மயிலந்தனை என்ற கிராமத்தில் தமிழ் மக்களை சிறீலங்கா இராணுவம் கொலை செய்தது என்ற வழக்கில், ஜனாதிபதி சட்டத்தரணி தயா பெரேராவுடன் இணைந்து, இராணுவத்தினருக்கு சார்பாக கஜேந்திரகுமார் பொன்னம்பலம் அவர்கள் வாதாடியதாக சுமந்திரன் ஆற்றிய உரை குற்றச்சாட்டை முன்வைத்து ஆற்றியிருந்த உரை யாழ்.தினக்குரல் பத்திரிகையினில் பிரசுரிக்கப்பட்டிருந்தது.
இது தொடர்பாக மையிலந்தனை படுகொலை வழக்கு ஆரம்பிக்கப்பட்டது தொடக்கம் முடிவடையும் வரை பாதிக்கப்பட்ட தமிழ் மக்களின் சார்பாக ஆஜரான சட்டத்தரணி. திரு. இரட்ணவடிவேல் அவர்கள் தெரிவித்துள்ள கருத்தின் படி, கஜேந்திரகுமார் பொன்னம்பலம் அவர்கள் இந்த வழக்கில் ஒரு தடவையையும் ஆஜராகவில்லை.
ஆகவே, கஜேந்திரகுமார் பொன்னம்பலம் மீது முன்வைக்கப்பட்டுள்ள குற்றச்சாட்டு ஒரு அப்பட்டமான பொய். இதனை நிரூபிப்பதற்கு நான் எந்த நீதிமன்றத்திலும் சமூகம் அளிக்க தயாரெனவும் பிரபல மனித உரிமைச் சட்டத்தரணி இரட்ணவேல் அவர்கள் தெரிவித்தார்.
பிரபல மனித உரிமைச் சட்டத்தரணியான இரட்ணவேல் அவர்கள், தமிழ் மக்களுக்கு எதிரான பயங்கரவாதச் தடைச்சட்டம் மற்றும் அவசர காலச் சட்டத்தின் கீழ் கைது செய்யப்பட்ட தமிழ் இளைஞர்களை விடுவிப்பதற்காகவும், தமிழ் மக்களின் நீதிக்காகவும் தொடர்ச்சியாக துணிந்து குரல்கொடுத்து வருபவர்.அத்துடன் இறுதி யுத்தத்தினில் சரண் அடைந்து காணாமல் போயுள்ளவர்கள் தொடர்பிலான ஆட்கொணர்வு மனுக்கள் மீதான வழக்கினிலும் இவரே ஆஜராகியுள்ளமை குறிப்பிடத்தக்கது.
பதிவு
No comments
Post a Comment