தமிழ் சினிமாவில் நயன்தாராவுக்கு இருக்கின்ற மரியாதையும் அவருக்கான இடமும் பல வருடங்களாகவே வியப்பை தருகின்ற விடயம். தன்னை விட வயதில் சிறியவரான ஜெய்யுடனும் அவர் ஜோடியாக நடிக்கிறார். தன் வயதுடைய ஹீரோக்களின் படங்களிலும் நடிக்கிறார். தெலுங்குப் படங்களில் தன் அப்பாவின் வயதுடைய ஹீரோக்களுடன் நடிக்க அழைத்தால் கூட வேண்டாம் என்று மறுப்பதில்லை.
இந்த விடயம் அவர் மீது தனிப்பட்ட அபிமானத்தை ஏற்படுத்தி வருகிற வேளையில், எப்படி அவரால் நடிப்புத் திகதியில் குழப்பம் இல்லாமல் நடிக்க முடிகிறது என்கிற ஆச்சர்யத்தையும் ஏற்படுத்துகிறது. சமீபத்தில் அவர் ஒப்புக் கொண்ட சிம்பு படத்தில் நடிக்க அவர் எப்போது திகதிகளை ஒதுக்கிக் கொடுத்திருக்கிறார் என்றால், டிசம்பர் மாதம் முழுவதுமாகும். இதில் நடித்து முடித்த கையோடு ஜெயம் ரவியுடன் ஜோடியாக நடிக்கவிருக்கிறார். இந்த படத்தை ஜெயம் ரவியின் அண்ணன் ஜெயம் ராஜா இயக்க இருக்கிறார். நயன்தாராவுடன் ஜோடி சேரும் நாளுக்காக ரவியும் காத்திருக்கிறார். இதற்கிடையில் விரைவில் சிவகார்த்திகேயன் ஒப்பந்தமாகவிருக்கும் படம் ஒன்றில் இவருக்கு ஜோடியாக நடிக்க நயன்தாராவை கேட்டிருக்கிறார்களாம். அதற்கும் அவர் ஓ.கே சொல்லியிருப்பதாக தகவல். யோகம் நயன்தாராவுக்கா? அவருடன் நடிப்பவர்களுக்கா?
No comments
Post a Comment