மாவீரர் மீளாத்துயில் கொள்ளும் இடங்களை அழித்தாலும் அவர்களின் நினைவுகள் எங்களை விட்டு விலகாது. இந்த மாவீரர்களின் வரிசையில் இடம்பிடித்த தீவுப்பகுதி மண் பெற்றெடுத்த வீரவேங்கை நிலமங்கையும் ஒருத்தி
யாழ்ப்பாணத்தில் தீவுப்பகுதியில் சரவணை என்னும் அழகிய கிராமத்தில் சிவாஜினி என்னும் பெயரில்உதித்தவள்தான் நிலமங்கை இவள் சிவகுருநாதன் இந்திராணி தம்பதியர்களுக்கு மூன்றாவது மகளாக வந்து பிறந்தாள் .சிங்கள இராணுவ படையெடுப்புகளால் பல இடப்பெயர்வுகளை சந்தித்த தமிழ் மக்களுடன் இவள் குடும்பமும் பல இடப்பெயர்வுகளை சந்தித்து வன்னியில் குடியேறியது.
1997ல் விடுதலைப்புலிகள் அமைப்பில் தன்னை இணைத்துக்கொண்ட இவள் நிலமங்கை பெயர்கொண்டு யெஜசிக்குரு பெரும் சமர்களில் தன்னை ஈடுபடுத்தி இராணுவத்துக்கு பல இழப்புக்களை கொடுத்தாள். இவளின் திறமை கண்டு சோதியா படையணியின் சிறப்பு படைக்கு மாற்றப்பட்டாள்.சோதியா படையணில் இணைக்கப்பட்ட நிலமங்கை, காரிகை (துரைசிங்கம் குமுதினி )யும் இணைபிரியாத நண்பிகளாக சண்டைகளங்களிலும் பாசறைகளிலும் விளங்கினார்கள். 08.06.1998 அன்று பரந்தனில் சிங்கள இராணுவத்துடன் ஏற்பட்ட மோதலில் நிலமங்கை,காரிகை உட்பட பதினாறு வேங்கைகள் தங்களின் இன்னுயிர்களை இந்த மண்ணின் விடுதலைக்காக ஆகுதியாக்கிகொண்ட்டார்கள்.
இணைபிரியா இரண்டு நண்பிகளும் வித்தாகும் போதும் இணைந்தே வித்தாகி போனார்கள்.
நினைவு பகிர்வு
சரவணை மைந்தன்
No comments
Post a Comment