Latest News

March 29, 2016

வட்டமடுவில் விவசாயத்துக்கு வன அதிகாரிகள் தடையை ஏற்படுத்தினால் சாலைமறியல் போராட்டம்
by kavinthan Sivakurunathan - 0

வட்­ட­மடு விவ­சாய காணி­களில் விவ­சாயம் செய்­வ­தற்கு வன­ப­ரி­பா­லன அதி­கா­ரிகள் தடையை ஏற்­ப­டுத்­தினால் சாலை­ம­றியல் போராட்­டத்தை நடத்­துவோம் என வட்­ட­மடு விவ­சாய அமைப்­புக்­களின் தலைவர் ஏ.எம்.எம்.முகைதீன் தெரி­வித்தார்.

வட்­ட­மடு விவ­சாய அமைப்­புக்கள் சேர்ந்து அக்­க­ரைப்­பற்று ரி.எவ்.சி.ஹோட்­டலில் நடத்­திய பத்­தி­ரி­கை­யாளர் மாநாட்டில் கலந்­து­கொண்டு கருத்து தெரி­விக்கும் போதே அவர் மேற்­கண்­ட­வாறு தெரி­வித்தார்.

தொடர்ந்து கருத்து தெரி­வித்த அவர்,

திருக்­கோவில் பிர­தேச செய­ல­கத்­துக்­குட்­பட்ட வட்­ட­மடு பிர­தே­சத்தில் வட்­ட­மடு ஏழை விவ­சா­யி­க­ளா­கிய நாங்கள் 1970 ஆம் ஆண்டு தொடக்கம் 2013 ஆம் ஆண்­டு ­வரை நிம்­ம­தி­யாக சுமு­க­மா­ன­மு­றையில் விவ­சாயம் செய்து வரு­கின்றோம். இக்­கா­ணி­க­ளுக்­கான வர்த்­த­மானி அறி­வித்­தலும் உள்­ளது. இக்­கா­ணிகள் அக்­க­ரைப்­பற்று கிழக்கு கம­நல சேவை நிலை­யத்தின் கீழ் உள்­ளன.இக்­கா­ணி­க­ளுக்­கான (எல்.டீ.ஓ) அனு­ம­திப்­பத்­தி­ரமும் உள்­ளது. உர­மா­னியம் பெற்­றுக்­கொண்­டமை, வரி­செ­லுத்­தி­யமை உள்­ளிட்ட விவ­சாயம் செய்­த­மைக்­கான சகல ஆவ­ணங்­களும் உள்­ளன. 

இதற்கு மேல­தி­க­மாக 1970ஆம், 1980ஆம் ஆண்டு காலப்­ப­கு­தி­களில் வட்­ட­மடு வயல் பிர­தே­சத்தில் விவ­சா­யிகள் குடும்­பத்­துடன் தங்கி விவ­சாயம் செய்­து­வந்­தனர். அதற்கு சான்­றாக 1974 ஆம் ஆண்டு சித்­திரை மாதம் 6 ஆம் திகதி சித்தி பரீதா முகைதீன் என்­ப­வ­ருக்கு வட்ட மடு வயலில் வசீர் எனும் ஆண் குழந்தை பிறந்­ததும் ஒரு சான்­றாகும்.

இவ்­வாறு இருக்­கையில் நாங்கள் கடந்த ஒரு­வா­ர­மாக விவ­சாய நட­வ­டிக்­கை­க­ளுக்­காக எங்­க­ளது காணி­க­ளுக்குள் சென்றால் வன­ப­ரி­பா­லன உத்­தி­யோ­கத்­தர்கள் எங்­களை அடித்து விரட்­டு­கி­றார்கள். என்ன என்று கேட்­டால் மேலி­டத்தில் இருந்து உத்­த­ரவு வந்­துள்­ள­தா­கவும் இது வன­ப­ரி­பா­லன திணைக்­க­ளத்­துக்கு உரிய காணி எனவும் அது 2010 ஆம் ஆண்டு வர்த்­த­மா­னியில் தெரி­விக்­கப்­பட்­டுள்­ள­தா­கவும் கூறு­கின்­றனர். ஆனால் இது பிழை­யான வர்த்­த­மானி அறி­வித்தல். ஏனெனில் அப்­ப­குதி பிர­தேச செய­லாளர், கிராம சேவை அலுவலர், பதி­வு­செய்­யப்­பட்ட கமக்­கார அமைப்­புக்கள் ஆகி­யோ­ரது கருத்துக்கள் பெறப்­ப­டாமல் அன்று கட­மையில் இருந்த மாவட்ட வன அதி­காரியின் பொய்­யான தக­வலின் அடிப்­ப­டையில் வர்த்­த­மா­னியில் பிர­சு­ரிக்­கப்­பட்­டுள்­ளது. இது பிழை­யான அறி­வித்­த­லாகும். இதனை செய்த மாவட்ட வன அதி­கா­ரிக்கு எதி­ராக நட­வ­டிக்கை எடுக்­க­வுள்ளோம் எனவும் விவ­சாய அமைப்பு பிர­தி­நி­திகள் தெரி­வித்­தனர்.
1970 ஆண்டு முதல் விவ­சாயம் செய்து வந்த எங்­க­ளுக்கு இவ்­வர்த்த­மானி அறி­வித்தல் பெரும் ஏமாற்­றத்­தை­ய­ளித்­தது. இவ்­வர்த்­த­மானி அறி­வித்­தலை வைத்து கடந்த 2 வ­ரு­டங்­க­ளாக புதி­தாக வந்த அக்­க­ரைப்­பற்று வட்­டார வன அதி­கா­ரி­க­ளினால் புதிய எல்­லைகள் பிழை­யாக நிர்­ண­யித்து பூர்­வீக­மாக விவ­சாயம் செய்த விவ­சா­யக்­கா­ணி­களில் இருந்து எங்­களை குண்­டர்­களை கொண்டு விரட்டி அடிக்­கி­றார்கள். அது­மட்­டு­மல்­லாமல் உட­மை­க­ளையும் சேதப்­ப­டுத்தி உயிர் அச்­சு­றுத்­த­லையும் ஏற்­ப­டுத்தி வரு­கின்­றனர்.

இது­தொ­டர்­பாக பொலிஸில் முறைப்­பாடு செய்­தாலும் பொலிஸார் நட­வ­டிக்கை எடுக்க அதி­காரம் இல்லை என தெரி­விக்­கின்­றனர். இதனால் ஏழை விவ­சா­யிகள் மன­உ­ளைச்­ச­லுக்கு உள்­ளா­கி­யுள்­ள­துடன் மன­நோ­யா­ளி­யா­கவும் ஆக்­கப்­பட்­டுள்­ளனர்.

இன்னும் ஓரிரு நாட்­களில் வட்­ட­மடு பிர­தே­சத்­துக்கு விவ­சாய நட­வ­டிக்­கை­களை மேற்­கொள்ள செல்­ல­வுள்ளோம். எனவே எங்­களை தடுக்­காமல் பிழையாகக் கொண்­டு ­வ­ரப்­பட்ட வர்த்­த­மானி அறி­வித்­தலை இரத்துச் செய்ய வேண்­டு­மெ­னவும் இவ் ஏழை விவ­சா­யி­களின் வாழ்­வா­தா­ரத்தைப் பெற்­றுத்­த­ரு­மாறும் கேட்­டுக்­கொண்­டனர்.


இத­னையும் மீறி வய­லுக்கு செல்லும் எங்­களை மீண்டும் துரத்­து­வார்­க­ளாயின் அக்­க­ரைப்­பற்று வன­ப­ரி­பா­லன காரி­யா­ல­யத்­துக்கு முன்னால் தொடர்ந்து சாலை­ம­றியல் போராட்­டத்தை நடத்­துவோம் எனவும் தெரி­வித்­தனர். அம்­பாறை மாட்­டத்தில் தமிழ் பேசும் மக்கள் 70 சத­வீதம் வாழ்­கி­றார்கள். அம்­பாறை மாவட்ட அர­சாங்க அதிபர் சிங்­கள மொழி பேசுபவராக இருக்கிறார். எங்களுக்கு வட்டமடு பிரதேச பிரச்சினையை ஆரம்பத்தில் இருந்து அரசாங்க அதிபரிடம் தமிழில் எல்லாவற்றையும் புரியவைக்க முடியாமல் உள்ளது. ஆகவே முதலில் இந்த நல்லாட்சியில் தமிழ் மொழி பேசக்கூடிய ஒருவரை அரசாங்க அதிபராக நியமிக்க வேண்டும் எனவும் கேட்டுக்கொள்கின்றோம் எனவும் தெரிவித்தனர்.


இவ் ஊடகவியலாளர் மாநாட்டில் வட்ட மடு, வேப்பையடி, முறாணவட்டி, கொக்கு ளுவ உள்ளிட்ட விவசாய அமைப்புகளின் பிரதிநிதிகள் கலந்துகொண்டனர்.
« PREV
NEXT »

No comments