புத்தளம்–கல்பிட்டி பிரதேசத்திலிருந்து பப்பாசிப் பழங்களை ஏற்றிக்கொண்டு கொழும்பு நோக்கிச் சென்றுகொண்டிருந்த லொறி ஒன்று வீதியை விட்டு விலகி விபத்துக்குள்ளாகியுள்ளது. நேற்று முன்தினம் செவ்வாய்க்கிழமை காலை சிலாபம்– கொழும்பு பிரதான வீதியில் காக்காப்பள்ளி பிரதேசத்திலேயே இவ்விபத்து இடம்பெற்றுள்ளது. வீதியில் சென்றுகொண்டிருந்த இந்த லொறி காக்காப்பள்ளி–பண்டாரவத்தை பிரதேசத்திலுள்ள வங்கு ஒன்றில் வைத்து வேகத்தைக் கட்டுப்படுத்த முடியாமல் வீதியைவிட்டு விலகி வீதிக்கருகில் உள்ள கால்வாய் ஒன்றுக்குள் வீழ்ந்து விபத்திற்குள்ளாகியது.
விபத்திற்குள்ளான லொறியில் அதன் சாரதி மற்றும் உதவியாளர் ஆகியோர் மட்டுமே இருந்துள்ளதுடன் அவர்கள் சிறு காயங்களுக்குள்ளாகியுள்ளனர். அத்துடன் லொறியில் சுமார் ஐயாயிரம் கிலோ பப்பாசிப்பழங்கள் ஏற்ற ப்பட்டிருந்துள்ளதுடன் அவற்றுள் அதிக மானவை சேதத்திற்குள்ளாகியுள்ளன.
No comments
Post a Comment