கண்டியைச் சேர்ந்த இவர் வர்த்தகரான பிரேமானந்தா நடராஜா, லக் ஷிதா பிரேமானந்தா தம்பதியினரின் புதல்வியும் கண்டி, கொழும்பு சர்வதேச பாடசாலையின் மாணவியும் ஆவார்.
இவர் எட்டாவது வயதிலேயே க.பொ.த சாதாரண தர ஆங்கிலப் பாடத்தில் 'ஏ'சித்தியைப் பெற்று சாதனை படைத்ததோடு அதே வயதில் கணனி அனுமதிப்பத்திரத்தையும் பெற்றுக்கொண்ட உலகின் இளம் வயதான இணையத்தள மேம்பாட்டாளராகவும் அறிவிக்கப்பட்டிருந்தார்.
2002ஆம் ஆண்டு மே மாதம் 13 ஆம் திகதி பிறந்த இவர் தனது மூன்றாவது வயதிலேயே மின்னஞ்சல் ஒன்றை உருவாக்கக்கூடிய திறமையை பெற்றிருந்தார்.
தனது எட்டாவது வயதில் இணைய வர்த்தக டிப்ளோமா பட்டதாரியான இவர் சர்வதேச கணினி பிரயோக சான்றிதழையும் தனது ஒன்பது வயதில் பெற்றவராவார்.
பிரிட்டிஷ் கணினி சமூகம் தொழில் நுட்பத்தில் இவரை சர்வதேச ரீதியாக மிகவும் இளவயது பட்டதாரியென அறிவித்துள்ளது.
இதன்படி பிரிட்டனின் கணினி சமூகத்தின் தகவல் தொழில் நுட்ப பட்டத்தை பெற்றுள்ளார். சர்வதேச ரீதியாக இவரே தகவல் தொழில் நுட்பத் துறையில் மிகக் குறைந்த வயது பட்டதாரியும் ஆவார்.
தாய் நாட்டிற்கு மென்மேலும் புகழ் சேர்க்கும் ரீதியில் தகவல் தொழில் நுட்பத் துறைக்கு மேலும் பல சாதனைகளை நிலைநாட்ட தொடர்ந்தும் தனது முயற்சிகளை முன்னெடுப்பதாகவும் அவர் தெரிவித்தார். இதேவேளை, இவர் இசைக்கருவிகளை இசைப்பதில் தங்கப்பதக்கம் பெற்றவராவார்.
மேலும், ஆங்கிலம், சிங்களம், பிரான்ஸ், ஜேர்மன் உட்பட பல மொழிகளை கற்றவர் என்பதும் குறிப்பிடத்தக்கது.
No comments
Post a Comment