அந்த விழாவில் ஜீவா, சங்கீதா, கிரிஷ் ஆகிய மூன்று பேரும் பங்கேற்பதற்கு கடும் எதிர்ப்பு கிளம்பியுள்ளது. கருணா கோஷ்டியினர் அந்த விழாவுக்கு ஏற்பாடு செய்திருப்பதாகவும், அதில் ஜீவா, சங்கீதா, கிரிஷ் ஆகிய மூவரும் கலந்துகொள்ளக் கூடாது என்றும் இந்து மக்கள் கட்சி உள்ளிட்ட அமைப்புகள் கோரிக்கை விடுத்தன.
இதைத்தொடர்ந்து ஜீவா தனது சுவிட்சர்லாந்து பயணத்தை ரத்து செய்து விட்டார். இதுபற்றி அவர் அளித்துள்ள பேட்டியில், "சங்கீதாவையும், கிரிஷையும் சுவிட்சர்லாந்தில் உள்ள தமிழ் சங்கம் கவுரவிக்க இருப்பதாகவும், அதில் நானும் கலந்துகொள்ள வேண்டும் என்றும் அழைத்தார்கள். அதோடு அங்கு நடைபெறும் புத்தாண்டு விழாவிலும் கலந்துகொள்ள வேண்டும் என்று கேட்டுக்கொண்டார்கள். நான் வருடந்தோறும் மனைவியுடன் வெளிநாடு சென்று புத்தாண்டு கொண்டாடுவது வழக்கம். அதனால், சுவிட்சர்லாந்து செல்ல சம்மதித்து இருந்தேன். ஆனால், அந்த விழா சர்ச்சையாகி இருக்கிறது. தமிழர்கள் மனதை புண்படுத்தும் விழாவில், நான் கலந்துகொள்ள மாட்டேன். சுவிட்சர்லாந்து பயணத்தை ரத்து செய்து விட்டேன், என்று கூறியுள்ளார்.
No comments
Post a Comment