இந்தப் படம் நேற்று வெளியாகவிருந்தது. ஆனால் பல்வேறு சிக்கல்கள் காரணமாக இந்தப் படம் நேற்று வெளியாகவில்லை.
நேற்று காலை முதல் படத்தை வெளியிடுவது குறித்து தொடர்ந்து பேச்சு வார்த்தை நடத்திக் கொண்டிருந்தனர். தயாரிப்பாளர் சங்கத் தலைவர் தாணு, படத்தின் தயாரிப்பாளர் லிங்குசாமி, வெளியீட்டாளர் ஞானவேல் ராஜா ஆகியோர் விநியோகஸ்தர்களிடம் தொடர்ந்து பேச்சுவார்த்தை நடத்தி வந்தனர்.
இன்று காலையிலும் பேச்சுவார்த்தை தொடர்ந்தது.
இந்த நிலையில் அனைத்துப் பிரச்சினைகளும் சுமூகமாக முடிந்ததாகவும், இன்று பிற்பகல் படம் வெளியாகும் என்றும் அதிகாரப்பூர்வமாக அறிவித்துள்ளனர்.
சத்யம் உள்ளிட்ட திரையரங்குகளில் படத்துக்கான முன்பதிவு சற்று முன்பு தொடங்கியது. சில நிமிடங்களுக்குள் இன்றைய காட்சிகளுக்கு முன்பதிவு முடிந்துவிட்டது.
முதல் காட்சி பிற்பகல் 2.55-க்கு தொடங்குகிறது. சில அரங்குகளில் 2.30 மணிக்கு ஆரம்பிக்கிறது.
No comments
Post a Comment