விம்பிள்டன் டென்னிஸ் போட்டியின் ஆடவர் ஒற்றையர் பட்டத்தை செர்பியாவின் நோவாக் யாக்கோவிச் தக்கவைத்துக் கொண்டுள்ளார்.
ஞாயிற்றுக்கிழமை நடைபெற்ற இறுதி ஆட்டத்தில் அவர் சுவிட்சர்லாந்தின் ரோஜர் ஃபெடரரை 7-6(7-1),6-7(10-12),6-4,6-3 எனும் செட்கணக்கில் வென்றார்.
மிகவும் பரபரப்பு மிகுந்த இந்தப் போட்டி சிறிது நேரம் மழையின் காரணமாகத் தடைபட்டது.
நோவாக் யாக்கோவிச் மூன்றாவது முறையாக விம்பிள்டன் ஆடவர் பட்டத்தை வென்றுள்ளார். இதற்கு முன்னர் அவர் கடந்த 2011 மற்றும் 2014ஆம் ஆண்டுகளில் இப்பட்டத்தை வென்றிருந்தார்.
ஆட்டத்தில் முதல் இரண்டு செட்களும் மிகவும் விறுவிறுப்பாகச் சென்றன. முதல் செட்டை யாக்கோவிச் கைப்பற்றினாலும், இரண்டாவது செட்டில் பின்தங்கியிருந்த நிலையிலிருந்து மிகவும் அபாரமாக மீண்டுவந்த ஃபெடரர் அதை 7-6 எனும் செட் கணக்கில் வென்றார்.
அதிலும் கடைசி செட்டை டை-பிரேக்கர் முறையில் 12-10 எனும் கணக்கில் வென்றார்.
ஆனாலும் அந்த உத்வேகத்தை அடுத்த இரண்டு செட்களில் அவரால் தக்கவைத்துக் கொள்ள முடியவில்லை.
இரண்டாவது செட்டை இழந்த நிலையில் அடுத்த இரண்டு செட்களையும் மிகவும் ஆளுமையுடன் ஆடி எளிதாக வென்றார் நோவாக் யாக்கோவிச்.
இந்த இறுதி ஆட்டத்தில் ரோஜர் ஃபெடரர் வென்றிருந்தால், இதுவரை யாரும் செய்திராத வகையில் எட்டாவது முறையாக விம்பிள்டன் பட்டத்தை வென்றவர் எனும் பெருமையைப் பெற்றிருப்பார்.ஆனால் அந்த வாய்ப்பை அவர் நழுவவிட்டார்.
ஆறாவது தடவையாகவும் விம்பிள்டன் பட்டத்தை வென்றார் செரீனா வில்லியம்ஸ்
உலகின் முதல்நிலை டென்னிஸ் வீராங்கனையான அமெரிக்காவின் செரீனா வில்லியம்ஸ் ஆறாவது தடவையாக விம்பிள்டன் பட்டத்தை சுவீகரித்துள்ளார்.
ஆண்டின் மூன்றாவது கிராண்ட்ஸ்லாம் டென்னிஸ் தொடரான விம்பிள்டன் தொடர் லண்டன் வெம்பிளி அரங்கில் நடைபெற்றுவருகிறது.
இதன் மகளிருக்கான ஒற்றையர் பிரிவு இறுதிப் போட்டியில் 34 வயதுடைய அமெரிக்காவின் செரீனா வில்லியம்ஸ் ஸ்பெய்னின் கார்பின் முகுருசாவுடன் மோதினார்.
போட்டியில் ஆரம்பம் முதலே ஆதிக்கம் செலுத்திய செரீனா இரண்டு செட்களையும் 6-4 என தனதாக்கி வெற்றியீட்டினார்.
இது அவருக்கு ஆறாவது விம்பிள்டன் பட்டம் என்பதுடன் 21 ஆவது கிராண்ட்ஸ்லாம் பட்டமாகும்.
அத்துடன், விம்பிள்டன் மற்றும் கிராண்ட்ஸ்லாம் பட்டம் வென்ற வயது முதிர்ந்த வீராங்கனை என்ற சிறப்பையும் செரீனா வில்லியம்ஸ் பெற்றார்.
இதற்கு முன் 1990 ஆம் ஆண்டில் மார்டினா நவரத்திலோவா 33 வயதில் கிராண்ட்ஸ்லாம் பட்டம் வென்று இந்த சாதனையை தம்வசம் வைத்திருந்தார்.
அதிக கிராண்ட்ஸ்லாம் பட்டங்களை வென்ற ஜேர்மனியின் ஸ்டெனி கிராப்பின் 22 கிராண்ட்ஸ்லாம் பட்டங்கள் சாதனையை தகர்க்க செரீனாவுக்கு இன்னும் ஒரு கிராண்ட்ஸ்லாம் பட்டமே தேவைப்படுகிறது.
அதனை அவர் எதிர்வரும் அமெரிக்க பகிரங்கத்தில் குறிவைக்க முடியும் என்பதோடு அதில் வெற்றிபெற்றால் ஓராண்டில் நான்கு கிராண்ட்ஸ்லாம் பட்டங்களையும் வென்ற வீராங்கனையாக செரீனா வரலாற்றில் இணைவார்.
ஆறாவது தடவையாகவும் விம்பிள்டன் பட்டத்தை வென்றார் செரீனா வில்லியம்ஸ்
ஆண்டின் மூன்றாவது கிராண்ட்ஸ்லாம் டென்னிஸ் தொடரான விம்பிள்டன் தொடர் லண்டன் வெம்பிளி அரங்கில் நடைபெற்றுவருகிறது.
இதன் மகளிருக்கான ஒற்றையர் பிரிவு இறுதிப் போட்டியில் 34 வயதுடைய அமெரிக்காவின் செரீனா வில்லியம்ஸ் ஸ்பெய்னின் கார்பின் முகுருசாவுடன் மோதினார்.
போட்டியில் ஆரம்பம் முதலே ஆதிக்கம் செலுத்திய செரீனா இரண்டு செட்களையும் 6-4 என தனதாக்கி வெற்றியீட்டினார்.
இது அவருக்கு ஆறாவது விம்பிள்டன் பட்டம் என்பதுடன் 21 ஆவது கிராண்ட்ஸ்லாம் பட்டமாகும்.
அத்துடன், விம்பிள்டன் மற்றும் கிராண்ட்ஸ்லாம் பட்டம் வென்ற வயது முதிர்ந்த வீராங்கனை என்ற சிறப்பையும் செரீனா வில்லியம்ஸ் பெற்றார்.
இதற்கு முன் 1990 ஆம் ஆண்டில் மார்டினா நவரத்திலோவா 33 வயதில் கிராண்ட்ஸ்லாம் பட்டம் வென்று இந்த சாதனையை தம்வசம் வைத்திருந்தார்.
அதிக கிராண்ட்ஸ்லாம் பட்டங்களை வென்ற ஜேர்மனியின் ஸ்டெனி கிராப்பின் 22 கிராண்ட்ஸ்லாம் பட்டங்கள் சாதனையை தகர்க்க செரீனாவுக்கு இன்னும் ஒரு கிராண்ட்ஸ்லாம் பட்டமே தேவைப்படுகிறது.
அதனை அவர் எதிர்வரும் அமெரிக்க பகிரங்கத்தில் குறிவைக்க முடியும் என்பதோடு அதில் வெற்றிபெற்றால் ஓராண்டில் நான்கு கிராண்ட்ஸ்லாம் பட்டங்களையும் வென்ற வீராங்கனையாக செரீனா வரலாற்றில் இணைவார்.
No comments
Post a Comment