா­னத்தைக் கண்­டு­பி­டிக்­கலாம், சிதம்­பரம் பகு­தியில் பறந்து கொண்­டி­ருந்த போது மாய­மான டோர்னியர் விமானத்தைத் தேடிக் கண்டுபிடிக்கலாம். இப்படி இந்த ஆராய்ச்சியின் எதிர்காலம் எதுவாகவும் இருக்கலாம். அறிவியல் ஆராய்ச்சிகள் அழிவிற்கானவை அல்ல... முதல் பத்தியை தேர்ந்தெடுப்பதா, கடைசிப் பத்தியைத் தேர்ந்தெடுப்பதா என்பது மனிதர்களின் கைகளில் தான் இருக்கின்றது .

Read More

யாகூ நிறுவனத்தின் பெயர் மாற்றம்.. புதிய பெயர் என்ன தெரியுமா? by admin 09:39:00 - 0

பெங்களூர்: யாகூ நிறுவனம் தனது பெயரை அல்டாபா என மாற்றியுள்ளதோடு, தலைமைச் செயல் அதிகாரியையும் மாற்றியுள்ளது. ஜிமெயிலுடன் போட்டி போட்டு இமெயில் சேவைகளை வழங்கி வந்தது யாகூ. இதுதவிர டிஜிட்டல் விளம்பரம், மீடியா சொத்துக்கள் வர்த்தகத்தில் ஈடுபட்டு வந்தது. இந்நிலையில் வெரிசோன் நிறுவனத்திற்கு $4.83 பில்லியன் டாலருக்கு யாகூ தனது முக்கிய வர்த்தகமான, இமெயில், விளம்பரம் மற்றும் மீடியா சொத்துக்களை விற்பனை செய்தது.

அதேநேரம், இந்த விற்பனையை திருத்தவோ, ரத்து செய்யவோ உரிமையுள்ளது என்றும் நிபந்தனையுடன் இந்த டீல் நடந்தது. இந்நிலையில், கடந்த ஆண்டு டேட்டா திருட்டு நடந்துவிட்டதாக யாகூ தெரிவித்தது. சுமார் 500 மில்லியன் வாடிக்கையாளர்கள் அக்கவுண்டுகள் ஹேக் செய்யப்பட்டுவிட்டதாகவும், இன்னொருமுறை ஒரு பில்லியன் வாடிக்கையாளர்கள் பாதிக்கப்பட்டதாகவும் யாகூ கூறியது. ஆனால் வெரிசான் அதிகாரிகளோ, யாகூ மீது நம்பிக்கையுள்ளதாக கூறியதுடன் இந்த பிரச்சினை குறித்து விசாரணை நடத்தி வந்தனர். இந்நிலையில் வெரிசானுடன் போடப்பட்ட ஒப்பந்தம் ரத்து செய்யப்பட்டுள்ளதாக அறிவிக்கப்பட்டுள்ளது. எனவே யாகூ நிறுவனம் இனி அல்டாபா ஐஎன்சி என்று அழைக்கப்படும். இதுவரை அதன் தலைமை செயல் அதிகாரியாக பதவி வகித்த மரிஸ்சா மேயர் பதவி விலக உள்ளார். நிறுவனத்தின் 5 இயக்குநர்களும் பதவி விலக உள்ளனர். மற்ற இயக்குநர்கள் அல்டாபா நிறுவனத்தை மேற்பார்வை செய்வார்கள்

Read More

டிசம்பர் இறுதியோடு வாட்ஸ்அப் இல்லையாம்..!! இளைஞர்களுக்கு பேரிடி by admin 11:01:00 - 0

டிசம்பர் மாதம் 31ஆம் திகதிக்கு பின்னர் சில வகை கையடக்க தொலைபேசிகளுக்கு வாட்ஸ்அப் சேவை கிடைக்காது என வாட்ஸ்அப் நிறுவனம் உத்தியோகப்பூர்வமாக அறிவித்துள்ளது.

எந்த வகையான தொலைபேசிகளுக்கு வாட்ஸ்அப் சேவை தடையாகப்போகின்றது என்று உங்களுக்கு தெரியுமா?

சிம்பியான் ஆப்ரேட்டிங் சிஸ்டம் கொண்ட தொலைபேசிகள்

பிளாக்பெர்ரி ஓ எஸ் மற்றும் பிளாக்பெர்ரி 10

நோக்கியா எஸ் 40

நோக்கியா எஸ் 60

ஆன்டிராய்ட் வெர்சன் 2.1 மற்றும் 2.2

வின்டோஸ் போன் 7.1

ஆப்பிள் ஐபோன் 3 ஜிஎஸ், ஐஓஎஸ் 6 ஆகிய தொலைபேசிகளில் தான் வாட்ஸ்அப் சேவை டிசம்பர் 31க்கு பிறகு கிடைக்காது.

Read More

ஜிமெயில் முகவரிகளில் கூடுதல் வசதிகள் by admin 12:41:00 - 0

ஏறத்தாழ பத்து ஆண்டுகளுக்கு முன்பு, கூகுள், தன் ஜிமெயில் மூலம் யாஹூ மற்றும் ஹாட் மெயில் போன்றவற்றுக்குச் சவாலாய் களம் இறங்கியது. இன்று, பயனாளர்களின், மின் அஞ்சல் பயன்பாட்டில், முதல் தேர்வாய் ஜிமெயில் உள்ளது. நூறு கோடி பேருக்கு மேல் இதனைப் பயன்படுத்துவதால் தான், நீங்களும் நானும், ஜிமெயில் அக்கவுண்ட் ஒன்றைப் பயன்படுத்தி வருகிறோம். 

ஜிமெயில் அஞ்சல் பயன்பாட்டில், அது தரும் அனைத்து வசதிகளையும் நீங்கள் பயன்படுத்தி வருகிறீர்கள் என்று எண்ணுகிறீர்களா? அதுதான் இல்லை. ஜிமெயில் உலகில் பல வசதிகளை நாம் இன்னும் பயன்படுத்தாமல் தான் இருக்கிறோம். ஏன்? கிடைத்தவரை போதும் என்று நினைக்கிறோம். இங்கு அது போல நாம் விட்டுவிட்ட சில வசதிகளைக் காணலாம்.

ஒரே அஞ்சல் பெட்டிக்கான துணை முகவரிகள் 

ஜிமெயில் அஞ்சல் கணக்கில் நாம் ஆளுக்கொரு முகவரியினைக் கொண்டுள்ளோம். ஒவ்வொரு முகவரிக்கும் ஒரு இன்பாக்ஸ் நமக்கு உள்ளது. அந்த முகவரிக்கு அனுப்பப்படும் அனைத்து மெயில்களும், இந்த பாக்ஸில் நமக்குக் கிடைக்கிறது. இந்த முகவரிக்கு இன்னும் சில துணை முகவரிகளை நாம் உருவாக்கலாம். அனைத்தும் அந்த முகவரிக்குச் சொந்தக்காரருக்கான கூடுதல் முகவரிகளாக மாறும். அவை அனைத்திற்கும் அனுப்பப்படும் மெயில்கள் அனைத்தும், அதே மெயில் பாக்ஸில் வந்து விழும். இது எப்படி அமைக்கலாம்? உங்கள் மின் அஞ்சல் முகவரியினை அடுத்து ஒரு '+' அடையாளம் அமைக்கவும். அதன் பின், நீங்கள் விரும்பும் வகையில் சொற்களையோ, எண்களையோ அமைத்துக் கொள்ளுங்கள். ஒரே இன்பாக்ஸுக்கான, உங்களுக்கே சொந்தமான மின் அஞ்சல் முகவரிகளாக இவை இருக்கும். 

எடுத்துக்காட்டாக, உங்களின் தற்போதைய முகவரி aarumugam@gmail.com என இருப்பதாக வைத்துக் கொள்வோம். இதனை, நீங்கள் aarumugam+manager@gmail.com, aarumugam+relatives@gmail.com எனக் கூடுதலாக முகவரிகளை அமைத்து, உங்கள் அலுவலகத்தில் உள்ளவர்களுக்கு முதலில் உள்ளதையும், அடுத்து உள்ளதை, உங்கள் உறவினர்களுக்கும் வழங்கலாம். இந்த இரண்டு முகவரிகளுக்கும் அனுப்பப்படும் மின் அஞ்சல்கள் அனைத்தும், உங்களின் அடிப்படை முகவரியான aarumugam@gmail.com என்ற முகவரிக்கான அஞ்சல் பெட்டிக்கே வந்து சேரும். தனித்தனியாக ஜிமெயில் திறந்து பார்க்க வேண்டியதில்லை. இந்த வசதி மூலம், புதியதாக எந்தவித அடிப்படை மாற்றமும் இல்லாமல், கூடுதல் முகவரிகளை நம் வசதிக்கேற்ப அமைத்துப் பயன்படுத்தலாம். இவ்வாறு எத்தனை முகவரிகளை அமைத்துக் கொள்ளலாம் என்று கேட்கிறீர்களா? எத்தனை வேண்டுமானாலும் அமைத்துக் கொள்ளலாம்.

இதனால், நீங்கள் பேஸ்புக், ட்விட்டர் போன்றவற்றிற்குத் தரும் மின் அஞ்சல் முகவரிகளையும் அவற்றிற்கேற்றார்போல் மாற்றிக் கொள்ளலாம். எடுத்துக் காட்டாக, aarumugam+facebook@gmail.com அல்லது aarumugam+twitter@gmail.com என அமைத்துக் கொள்ளலாம். நீங்கள் உங்கள் இன் பாக்ஸில் அஞ்சலைப் பார்க்கும் போதே, அது எந்த குழுவில் இருந்து வந்தது எனப் புரிந்து கொள்ளலாம். 

முதன்மை முகவரியின் துணை முகவரிகள்

உங்களுடைய ஜிமெயில் முகவரியில், புள்ளி (.) ஒன்றை எந்த இடத்தில் வேண்டுமானாலும் இடைச் செருகி, முதன்மை முகவரியின் துணை முகவரிகளை அமைக்கலாம். ஏனென்றால், ஜிமெயில், அதற்கான மின் அஞ்சல் முகவரிகளில், புள்ளிகள் இருந்தால், அவற்றை ஒரு பொருட்டாகக் கருதாது. ஆனால், நீங்கள் உங்கள் முகவரியில் வெவ்வேறு இடங்களில் புள்ளியிட்டு, வெவ்வேறு நபர்களுக்கு வழங்கலாம். எடுத்துக் காட்டாக, maduraikumaresan@gmail.com என்ற முகவரியிலிருந்து கூடுதலாக, madu.raikumaresan@gmail.com, madurai.kumaresan@gmail.com மற்றும் maduraikumare.san@gmail.com என முகவரிக்ளை அமைக்கலாம். இவை அனைத்திற்கான ஜிமெயில் அஞ்சல்களும், முதன்மை முகவரிக்கான இன் பாக்ஸிற்கே வரும். நம் நண்பர்கள், இந்த புள்ளியைத் தவறாக டைப் செய்து முகவரியை அமைத்தாலும், ஜிமெயில் அதைக் கணக்கில் கொள்ளாமல், முதன்மை மின் அஞ்சல் முகவரிக்கே அனுப்பும். 

அனுப்பிய ஜிமெயிலைத் தடுத்திடு

அனுப்பிய ஜிமெயிலை, அனுப்ப வேண்டாம் என சில விநாடிகளில் நம்மால் தடுக்க முடியும். பலர், கோபத்தில், உணர்ச்சி வேகத்தில், மின் அஞ்சல் ஒன்றை எழுதி உடனே Send பட்டனை அழுத்திவிடுவார்கள். அழுத்திய பின்னரே, உடனே, அதை அனுப்பியிருக்க வேண்டாமே எண்ணுவார்கள். அல்லது, அனுப்பிய மின் அஞ்சலில் வேறு சில மாற்றங்களையும் ஏற்படுத்தியிருக்கலாமே என்று எண்ணலாம். இப்படிப்பட்ட வழக்கமுடையவர்கள், கவலைப்பட வேண்டாம். “Send” பட்டன் அழுத்தியவுடன் இந்த எண்ணம் ஏற்பட்டால், உடனே மெயில் அனுப்பப்படுவதனை நிறுத்தலாம்.

இதற்கு, செட்டிங்ஸ் பக்கத்தில் கீழ்க்குறித்தவாறு அமைப்புகளை அமைக்க வேண்டும். உங்களுடைய் இன்பாக்ஸ் பக்கத்தில் உள்ள 'கியர்' ஐகானில் கிளிக் செய்திடவும். கிடைக்கும் மெனுவில், 'Settings' என்பதில் கிளிக் செய்திடவும். கிடைக்கும் Settings பக்கத்தில், Undo Send என இடது பக்கம் காட்டப்பட்டிருக்கும் இடத்திற்குச் செல்லவும். இங்கு “Enable Undo Send” என உள்ள இடத்தில் உள்ள பாக்ஸில் டிக் அடையாளத்தினை ஏற்படுத்தவும். கீழாக, Send cancellation period எனக் காட்டப்பட்டு, அருகே கீழ் நோக்கிய அம்புக்குறி அடையாளம் இருக்கும். இதில் கிளிக் செய்தால், 5, 20, 30 என மூன்று கால அவகாசம் காட்டப்படும். இது எத்தனை விநாடிகளில், அனுப்பிய மெயிலை, அனுப்பாமல் இருக்க நிறுத்தலாம் என்பதை வரையறை செய்திடும் இடம். நீங்கள் விரும்பும் காலத்தினைத் தேர்ந்தெடுத்து, செட்டிங்ஸ் பக்கத்தின் இறுதியில் சென்று, Save பட்டன் அழுத்தி வெளியேறவும். இனி, அஞ்சல் எழுதி முடித்து, Send பட்டனை அழுத்திய பின்னர், “Your message has been sent. Undo View message எனத் தலைப்பாக மேல் பக்கத்தில் காட்டப்படும். இதில் Undo பட்டனில் அழுத்தினால், நீங்கள் அனுப்பிய அஞ்சல் அனுப்பப்படாமல் வைக்கப்படும். “Sending has been undone” என அஞ்சல் மீண்டும் பெறப்பட்ட செய்தி காட்டப்படும். நீங்கள் அதனை அனுப்பாமல் ரத்து செய்திடலாம். அல்லது தேவைப்படும் திருத்தங்களை மேற்கொண்டு, அதன் பின்னர் அனுப்பலாம்.

போனஸ் குறிப்பு

இன்னொரு குறிப்பு ஒன்றினைக் கூடுதலாகச் சொல்கிறேன். மின் அஞ்சல் கடிதத்தில், (ஆங்கிலத்தில்), ஒரு டாகுமெண்ட், போட்டோ அல்லது விடியோ பைல் என எதையாவது, attach செய்வதாக எழுதிவிட்டு, பின் அதனை இணைக்காமல், அஞ்சலை அனுப்ப முயன்றால், உடனே, கீழ்க்காணும் செய்தி கொண்ட கட்டம் காட்டப்படும். Mail.google.com says / It seems like you forgot to attach a file. You wrote “is attached” in your message. But there are no files attached. Send anyway? என செய்தி தரப்படும். அனுப்புவதை நிறுத்தி விட்டு, பைலை இணைத்து பின் Send பட்டனை அழுத்தலாம். 

மேலே காட்டப்பட்டுள்ள குறிப்புகள், நிச்சயம் பல ஜிமெயில் பயனாளர்களுக்குப் புதியவையாக இருக்கும். இவற்றைப் பயன்படுத்தி நீங்கள் இந்த வசதிகளைப் பயன்படுத்தலாம்.

Read More

பேட்டரி வெடிப்பதாக புகார்: கேலக்ஸி நோட் 7எஸ் செல்பேசி விற்பனை நிறுத்தம் by admin 23:51:00 - 0

சமீபத்தில் அறிமுகம் செய்யப்பட்ட உயர்தர ஸ்மார்ட் செல்பேசிகள் சிலவற்றில் இருக்கும் பேட்டரிகள் வெடிப்பதாக வந்த புகார்களை அடுத்து, சாம்சங் நிறுவனம், புதிய மாடல் ஸ்மார்ட் செல்பேசி விற்பனையை இடைநிறுத்தியுள்ளது.

இரண்டு வாரங்களுக்கு முன்னர் பத்துக்கும் மேற்பட்ட நாடுகளில் விற்பனையை தொடங்கிய பிறகு, 2 மில்லியனுக்கும் மேலான கேலக்ஸி நோட் 7-எஸ் செல்பேசிகளை தென் கொரிய நிறுவனமான சாம்சங் விற்பனை செய்திருக்கிறது.

இந்த செல்பேசியை ஏற்கெனவே வாங்கியிருப்போருக்கு புதிய செல்பேசி வழங்கப்படும்.

இந்த நிறுவனத்தின் முக்கிய போட்டி நிறுவனமான ஆப்பிள், புதிய ஐஃபோனை வெளியிட இருப்பதற்கு ஒரு வாரத்திற்கு முன்னதாக, இவ்வாறு செல்பேசிகளை திரும்ப பெறுவதாக தெரிவித்திருப்பது, சாம்சங்கிற்கு கெட்ட பெயரை உருவாக்கும்.

Read More

இந்த ஆண்டோடு சேவையை நிறுத்தும் வாட்ஸ்ஆப்! அதிர்ச்சி தகவல் by admin 13:07:00 - 0

வாட்ஸ்ஆப் நிறுவனம் சில ஸ்மார்ட் போன்களில் இந்த ஆண்டோடு தங்களின் சேவையை நிறுத்தப் போவதாக அதிகாரப்பூர்வமாக அறிவித்துள்ளது.

வாட்ஸ்ஆப் செயலி இல்லாத ஸ்மாட்போன்களே கிடையாது என்ற நிலை தற்போது வந்துவிட்டது. அந்த அளவு வாட்ஸ்ஆப் தனது சேவையை விரிவுபடுத்தியுள்ளது.

இந்த நிலையில் பழைய ஸ்மார்ட்போன்களில் தங்களின் சேவை நிறுத்தப்படும் என்று கடந்த மார்ச் மாதத்தில் அறிவிப்பு வெளியாகியது.

தற்போது இந்த ஆண்டு டிசம்பர் 31ம் திகதியோடு சில பழைய ஸ்மார்ட் போன்களில் வாட்ஸ்ஆப் செயல்படாது. அதற்கான சேவை முற்றிலும் நிறுத்தப்படும் என்று வாட்ஸ்ஆப் நிறுவனம் அதிகாரப்பூர்வமாக அறிவித்துள்ளது.

இந்த அறிவிப்பு படி, பழைய ஆண்ராய்டு போன்கள், விண்டோஸ் போன்கள், Symbian, BlackBerry ஆகியவற்றில் வாட்ஸ் ஆப் வேலை செய்யாது.

BlackBerry, Nokia S40, Nokia Symbian S60, Android 2.1, Android 2.2, Windows Phone 7.1, iPhone 3GS/iOS 6 இந்த போன்களில் வாட்ஸ்ஆப் வசதி இந்த ஆண்டோடு முடிவுக்கு வருகிறது.

Read More

Apple நிறுவனம் iPhone என்ற பெயரை பயன்படுத்த தடை அதிர்ச்சியில் Apple நிறுவனம் by admin 14:46:00 - 0

ஆப்பிள் நிறுவனம், ஐபோன் பெயரில் மொபைல் போன்கள் விற்கத் தடை விதிக்கப்பட்டுள்ளது.

சீனாவில் ஹேண்ட் பேக் தாயரிக்கும் நிறுவனமான ஜிண்டாங் டியான்டி, ஐபோன் என்ற பெயரை பயன்படுத்தத் தடை விதிக்க வேண்டி ஆப்பிள் நிறுவனம் வழக்குத் தொடர்ந்தது. இந்த வழக்கில் ஆப்பிள் நிறுவனத்துக்கு எதிராகத் தீர்ப்பு வந்தது.

இந்த தீர்ப்பை எதிர்த்து சீனாவின் பெய்ஜிங் மாநகர நீதிமன்றத்தில் ஆப்பிள் நிறுவனம் மேல்முறையீடு செய்தது. இந்த மனுவை விசாரித்த நீதிமன்றம், ஆப்பிள் நிறுவனம் ஐபோன் மாடல்களைக் கடந்த 2009-ல் சீனாவில் விற்கத் தொடங்கியுள்ளது. 

ஆனால், ஐபோன் என்ற பெயரில் ஹேண்ட் பேக்குகள் மற்றும் மொபைல் போன் கவர்களைக் கடந்த 2007 முதலே விற்று வருகிறது என்று கூறி, சீனாவில் ஐபோன் என்ற பெயரை ஆப்பிள் நிறுவனம் பயன்படுத்தத் தடை விதித்து உத்தரவிட்டது. இது ஆப்பிள் நிறுவனத்துக்கு பெரும் பின்னடைவாகக் கருதப்படுகிறது.

Read More

வாட்ஸ்ஆப்புக்கு வருது 'ஆப்பு': இந்தியாவில் தடை-அரசு பரிசீலனை by admin 14:36:00 - 0

வாட்ஸ்ஆப் செயலி இந்தியாவில் தடை செய்யப்படும் வாய்ப்பு உள்ளதாக செய்திகள் வெளியாகியுள்ளன. பாதுகாப்பு காரணங்களுக்காக இப்படி செய்யப்படலாம் என கூறப்படுகிறது. 

வாட்ஸ்ஆப் நிறுவனம் தனது செயலியில் சமீபத்தில் சில மாற்றங்களை செய்தது. இந்த மாற்றங்கள், இந்திய தொலைதொடர்பு சட்ட விதிமுறைகளை நிறைவேற்றும் வகையில் இல்லை என்று கூறப்படுகிறது. இதனால் இந்த செயலி இந்தியாவில் தடை செய்யப்படும் அபாயம் ஏற்பட்டுள்ளது. வாட்ஸ்ஆப் சமீபத்தில் செய்த மாற்றங்கள் காரணமாக, இந்த செயலி மூலம் அனுப்பப்படும் செய்தியை அனுப்புபவர் மற்றும் பெறுபவர் தவிர மற்ற யாரும் படிக்க முடியாது. . 

வாட்ஸ்ஆப்பில் பகிரப்படும் செய்திகளை, சைபர் குற்றவாளிகள், ஹேக்கர்கள், ஏன், நாங்கள் கூட பார்க்க முடியாது என வாட்ஸ்ஆப் செயலியை உருவாக்கியவர்கள் கூறுகின்றனர். ஆனால் இந்திய சட்டப்படி இணையதளம் சேவைகளை 40 பிட் என்கிரிப்சன் வரை மட்டுமே பயன்படுத்த வேண்டும். இதற்கு மேல் அவர்கள் பயன்படுத்த வேண்டுமானால் இந்திய அரசின் அனுமதி பெற வேண்டும். ஆனால் அரசின் அனுமதி கிடைப்பதில் சிரமம் உள்ளது. இந்திய அரசின் அனுமதி பெற வேண்டுமானால், வாட்ஸ்ஆப் நிறுவனம், செயலியில் செய்யப்பட்ட மாற்றங்கள் குறித்த முக்கிய தகவல்களை சமர்ப்பிக்க வேண்டும். வாட்ஸ்ஆப் இதனை செய்யாது என்றே தெரிகிறது. மறைமுகமாக, அப்டேட் செய்யப்பட்ட வாட்ஸ்ஆப் செயலியை பயன்படுத்துவது சட்டவிரோதம் என செய்திகள் தெரிவிக்கின்றன.

Read More

ஐபோனை அன்லாக் செய்ய புதிய வழி by admin 11:53:00 - 0

ஆப்பிள் நிறுவன தயாரிப்பான ஐபோனின் பாதுகாப்பு தொழில்நுட்ப பூட்டை உடைத்து அதற்குள் புகுவதற்கான ஒரு தொழில்நுட்ப வழியை அமெரிக்காவின் மத்திய புலனாய்வுத்துறை அடையாளம் கண்டிருப்பதாக அமெரிக்க அரசின் நீதித்துறை நீதிமன்றத்திடம் தெரிவித்துள்ளது.

சான்பெர்னாண்டினோ துப்பாக்கிதாரியான சையத் ரிஸ்வான் ஃபாரூக்கின் ஐபோனின் பாதுகாப்புப் பூட்டை உடைக்க ஐபோனின் தயாரிப்பு நிறுவனமான ஆப்பிள் உதவ வேண்டும் என்று அமெரிக்காவின் மத்திய புலனாய்வுத்துறை நீதிமன்றத்தில் வழக்கு தொடுத்திருக்கிறது.

கடந்த டிசம்பரில் 14 பேரை துப்பாக்கியால் சுட்டுக்கொலை செய்தது தொடர்பான வழக்கில் சையத் ரிஸ்வானும் அவர் மனைவியும் குற்றம் சுமத்தப்பட்டுள்ளனர். அந்த வழக்கின் புலனாய்வின் ஒரு பகுதியாக அவர்களின் ஐபோனை ஆராயவிரும்பும் அமெரிக்க அரசின் மத்திய புலனாய்வுத்துறையினர் (எஃப் பி ஐ) அதற்கு அதை தயாரித்த ஆப்பிள் நிறுவனம் உதவ வேண்டும் என்று கோரினார்கள்.

ஆனால் இந்த கோரிக்கையை ஆப்பிள் நிறுவனம் ஏற்க மறுத்துவிட்டது.

ஆப்பிள் நிறுவனத்தின் மறுப்பை எதிர்த்து வழக்கு தொடுத்திருக்கும் எஃப் பி ஐ, தற்போது இந்த வழக்கின் விசாரணையை சிலநாட்களுக்கு ஒத்திவைக்கும்படி நீதிமன்றத்தில் கோரியுள்ளது.

காரணம் ஐபோனின் பாதுகாப்பு தொழில்நுட்ப பூட்டை உடைக்க ஒரு புதிய வழி இருப்பதாக ஆப்பிள் அல்லாத நிறுவனம் ஒன்று தம்மிடம் தெரிவித்திருப்பதாகவும் அதை பரிசோதித்துப்பார்க்க கால அவகாசம் தேவை என்றும் அதுவரை இந்த வழக்கின் விசாரணையை ஒத்திவைக்க வேண்டும் என்றும் அமெரிக்க நீதித்துறையின் சார்பில் கோரிக்கை விடுக்கப்பட்டிருக்கிறது.

அந்த கோரிக்கையை ஏற்றுக்கொண்ட நீதிமன்றம் இந்த வழக்கின் விசாரணையை ஒத்திவைத்திருக்கிற

Read More

கூகுள் இன்டர்நெட் வலையமைப்பு இலங்கையில் ஆரம்பம்! இலங்கைக்கு மேலாக பலூன் நிலைநிறுத்தம் by Unknown 10:20:00 - 0

இலங்கை இன்று முதல் பலூன் வழி கூகுள் இன்டர்நெட் வசதியை பயன்படுத்தும் நாடாக மாற்றம் பெற்றுள்ளது.

பலூன் மூலமான இன்டர்நெட் சேவையொன்றை அறிமுகப்படுத்தும் கூகுள் நிறுவனத்தின் பரீட்சார்த்த முயற்சி நேற்று முதல் இலங்கையில் ஆரம்பமாகியுள்ள

இதற்காக தென் அமெரிக்காவில் இருந்து பறக்கவிடப்பட்ட ஆளில்லா கூகுள் பலூன் நேற்று இலங்கையின் தென் பகுதி ஊடாக இலங்கை வான்பரப்பிற்குள் பிரவேசித்து நிலை கொண்டுள்ளது.

இதனையடுத்து இன்று முதல் பலூன் வழி இன்டர்நெட் சேவையின் பரீட்சார்த்த முயற்சிகள் இலங்கையில் மேற்கொள்ளப்படவுள்ளதாக அறிவிக்கப்பட்டுள்ளது.

இதன் மூலமாக தொலைதொடர்புக் கோபுர உதவியின்றி இன்டர்நெட் வசதியைப் பெறும் உலகின் முதல் நாடாக இலங்கை மாற்றம் பெற்றுள்ளது.

பலூன் வழி இன்டர்நெட் சேவை தொடர்பாக கூகுள் நிறுவனத்துக்கும் இலங்கை அரசாங்கத்துக்குமிடையில் கடந்த வருடம் ஒப்பந்தமொன்று மேற்கொள்ளப்பட்டிருந்தமை குறிப்பிடத்தக்கது.

Read More

தற்போது வட்ஸ்அப் இலவசம் by admin 15:41:00 - 0

கடந்த சில வருடங்களாக, முதல் பன்னிரண்டு மாதங்களுக்கு இலவசமாக கிடைக்கும் வட்ஸ்அப்பானது, அதற்குப் பின்னர், சேவையைப் பெறுவதற்கு, வருடாந்தம் சந்தா செலுத்த வேண்டும் என இருந்தது. இந்நிலையிலேயே, மேற்படி வருடாந்த சந்தாக் கட்டணம், உடனடியாக அமுலுக்கு வரும் வகையில், நீக்கப்பட்டுள்ளதாக வட்ஸ்அப் தெரிவித்துள்ளது. தற்போது வரை, முதல் பன்னிரண்டு மாதங்களுக்குப் பின்னர், வருடத்துக்கு, 0.69 அமெரிக்க டொலர் அறவிடப்படுகையில், நீங்கள், மேற்படிக் கட்டணத்தை ஏற்கெனவே செலுத்தியிருந்தால், அதைத் திரும்பிப் பெறமுடியாது. மேற்படி, வருடாந்த சந்தாக் கட்டணமானது, நீக்கப்பட்டபோதிலும், வருமானமீட்டக்கூடிய வகையில் தாம் இருப்பதாக தெரிவித்துள்ளபோதிலும், இதன் காரணமாக, நீங்கள், விளம்பரங்களைக் காணத் தொடங்குவீர்கள் என கருதத்தேவையில்லை என வட்ஸ்அப் தெரிவித்துள்ளது. ஒரு பில்லியன் பயனர்களைக் கொண்டுள்ள, பேஸ்புக்கினால் நிர்வகிக்கப்படும் வட்ஸ்அப்பானது, மேற்படி, வருடாந்த சந்தாவை நீக்கும் வலைப்பூ செய்தியில், பல வருடங்களாக, முதலாவது வருடத்தையடுத்து, வட்ஸ்அப்பை பயன்படுத்த, சிலரைக் கட்டணம் செலுத்துமாறு வினவியதாகவும், ஆனால் நாங்கள் வளர்ச்சியடைந்த்துள்ள நிலையில், இந்த நடைமுறை, சரியாகவில்லையெனவும், பல வட்ஸ்அப் பயனர்களிடம், டெபிட் அட்டைகளோ அல்லது கடனட்டைகளோ இல்லையெனவும், இதனால், முதல் வருடத்துக்குப் பின்னர், அவர்கள், அவர்களுடைய நண்பர்கள் மற்றும் குடும்பத்தினரின் தொடர்புகளை இழக்கும் அபாயம் காணப்படுவதாகவும், 

எனவே அடுத்த சில வாரங்களில், வெவ்வேறு பதிப்புகளில் உள்ள வட்ஸ்அப்பினது, சந்தாவை இரத்துச் செய்வதாக தெரிவித்துள்ளது. இதேவேளை, இந்த வருடத்திலிருந்து, வட்ஸ்அப்பிலிருந்து, நீங்கள் தொடர்பு கொள்ள விரும்பும் வர்த்தகம் மற்றும் நிறுவனங்களோடு தொடர்பு கொள்ளும் வசதி சோதிக்கப்படுகிறது. இந்த வசதி மூலம், நீங்கள் உங்கள் வங்கியுடன் தொடர்பு கொண்டு, நீங்கள் இறுதியாக மேற்கொண்ட பணப்பரிமாற்றத்தை அறிய முடியுமென்பதுடன், நீங்கள் பயணிக்கும் விமான நிறுவனத்திடமிருந்து, உங்களது, விமானம் தாமதமானால், தகவலை பெற்றுக் கொள்ள முடியும் என்பது குறிப்பிடத்தக்கது.     

Read More

டுவிட்டர் இயங்கவில்லை! by Unknown 10:35:00 - 0

டுவிட்டர் இணையத்தளம் சற்று நேரத்துக்கு முன்பிருந்து இயங்கவில்லை. தொழில்நுட்ப கோளாறு ஏற்பட்டுள்ளதாக குறிப்பு ஒன்று மட்டும் டுவிட்டர் இணையத்தளத்தில் காணப்படுகின்றது. 

இதன் காரணமாக உலகெங்கும் உள்ள டுவிட்டர் பாவனையாளர்கள் தமது தகவல்களை பரிமாறிக் கொள்வதில் சிக்கல் ஏற்பட்டுள்ளது.

இதேவேளை, அலைபேசி அப்ளிகேஷனில் டுவிட்டர் வழமைபோல இயங்குகின்றமை குறிப்பிடத்தக்கது. நேற்று மாலையும் இந்த கோளாறு ஏற்பட்டிருந்ததுடன் இரவு வழமைக்கு திரும்பியது. 

Read More

‘கெப்ளர்’ கண்டுபிடித்த 100 புதிய கிரகங்கள் by Unknown 09:48:00 - 0

அமெரிக்க விண்வெளி ஆய்வுமையமான நாசாவின் கெப்ளர் தொலைநோக்கி மூலம் 100 புதிய கிரகங்கள் கண்டுபிடிக்கப்பட்டுள்ளன.

கெப்ளர் தொலைநோக்கி அண்மையில் பழுதடைந்தது. இதன் இரண்டாவது சுற்று திட்டத்தில் (கே2 மிஷன்) புதிய கிரகங்களைக் கண்டறிந்துள்ளது.

கெப்ளர் குறிப்பிட்ட நட்சத்திரத்தை நோக்கி அமைந்துள்ள நிலையில், இடம்பெயரல் முறைப்படி, கெப்ளர் நட்சத்திரத்துக்கு இடைப்பட்ட பகுதியில் கிரகங்கள் கடந்து செல்லும் போது ஏற்படும் சிறிய அளவிலான வெளிச்சப்புள்ளியைக் கொண்டு புதிய கிரகங்களை கெப்ளர் கண்டறிந்துள்ளது.

இடம்பெயரல் முறையில் அதி நுட்பமான கவனிப்பு தேவைப்படும். இத்திறனை கடந்த 2013 மே மாதம் கெப்ளர் இழந்தது.

இருப்பினும் சோலார் ரேடியேசன் மூலம் மூன்றாவது சக்கரத்துக்கு அழுத்தத்தைக் கொடுப்பதன் மூலம் தொலைநோக்கியை ஸ்திரமாக வைத்திருக்கும் தீர்வை விஞ்ஞானிகள் கண்டறிந்தனர்.

அரிஸோனா பல்கலைக்கழக வானியலாளர் லான் கிராஸ்பீல்டு கூறும்போது, ““தகுதியுடைய 100 கிரகங்களை கெப்ளர் கண்டறிந்தது. முதல் 80 நாள் கண்காணிப்பில் 60,000 நட்சத்திரங்கள், 7,000 இடப்பெயர்வு சமிக்ஞைகளை கெப்ளர் கிரகித்துள்ளது.

இவற்றை ஆய்வு செய்ததில் ஒரு சதவீதம் மட்டுமே தவறாக இருக்க வாய்ப்புள்ளது” என்றார். கெப்ளர் தொலைநோக்கி 2009 ஆம் ஆண்டு மார்ச் மாதம், கிரகங்கள் தொடர்பான ஆய்வுக்காக விண்வெளியில் நிறுவப்பட்டது.

Read More

மைக்ரோசாப்ட் : வாடிக்கையாளர்களுக்கு எச்சரிக்கை by admin 23:19:00 - 0

தமது வாடிக்கையாளர்களின் மின்னஞ்சல், மற்றும் ஏனைய ஆன்லைன் கணக்குகளை, அரசாங்கம் ஒன்று ஊடுருவ முயற்சிக்கிறது என தாம் சந்தேகப்பட்டால், அது தொடர்பில் குறித்த தமது வாடிக்கையாளரை தாம் எச்சரிப்போம் என்று மைக்ரோசாப்ட் கூறியுள்ளது.

அவுட்லுக், வன்ட்றைவ், மற்றும் தமது வாடிக்கையாளர்கள் பயன்படுத்தும் சேவைகள் இலக்கு வைக்கப்பட்டால், பாவனையாளர்களுக்கு அது குறித்து அவை அறிவுறுத்தும்.

இவ்வாறான எச்சரிக்கை ஒன்று எவருக்காவது கிடைக்கப்பெற்றால், தமது தரவுகளை பாதுகாப்பது தொடர்பில், மேலதிக நடவடிக்கை எடுக்க வேண்டும் என, அந்த நிறுவனம் தெரிவித்துள்ளது.

மைக்ரோசாப்ட் நிறுவனத்தின் இந்த நகர்வானது, கண்காணிப்பு தொடர்பில் தொழில்நுட்ப நிறுவனங்களின் பங்கு குறித்த பிரிட்டிஷ் அரசாங்கத்தின் திட்டங்களை கட்டுப்படுத்துவதாக அமையும்.

டுவிட்டர், ஃபேஸ்புக், கூகுள், யாகூ உட்பட ஏனைய பல நிறுவனங்களும், வாடிக்கையாளர்களின் தரவுகளை அரசாங்கம் கோருவது குறித்து, வாடிக்கையாளர்களை எச்சரிப்பது என முன்பு உறுதியளித்திருந்தன.

Read More

இருமல், சளிக்கு சூப்பரான வீட்டு மருந்துகள்! by Unknown 01:36:00 - 0

மழை மற்றும் குளிர்காலங்களில் சளி மற்றும் இருமல் பிரச்னையால் அவதிப்படுபவர்கள் ஏராளம்.

இதற்கு மாத்திரை, மருந்துகளை எடுத்துக் கொள்ளாமல் வீட்டிலேயே மருந்து தயாரித்து சாப்பிடலாம், இதனால் எந்தவித பக்கவிளைவுகளும் வராது.

* முள்ளங்கியை சுத்தப்படுத்தி தோல் நீக்கிவிட்டு அறைத்து 2 ஸ்பூன் அளவுக்கு எடுக்கவும். இதனுடன் அரை ஸ்பூன் பனங்கற்கண்டு, ஒரு டம்ளர் நீர் விட்டு கொதிக்க வைக்கவும்.

வடிகட்டி எடுத்து, இருமல் இருக்கும்போது காலை, மாலை 50 மிலி எடுத்துக் கொள்ளவும். மழைக்காலத்தில் ஏற்படும் இருமல், சளி, தொண்டை கட்டுதல் ஆகியவை சரியாகும்.

* இதேபோன்று வெற்றிலையை காம்புகள் நீக்கிவிட்டு அதனுடன் லவங்கம், ஏலக்காய், மிளகு, சீரகம் ஆகியவற்றை சேர்த்து கொதிக்கவிடவும், இதனை வடிகட்டி தேன் சேர்க்கவும்.

இருமல், மூச்சிரைப்பு, நுரையீரல் தொற்று போன்ற நோய்களுக்கு மருந்தாகிறது.

* ஒரு ஸ்பூன் இஞ்சி சாறுடன் தேன் கலந்து குடித்தால் இருமல் சரியாகும், செரிமான கோளாறுகளுக்கு மருந்தாகிறது.

* தேன், இஞ்சி சாறு, எலுமிச்சை சாறு கலந்து குடித்தால் இருமலும், சளியும் குறைந்துவிடும்.

Read More

சீன செய்திச் சேவையில் நிருபராக பணியாற்றும் ரோபோ! by Unknown 01:34:00 - 0

சீன செய்தி சேவையான ஷாங்காய் ட்ராகன் தொலைக்காட்சி செயற்கை நுண்ணறிவு கொண்ட ரோபோவை வானிலை நிருபராக நியமித்துள்ளது.

காலை நேர செய்திப் பதிப்பின்போது திடீரென்று சேனலில் தோன்றிய ரோபோ, “குளிர்கால பருவத்தில் என் புதிய வேலை தொடங்குவதில் நான் மிகவும் சந்தோஷமாக இருக்கிறேன்” என்று குறிப்பிட்டது.

சீன செய்தி சேவையில் பணியாற்றும் ரோபோவுக்கு ‘ஜியோஐஎஸ்’ என்று பெயர் சூட்டப்பட்டுள்ளது. ஸ்மார்ட் கிளவுட் மற்றும் பிக் டேட்டா உதவியோடு மைக்ரோசாஃப்ட் நிறுவனம் இந்த ரோபோவை தயாரித்துள்ளது.

சீன செய்தி நிறுவனத்தில் பணியில் உள்ள ரோபோவின் குரல் அனைவரையும் கவர்ந்துள்ளது. அதன் வார்த்தை உச்சரிப்பு மற்றும் செய்தியை வெளியிடும் விதம் பார்ப்பவரை கவர வைத்துள்ளது.

ரோபோவை பணியில் அமர்த்தியிருக்கும் ஷாங்காய் ட்ராகன் தொலைக்காட்சி நிறுவனம், முழுவதுமாக செய்தியாளர்களை பணி நீக்கம் செய்து ரோபோக்களை வேலையில் அமர்த்தும் எண்ணம் இல்லை என்று தெரிவித்துள்ளது.

இதனால் வேலை பறிபோகும் என்ற பயத்தில் இருந்த செய்தியாளர்கள் சற்று நிம்மதி அடைந்துள்ளதாக மற்றொரு சீன செய்தி பத்திரிகை குறிப்பிட்டுள்ளது.

Read More

விண் கற்களை விட வால் நட்சத்திரங்களால் பூமிக்கு ஆபத்து அதிகம் – விஞ்ஞானிகள் எச்சரிக்கை by Unknown 23:24:00 - 0

விண் கற்களை விட வால் நட்சத்திரங்களால் பூமிக்கு ஆபத்து என விஞ்ஞானிகள் தெரிவித்துள்ளனர்.

விண்ணில் சுற்றித்திரியும் விண் கற்களால் பூமிக்கு ஆபத்து ஏற்படும் என்று அடிக்கடி அறிவிக்கப்படுகிறது. ஆனால் அதைவிட தொலை தூரத்தில் உள்ள வால் நட்சத்திரங்களால் பூமிக்கு பெரும் ஆபத்து ஏற்படும் என விஞ்ஞானிகள் எச்சரித்துள்ளனர்.

இங்கிலாந்து பக்கிங்ஹாம் பல்கலைக்கழகத்தின் விண்வெளி ஆய்வாளர் குழு இந்த தகவலை அறிவித்துள்ளது.

சூரிய குடும்பத்தின் தொலை தூர கிரகங்களான வியாழன், சனி, யுரேனஸ், நெப்டியூன் ஆகியவற்றின் சுற்றுப் பாதையை ஏராளமான வால் நட்சத்திரங்கள் வழி மறிக்கின்றன. இது கடந்த 20 ஆண்டுகளில் கண்டுபிடிக்கப்பட்டுள்ளது.

‘சென்டார்ஸ்’ (விண்மீன் கூட்டம்) என்றழைக்கப்படும் இந்த வால் நட்சத்திரங்கள் 50 முதல் 100 கி.மீட்டருக்கு மேல் குறுக்களவு கொண்டது.

இது எப்போதாவது புவியீர்ப்பு மண்டலத்திற்குள் நுழையும் வாய்ப்பு உள்ளது. ஒவ்வொரு வால் நடசத்திரத்தின் எடையும், புவியிர்ப்பு மண்டலத்தை கடக்கும் அனைத்து விண்கற்களின் ஒட்டு மொத்த எடைக்கு சமமானதாக இருக்கும்.

அவை சூரிய மண்டலத்தில் பூமிக்கு அருகே வரும் போது பல துண்டுகளாக பிரிந்து தூசியாக மாறலாம். ஆனால் அவற்றில் இருந்து வெளியேறும் விண்கல் துகள்கள் பூமியை தாக்காமல் இருக்காது.

இதனால் விண்கற்களை விட வால் நட்சத்திரங்களால் பூமிக்கு ஆபத்து என விஞ்ஞானிகள் எச்சரித்துள்ளனர். 6.5 கோடி ஆண்டுகளுக்கு முன்பு விண்மீன் கூட்டத்து வால் நட்சத்திரம் வீழ்ந்ததால் டைனோசர் இனம் அழிந்திருக்கலாம் என்றும் கருதப்படுகிறது.

எனவே பூமியை பாதுகாக்கும் முயற்சியில் அருகேயுள்ள விண் கற்களில் மட்டுமின்றி, தொலை தூரத்திலுள்ள வால் நட்சத்திரங்களுக்கும் முக்கியத்துவம் தர வேண்டும் என்றும் அறிவுறுத்தப்பட்டுள்ளது.

Read More

எபோலா உயிர்கொல்லி நோய் 25 மில்லியன் வருடங்கள் பழமையானது by Unknown 19:45:00 - 0

ஆபிரிக்காவை நிலை குலைய வைத்த எபோலா உயிர்கொல்லி நோயானது 25 மில்லியன் ஆண்டுகளுக்கு முன்பாகவே இருந்ததாக அமெரிக்க விஞ்ஞானிகளின் ஆராய்ச்சி முடிவில் தெரியவந்துள்ளது.

எச்.ஐ.வி, இன்புளூயன்சா வைரஸ் போன்று இல்லாமல் எபோலா வைரஸ் கண்ணுக்கு தெரியாமல் உள்ளேயே இருந்து உயிரை கொல்லும் கொடிய நோய் என அமெரிக்க இராணுவ மருத்துவ ஆராய்ச்சி நிறுவனத்தின் விஞ்ஞானி ஜான் டை தெரிவித்தார். பல லட்சம் ஆண்டுகளுக்கு முன்னதாகவே, வௌவால்கள் இந்த எபோலா வைரஸை பரப்பி வந்துள்ளது கண்டுபிடிக்கப்பட்டுள்ளது.

குறிப்பாக, குறிப்பிட்ட 4 வகை ஆபிரிக்க வௌவால்கள் இந்த வைரஸ்களை பெரும்பாலும் பரப்புகின்றன. இந்த ஆராய்ச்சியின் துணை தலைவராக கார்த்திக் சந்திரன் என்ற இந்திய ஆராய்ச்சியாளர் ஒருவரும் இருந்தது குறிப்பிடத்தக்கது.

Read More