பொன்னாலை மேற்கில் முதற்கட்டமாக 2012ஆம் ஆண்டு நவம்பர் மாதம் 5 ஆம் திகதி 127 குடும்பங்கள் மீள்குடியேற்றம் செய்யப்பட்ட போதும் அப்பிரதேச மக்களின் அடிப்படைத் தேவைகள் முழுமையாகப் பூர்த்திசெய்யப்படவில்லையென பொன்னாலை மேற்கு ஜே/170 கிராம அலுவலர் ப.தீசன் தெரிவித்தார்.
பொன்னாலை, காட்டுப்புலம், பாண்டவெட்டை ஆகிய மீள்குடியேற்றப் பிரதேச மக்களுக்குத் தேவையான அபிவிருத்திகளை முன்னெடுப்பது தொடர்பான ஆரம்பக்கட்ட பொது அமைப்பு பிரதிநிதிகள் தொடர்பான சந்திப்பு வலி.மேற்குப் பிரதேச சபையில் சபைச் செயலாளர் திருமதி குணவதி சண்முகலிங்கம் தலைமையில் அண்மையில் இடம்பெற்றது. இதில் கலந்துகொண்ட கிராம அலுவலர் மேலும் தெரிவிக்கையில்,
387 நிரந்தர குடும்பங்களைக் கொண்ட எமது பிரதேசத்தில் 127 குடும்பங்கள் மீள்குடியமர்ந்துள்ளன. இம்மக்களுக்கு முதற்கட்டமாக நிரந்தர வீடுகள், மலசலகூடங்கள், மின்சார இணைப்பு வசதிகள், குழாய் மூலமான குடிதண்ணீர் வசதிகள் என்பன மிக அத்தியாவசியமான தேவைகள் ஆகும்.
இதனைவிட பாதுகாப்பான போக்குவரத்திற்கு பிரதேச சபை வீதிகள், வீதி அபிவிருத்தி அதிகார சபைக்கான மற்றும் வீதி அபிவிருத்தித் திணைக்களத்திற்கான வீதிகள் என்பனவும் முழுமையாக மீள்புனரமைப்புச் செய்யப்படவேண்டும்.
மேலும் மீனவர்களுக்கு இளைப்பாறு மண்டபம், இறங்குதுறை என்பனவும் புதிதாக நவீன வசதிகளுடன் அமைத்துத் தரவேண்டும். ஆரம்ப சுகாதார நிலையம், மயானத்திற்கான எரிகொட்டகை, மயான மண்டபம் என்பன இல்லாமலேயே காணப்படுகின்றன.
இவ்வாறாக பொன்னாலை மேற்கு மட்டுமன்றி அயற்பிரதேசமான காட்டுப்புலம், பாண்டவெட்டை உள்ளடங்கிய ஜே/174, ஜே/172 ஆகிய கிராம அலுவலர் பிரிவுகளில் மீள்குடியமர்த்தப்பட்ட மக்களுக்கும் புதிய நல்லாட்சி அரசாங்கத்தின் உதவிகள் கிடைத்திட வலி. மேற்கு பிரதேச சபை திட்டங்களைத் தயாரித்து இணைத்தலைமைகள் ஊடாக மீள்குடியேற்ற அமைச்சின் கவனத்திற்குக் கொண்டுவரவேண்டுமெனக் கேட்டுக் கொண்டார்.
இதேவேளை குறித்த சந்திப்பில் கலந்து கொண்ட ஜே/174 பிரிவின் கிராம அலுவலர் சீ.ஜீவராஜா பேசுகையில்,
காட்டுப்புலத்தில் வாழும் 19 குடும்பங்களுக்கும் பாண்டவெட்டையில் வாழும் 95 குடும்பங்களுக்கும் முதற்கட்டமாக வீடும் மலசல கூடமும் தேவையாகவுள்ளது.
மேலும் பாடசாலை மாணவர்களின் கல்வித்தேவைக்கு துவிச்சக்கர வண்டிகள், பாடசாலை உபகரணங்கள் என்பனவும் அத்தியாவசியமாக உள்ளன எனத் தெரி-வித்தார்.கல்வி ஒரு சக்திவாய்ந்த ஆயுதம்
No comments
Post a Comment