ரசிகர்களின் பெரிய எதிர்பார்ப்புகளுக்கு மத்தியில் தல அஜித்தின் என்னை அறிந்தால் படத்தின் டிரைலர் மற்றும் பாடல்கள் புத்தாண்டு கொண்டாடும் விதத்தில் இரவு 12 மணிக்கு வெளியாகி அனைவரையும் கவர்ந்து வருகிறது.
வெளியான 9 மணி நேரத்திற்குள் நான்கு லட்சம் பேர் ட்ரைலரை பார்த்துள்ளனர். மேலும் தல ரசிகர்களின் எதிர்பார்ப்பு ட்விட்டரையும் விட்டு வைக்கவில்லை.
என்னை அறிந்தால் படம் பொங்கலுக்கு வெளியாகவில்லை. தியேட்டர்கள் பற்றாக்குறை, பட வேலைகளில் இன்னும் கொஞ்சம் முடியாமலிருப்பது போன்ற காரணங்களால் இந்தப் படம் இரண்டு வாரங்களுக்கு தள்ளிப் போகிறது.
பொங்கலுக்கு ஷங்கர் இயக்கிய ஐ மற்றும் விஷாலின் ஆம்பள படங்கள் அதிக அரங்குகளில் வெளியாக உள்ளன. இன்றைய தேதி வரை பொங்கல் வெளியீடு என்று கூறப்பட்ட என்னை அறிந்தால், திடீரென போட்டியிலிருந்து இன்று விலகிக் கொண்டது. இதுகுறித்து படத்தின் தயாரிப்பாளர் ஏ எம் ரத்னம் கூறுகையில், "பொங்கலுக்கு படத்தை வெளியிடாத நிலை ஏற்பட்டுவிட்டது. காரணம் படத்தின் வேலைகள் இன்னும் முற்றுப் பெறவில்லை. எனவே இரு வாரங்கள் கழித்து ஜனவரி 29-ம் தேதி வெளியிடுகிறோம்," என்றார். அஜீத் ரசிகர்களுக்கு இந்த அறிவிப்பு பெரும் ஏமாற்றமாக அமைந்துள்ளது.
Social Buttons