மீன் ஏற்றுமதி தடையை நீக்கியது ஐரோப்பிய ஒன்றியம்
இலங்கையிலிருந்து கடலுணவுகளை ஐரோப்பிய ஒன்றியத்திற்கு ஏற்றுமதி செய்வதற்கு விதிக்கப்பட் டிருந்த தடையை ஐரோப்பிய ஒன்றியம் நீக்கியது. இந்த அறிவிப்பை கடற்றொழில் நீரியல் வளத்துறை அமைச்சர் மஹிந்த அமரவீர நேற்று வெளியிட்டார்.
இத்தடை நேற்று வியாழக்கிழமை தொடக்கம் நீக்கப்பட்டுள்ளதாக ஐரோப்பிய ஒன்றியம் அறிவித்துள்ளதாகவும் அமைச்சர் குறிப்பிட்டுள் ளார்.
அம்பாந்தோட்டைக்கு நேற்று வியாழக்கிழமை விஜயத்தை மேற்கொண்டிருந்த அமைச்சர் மஹிந்த அமரவீர மாலை 3.30 மணியளவில் நடத்திய விசேட ஊடகவியலாளர் மாநாட்டிலேயே இந்த தகவலை வெளி யிட்டார். தொடர்ந்து அமைச்சர் தக வல் வெளியிடுகையில்;
இலங்கையிலிருந்து மீன்கள் உட்பட கடலுணவுப் பொருட்களை ஐரோப்பிய ஒன்றியத்திற்கு ஏற்றுமதி செய்தவதற்கு எமது நாட்டிற்கு தடை
விதிக்கப்பட்டது.
எமது நாட்டு மீனவர்கள் சர்வதேச கடல் சட்டவிதிகளை மீறி சட்டவிரோத மீன்பிடியில் ஈடுபட்டுள்ளதனாலேயே இந்த தடையினை ஐரோப்பிய ஒன்றியம் அமுல்படுத்தியது.
இந்த தடை கடந்த ஒரு வருடகாலமாக நீடித்தது. இதனால் இலங்கைக்கு 16000 மில்லியன் ரூபா வருமான நஷ்டம் ஏற்பட்டது. எனவே எமது மீனவர்கள் மீண்டும் சர்வதேச சட்டங்களை மீறாது கவனத்துடன் செயற்பட வேண்டும். இல்லாவிட்டால் மீண்டும் இந்த தடை விதிக்கப்படலாம். எனவே கவனமாக செயற்பட வேண்டும்.
அதோடு ஜனாதிபதி மைத்திரிபால சிறிசேன தனது ஜேர்மன் மற்றும் வெ ளிநாட்டு விஜயங்களின்போது இந்த தடையை நீக்குவதற்காக வெ ளிநாட்டு தலைவர்களுடன் பேச்சுவார்த்தைகளை நடத்தினார். அதேபோன்று பிரதமர் ரணில்விக்கிரம சிங்க மற்றும் பிரதமர் அலுவலகமும் இந்த தடை நீக்கம் தொடர்பில் பல பிரயத்தனங்களை முன்னெடுத்தது.
அத்தோடு எமது சார்பில் மீன்பிடித்துறையில் மேற்கொள்ளப்பட வேண்டிய மாற்றங்கள், துறைசார் விடயங்கள் தொடர்பில் ஐரோப்பிய ஒன்றியம் முன்வைத்த யோசனைகள் மற்றும் பரிந்துரைகளை நிறைவேற்றினோம்.
இவ்வாறு அனைத்து தரப்பினரின் அர்ப்பணிப்புடன் இன்று எமக்கெதிரான தடை நீக்கப்பட்டுள்ளது என்றார்.
நேற்று பிரஸஸ்ஸில் கூடிய ஐரோப்பிய ஒன்றிய பிரதிநிதிகள் இலங்கையின் செயற்பாடுகள் தொடர்பில் திருப்தி கொண்டு தடையை நீக்கியுள்ளனர். கடந்த ஒருவருடகாலமாக விதிக்கப்பட்டிருந்த இந்த தடையை நீக்குவதற்காக ஜனவரி 8 ஆம் திகதி ஜனாதிபதி பதவியேற்ற மைத்திரிபால சிறிசேன மற்றும் பிரதமர் ரணில் விக்கிரமசிங்க ஆகியோர் தொடர்முயற்சிகளை மேற்கொண்டு வந்தமை குறிப்பிடத்தக்கது.
No comments
Post a Comment