உலகத்தினது கவனத்தினை வழக்கம்போல தன் பக்கம் ஈர்த்துள்ள சர்வதேச திரைப்பட விருதான ஒஸ்காரிலும் சர்வதேச அரசியல் விவகாரங்கள் எதிரொலித்திருக்கின்றன.
இன்று அறிவிக்கப்பட்ட சிறந்த வெளிநாட்டுத் திரைப்படத்துக்கான ஒஸ்கார் விருதை ஈரான் நாட்டுத் திரைப்படமான "ஏ செபரேஷன்" வென்றுள்ளது.
இவ் விருதைவிட ஈரானியர்களுக்கு மகிழ்ச்சியளித்த இன்னொரு விடயமும் உள்ளது.ஆம், ஈரானின் தி செப்பரேசன் படம் போட்டியிட்டது இஸ்ரேல் நாட்டு திரைப்படமான "புட்நோட்"டுடன்.
இவ்விரு நாடுகளுக்குமிடையில் ஏற்கனவே அரசியல் அரங்கத்தில் முறுகல் நிலை காணப்படுகின்றது.
ஒஸ்கார் விருதை தமது நாட்டுத் திரைப்படம் வென்றதினை இஸ்ரேலை வெற்றிகொண்டதாகவே அந்நாட்டு ஊடகங்கள் கருதுகின்றன.
இதனை 'Victory over Zionist regime' என ஈரானிய ஊடகங்கள் செய்தி வெளியிட்டுள்ளன.
அஸ்கர் பர்ஹாடியின் இயக்கத்தில் வெளியாகிய இத்திரைப்படம் கடந்த ஆண்டும் பல விருதுகளை பெற்றிருந்தது.
No comments
Post a Comment